ujḌe haiñ ka.ī shahar, to ye shahar basā hai

ye shahar bhī chhoḌā to kidhar jāoge logo

ujDe hain kai shahar, to ye shahar basa hai

ye shahar bhi chhoDa to kidhar jaoge logo

niiñd TuuTī hai to ehsās-e-ziyāñ bhī jaagā

dhuup dīvār se āñgan meñ utar aa.ī hai

nind TuTi hai to ehsas-e-ziyan bhi jaga

dhup diwar se aangan mein utar aai hai

ik kār-e-muhāl kar rahā huuñ

zinda huuñ kamāl kar rahā huuñ

ek kar-e-muhaal kar raha hun

zinda hun kamal kar raha hun

maiñ ne ibādatoñ ko mohabbat banā diyā

āñkheñ butoñ ke saath rahīñ dil ḳhudā ke saath

main ne ibaadaton ko mohabbat bana diya

aankhen buton ke sath rahin dil KHuda ke sath

nā-mustajāb itnī duā.eñ huiiñ ki phir

merā yaqīñ bhī uTh gayā rasm-e-duā ke saath

na-mustajab itni duaen huin ki phir

mera yaqin bhi uTh gaya rasm-e-dua ke sath

'sarshār' maiñ ne ishq ke ma.anī badal diye

is āshiqī meñ pahle na thā vasl kā chalan

'sarshaar' main ne ishq ke mani badal diye

is aashiqi mein pahle na tha wasl ka chalan

mirī talab meñ takalluf bhī inkisār bhī thā

vo nukta-sanj thā sab mere hasb-e-hāl diyā

meri talab mein takalluf bhi inkisar bhi tha

wo nukta-sanj tha sab mere hasb-e-haal diya