Raaz Shayari

Mysteries make life meaningful. They become all the more interesting when mysteries concern lovers and beloveds. Many poets have played upon the idea of secret, secret keeping, and its repercussions once revealed. Let us look at some of the verses that play upon the idea of secrecy.

dafn kar saktā huuñ siine meñ tumhāre raaz ko

aur tum chāho to afsāna banā saktā huuñ maiñ

dafn kar sakta hun sine mein tumhaare raaz ko

aur tum chaho to afsana bana sakta hun main

Asrarul Haq Majaz

ye mere ishq majbūriyāñ ma.āz-allāh

tumhārā raaz tumhīñ se chhupā rahā huuñ maiñ

ye mere ishq ki majburiyan maaz-allah

tumhaara raaz tumhin se chhupa raha hun main

Asrarul Haq Majaz

jin ko apnī ḳhabar nahīñ ab tak

vo mire dil raaz kyā jāneñ

jin ko apni KHabar nahin ab tak

wo mere dil ka raaz kya jaanen

Dagh Dehlvi

koī samjhegā kyā rāz-e-gulshan

jab tak uljhe na kāñToñ se dāman

koi samjhega kya raaz-e-gulshan

jab tak uljhe na kanTon se daman

Fana Nizami Kanpuri

haa.e vo rāz-e-ġham ki jo ab tak

tere dil meñ mirī nigāh meñ hai

hae wo raaz-e-gham ki jo ab tak

tere dil mein meri nigah mein hai

Jigar Moradabadi

maiñ mohabbat na chhupā.ūñ adāvat na chhupā

na yahī raaz meñ ab hai na vahī raaz meñ hai

main mohabbat na chhupaun tu adawat na chhupa

na yahi raaz mein ab hai na wahi raaz mein hai

Kaleem Aajiz

ġhairoñ pe khul na jaa.e kahīñ raaz dekhnā

merī taraf bhī ġhamza-e-ġhammāz dekhnā

ghairon pe khul na jae kahin raaz dekhna

meri taraf bhi ghamza-e-ghammaz dekhna

Momin Khan Momin

har sadā par lage haiñ kaan yahāñ

dil sambhāle raho zabāñ tarah

har sada par lage hain kan yahan

dil sambhaale raho zaban ki tarah

Faiz Ahmad Faiz

koī kis tarah rāz-e-ulfat chhupā.e

nigāheñ milīñ aur qadam Dagmagā.e

koi kis tarah raaz-e-ulfat chhupae

nigahen milin aur qadam Dagmagae

Nakhshab Jaarchawi

ba-pās-e-dil jise apne laboñ se bhī chhupāyā thā

mirā vo raaz tere hijr ne pahuñchā diyā sab tak

ba-pas-e-dil jise apne labon se bhi chhupaya tha

mera wo raaz tere hijr ne pahuncha diya sab tak

Qateel Shifai

un se sab haal daġhābāz kahe dete haiñ

mere hamrāz mirā raaz kahe dete haiñ

un se sab haal daghabaz kahe dete hain

mere hamraaz mera raaz kahe dete hain

Nooh Narvi

dāman ashkoñ se tar kareñ kyūñ-kar

raaz ko mushtahar kareñ kyūñ-kar

daman ashkon se tar karen kyun-kar

raaz ko mushtahar karen kyun-kar

Mubarak Azimabadi

terā har raaz chhupā.e hue baiThā hai koī

ḳhud ko dīvāna banā.e hue baiThā hai koī

tera har raaz chhupae hue baiTha hai koi

KHud ko diwana banae hue baiTha hai koi

Akhtar Siddiqui

apnā haal tak na khulā mujh ko ta-ba-marg

maiñ kaun huuñ kahāñ se chalā thā kahāñ gayā

apna hi haal tak na khula mujh ko ta-ba-marg

main kaun hun kahan se chala tha kahan gaya

Hairat Allahabadi

zabān o dahan se jo khulte nahīñ haiñ

vo khul jaate haiñ raaz aksar nazar se

zaban o dahan se jo khulte nahin hain

wo khul jate hain raaz aksar nazar se

Amn Lakhnvi