rahtī hai saath saath koī ḳhush-gavār yaad

tujh se bichhaḌ ke terī rifāqat ga.ī nahīñ

rahti hai sath sath koi KHush-gawar yaad

tujh se bichhaD ke teri rifaqat gai nahin

lagtā hai zinda rahne kī hasrat ga.ī nahīñ

mar ke bhī saañs lene kī aadat ga.ī nahīñ

lagta hai zinda rahne ki hasrat gai nahin

mar ke bhi sans lene ki aadat gai nahin

haañ ye mumkin hai magar itnā zarūrī bhī nahīñ

jo koī pyaar meñ haarā vahī fankār huā

han ye mumkin hai magar itna zaruri bhi nahin

jo koi pyar mein haara wahi fankar hua

bhuul jaanā thā jise sabt hai dil par mere

yaad rakhnā thā jise us ko bhulā baiThā huuñ

bhul jaana tha jise sabt hai dil par mere

yaad rakhna tha jise us ko bhula baiTha hun

ḳhud apnī shakl dekhe ek muddat ho ga.ī mujh ko

uThā letā hai patthar TuuTe ā.īne nahīñ detā

KHud apni shakl dekhe ek muddat ho gai mujh ko

uTha leta hai patthar TuTe aaine nahin deta

zamāne ke darbār meñ dast-basta huā hai

ye dil us pe maa.il magar rafta rafta huā hai

zamane ke darbar mein dast-basta hua hai

ye dil us pe mail magar rafta rafta hua hai

palaT ke aa.e na aa.e koī sune na sune

sadā kā kaam fazāoñ meñ gūñjte tak hai

palaT ke aae na aae koi sune na sune

sada ka kaam fazaon mein gunjte tak hai

yahī bahut hai kisī tarah se bharam hī rah jaa.e pesh duniyā

agar mayassar nahīñ hai baada ḳhayāl-e-bāda bhī kam nahīñ hai

yahi bahut hai kisi tarah se bharam hi rah jae pesh duniya

agar mayassar nahin hai baada KHayal-e-baada bhi kam nahin hai

jaisī nigāh thī tirī vaisā fusūñ huā

jo kuchh tire ḳhayāl meñ thā jūñ-kā-tūñ huā

jaisi nigah thi teri waisa fusun hua

jo kuchh tere KHayal mein tha jun-ka-tun hua

ābād bastiyāñ thiiñ fasīloñ ke saa.e meñ

aapas meñ bastiyoñ ko milātā huā hisār

aabaad bastiyan thin fasilon ke sae mein

aapas mein bastiyon ko milata hua hisar

burā bhalā vāsta bahar-taur us se kuchh der to rahā hai

kahīñ sar-e-rāh sāmnā ho to itnī shiddat se muñh na moḌūñ

bura bhala wasta bahar-taur us se kuchh der to raha hai

kahin sar-e-rah samna ho to itni shiddat se munh na moDun

inheñ dar-e-ḳhvāb-gāh se kis liye haTāyā

muhāfizoñ kī vafā-shi.ārī meñ kyā kamī thī

inhen dar-e-KHwab-gah se kis liye haTaya

muhafizon ki wafa-shiari mein kya kami thi