kaisī biptā paal rakhī hai qurbat kī aur duurī kī

ḳhushbū maar rahī hai mujh ko apnī hī kastūrī kī

kaisi bipta pal rakhi hai qurbat ki aur duri ki

KHushbu mar rahi hai mujh ko apni hi kasturi ki

ab kī sardī meñ kahāñ hai vo alaav siina

ab kī sardī meñ mujhe ḳhud ko jalānā hogā

ab ki sardi mein kahan hai wo alaw sina

ab ki sardi mein mujhe KHud ko jalana hoga

maiñ jinheñ dil pe khaa.e phirtā huuñ

tire hisse ke ranj the maulā

main jinhen dil pe khae phirta hun

tere hisse ke ranj the maula

maiñ ik ḳhvāb huuñ terā dekhā huā huuñ

tū ik niiñd hai mujh meñ soī paḌī hai

main ek KHwab hun tera dekha hua hun

tu ek nind hai mujh mein soi paDi hai

vo jo ik baat hai jo tujh ko batā.ī na ga.ī

vo jo ik raaz hai jo khul na sakā vahshat hai

wo jo ek baat hai jo tujh ko batai na gai

wo jo ek raaz hai jo khul na saka wahshat hai

apne hone se bhī inkār kiye jaate haiñ

tere hone kā yaqīñ ḳhud ko dilāte hue ham

apne hone se bhi inkar kiye jate hain

tere hone ka yaqin KHud ko dilate hue hum

vo ek laḌkī jo mar rahī hai hayā ke maare

vo ek laḌkā jo dekhne par tulā huā hai

wo ek laDki jo mar rahi hai haya ke mare

wo ek laDka jo dekhne par tula hua hai

ham logoñ ko paanī achchhā lagtā hai

ham logoñ ne miTTī pahnī huī hai dost

hum logon ko pani achchha lagta hai

hum logon ne miTTi pahni hui hai dost

visāl-e-yār gar harām hai to sun

harām ko halāl kar visāl kar

visal-e-yar gar haram hai to sun

haram ko halal kar visal kar

jānñe vaale mānñe vāloñ se afzal hai dhyān rahe

majnūñ mat ban hosh meñ rah aur phir laila kā bhed samajh

jaanne wale manne walon se afzal hai dhyan rahe

majnun mat ban hosh mein rah aur phir laila ka bhed samajh