jo nahīñ hotā bahut hotī hai shohrat us kī

jo guzartī hai vo ash.ār meñ aatī hī nahīñ

jo nahin hota bahut hoti hai shohrat us ki

jo guzarti hai wo ashaar mein aati hi nahin

yuuñ sarāpā iltijā ban kar milā thā pahle roz

itnī jaldī vo ḳhudā ho jā.egā sochā na thā

yun sarapa iltija ban kar mila tha pahle roz

itni jaldi wo KHuda ho jaega socha na tha

use jis shab madhur āvāz meñ gaanā thā lāzim

rivāyat hai ki us shab bhī parinda chup rahā thā

use jis shab madhur aawaz mein gana tha lazim

riwayat hai ki us shab bhi parinda chup raha tha

jis raat meñ na hijr ho ne vasl 'ajmalī'

us raat meñ kahāñ kī ġhazal jāgte raho

jis raat mein na hijr ho ne wasl 'ajmali'

us raat mein kahan ki ghazal jagte raho

shām-e-mimbar par fazīlat ke bahut sanjīda farhāñ

sub.h-dam afsurdagī ke farsh par bikhrā huā maiñ

sham-e-mimbar par fazilat ke bahut sanjida farhan

subh-dam afsurdagi ke farsh par bikhra hua main

tā-sub.h merī laash rahī be-kafan to kyā

bānū-e-shām nauha-kunāñ hī nahīñ huī

ta-subh meri lash rahi be-kafan to kya

banu-e-sham nauha-kunan hi nahin hui