کہاں سے آئی تھی آخر تری طلب مجھ میں

خدا نے مجھ کو بنایا تو میں اکیلا تھا

میں اگر خود کو مار ڈالوں تو

کیا بچے گا تری کہانی میں

جس طرح آپ نے بیمار سے رخصت لی ہے

صاف لگتا ہے جنازے میں نہیں آئیں گے

ہمی وہ علم کے روشن چراغ ہیں جن کو

ہوا بجھاتی نہیں ہے سلام کرتی ہے

حضرت جوشؔ کے دیوان کا جب ذکر چلے

کتنی حسرت سے ہمیں اردو زباں دیکھتی ہے

مری آرزؤں کے سیپ کا کسی آب نیساں سے میل کر

مجھے آشنائے وصال کر مری بیکلی کو قرار دے

تم ان لکیروں میں اک خوشی بھی تلاش کر لو تو معجزہ ہے

کہ میں تو بچپن سے جانتا ہوں مری ہتھیلی کا نام دکھ ہے

درد کی چاہ میں پہلے تو کریدوں شب بھر

پھر اسی زخم کو سینے کا مزا لیتا ہوں