سامنا آج انا سے ہوگا

بات رکھنی ہے تو سر دے دینا

ازل سے تا بہ ابد ایک ہی کہانی ہے

اسی سے ہم کو نئی داستاں بنانی ہے

لب خرد سے یہی بار بار نکلے گا

نکالنے ہی سے دل کا غبار نکلے گا

اب کوئی ڈھونڈ ڈھانڈ کے لاؤ نیا وجود

انسان تو بلندی انساں سے گھٹ گیا

زمانہ حسن نزاکت بلا جفا شوخی

سمٹ کے آ گئے سب آپ کی اداؤں میں

جب فکروں پر بادل سے منڈلاتے ہوں گے

انساں گھٹ کر سائے سے رہ جاتے ہوں گے

بہار آئی گلوں کو ہنسی نہیں آئی

کہیں سے بو تری گفتار کی نہیں آئی

خرد ڈھونڈھتی رہ گئی وجہ غم

مزا غم کا درد آشنا لے گیا

بات اگر نہ کرنی تھی کیوں چمن میں آئے تھے

رنگ کیوں بکھیرا تھا پھول کیوں کھلائے تھے

چمن کا حسن سمجھ کر سمیٹ لائے تھے

کسے خبر تھی کہ ہر پھول خار نکلے گا

سراغ مہر و محبت کا ڈھونڈیو نہ کہیں

کہ ان کی راکھ ہوا میں بکھیر آیا میں

دنیا تو سیدھی ہے لیکن دنیا والے

جھوٹی سچی کہہ کے اسے بہکاتے ہوں گے

حیات لاکھ ہو فانی مگر یہ سن رکھئے

حیات سے جو ہے مقصود غیر فانی ہے

ہم نہ مانیں گے خموشی ہے تمنا کا مزاج

ہاں بھری بزم میں وہ بول نہ پائی ہوگی