laḌkiyāñ maaoñ jaise muqaddar kyuuñ rakhtī haiñ

tan sahrā aur aañkh samundar kyuuñ rakhtī haiñ

laDkiyan maon jaise muqaddar kyun rakhti hain

tan sahra aur aankh samundar kyun rakhti hain

bhuuk se yā vabā se marnā hai

faisla aadmī ko karnā hai

bhuk se ya waba se marna hai

faisla aadmi ko karna hai

akele ghar meñ bharī dopahar kā sannāTā

vahī sukūn vahī umr bhar kā sannāTā

akele ghar mein bhari dopahar ka sannaTa

wahi sukun wahi umr bhar ka sannaTa

shaam ko terā hañs kar milnā

din bhar kī ujrat hotī hai

sham ko tera hans kar milna

din bhar ki ujrat hoti hai

kachchī umroñ meñ bhī akelī rahī

maiñ sadā apnī hī sahelī rahī

kachchi umron mein bhi akeli rahi

main sada apni hi saheli rahi

ye aur baat ki kam-hausla to maiñ bhī thī

magar ye sach hai use pahle maiñ ne chāhā thā

ye aur baat ki kam-hausla to main bhi thi

magar ye sach hai use pahle main ne chaha tha

terā naam likhtī haiñ uñgliyāñ ḳhalāoñ meñ

ye bhī ik duā hogī vasl kī duāoñ meñ

tera nam likhti hain ungliyan KHalaon mein

ye bhi ek dua hogi wasl ki duaon mein

aao zarā sī der ko ham hañs-bol hī leñ

tum ko nahīñ manzūr hai achchhā rahne do

aao zara si der ko hum hans-bol hi len

tum ko nahin manzur hai achchha rahne do

apnī aag ko zinda rakhnā kitnā mushkil hai

patthar biich ā.īna rakhnā kitnā mushkil hai

apni aag ko zinda rakhna kitna mushkil hai

patthar bich aaina rakhna kitna mushkil hai

vo jis ne ashkoñ se haar nahīñ maanī

kis ḳhāmoshī se dariyā meñ Duub ga.ī

wo jis ne ashkon se haar nahin mani

kis KHamoshi se dariya mein Dub gai

ḳhvāhisheñ dil meñ machal kar yūñhī so jaatī haiñ

jaise añgnā.ī meñ rotā huā bachcha koī

KHwahishen dil mein machal kar yunhi so jati hain

jaise angnai mein rota hua bachcha koi

vo zaḳhm chun ke mire ḳhaar mujh meñ chhoḌ gayā

ki us ko shauq thā be-intihā gulāboñ kā

wo zaKHm chun ke mere KHar mujh mein chhoD gaya

ki us ko shauq tha be-intiha gulabon ka

yā mujhe terī hathelī būjhe

yā koī shoḳh sahelī būjhe

ya mujhe teri hatheli bujhe

ya koi shoKH saheli bujhe