kaun apnā hai ik ḳhudā vo bhī

rahne vaalā hai āsmānoñ kā

kaun apna hai ek KHuda wo bhi

rahne wala hai aasmanon ka

tohmat sī liye phirte haiñ sadiyoñ se sar apne

rusvā hai bahut naam yahāñ ahl-e-hunar kā

tohmat si liye phirte hain sadiyon se sar apne

ruswa hai bahut nam yahan ahl-e-hunar ka

ye safar apnā kahīñ jānib-e-mahshar hī na ho

ham liye kis kā janāza haiñ ye ghar se nikle

ye safar apna kahin jaanib-e-mahshar hi na ho

hum liye kis ka janaza hain ye ghar se nikle

jazboñ ko zabān de rahā huuñ

maiñ vaqt ko daan de rahā huuñ

jazbon ko zaban de raha hun

main waqt ko dan de raha hun

milā hai taḳht kise kaun taḳht par na rahā

ye baat aur hai jaarī thā jo safar na rahā

mila hai taKHt kise kaun taKHt par na raha

ye baat aur hai jari tha jo safar na raha

sāmne us yaar ke bhī aur sar-e-darbār bhī

ek ye dil thā jise har baar ḳhuuñ karnā paḌā

samne us yar ke bhi aur sar-e-darbar bhi

ek ye dil tha jise har bar KHun karna paDa