na.ī nahīñ hai ye tanhā.ī mere hujre kī

maraz ho koī bhī hai chārāgar se Dar jaanā

nai nahin hai ye tanhai mere hujre ki

maraz ho koi bhi hai chaaragar se Dar jaana

ai zindagī kabhī inkār kā sabab bhī sun

maiñ thak gayā huuñ terī haañ meñ haañ milāte hue

ai zindagi kabhi inkar ka sabab bhi sun

main thak gaya hun teri han mein han milate hue

ye bahs chhoḌ ke kitnī hasīn hai duniyā

tū ye batā ki terā dil kahīñ lagā ki nahīñ

ye bahs chhoD ke kitni hasin hai duniya

tu ye bata ki tera dil kahin laga ki nahin

ik mohabbat bhare cinema meñ

mere marne kā scene mere ḳhvāb

ek mohabbat bhare cinema mein

mere marne ka scene mere KHwab

'arsh' bahāroñ meñ bhī aayā ek nazāra patjhaḌ kā

sabz shajar ke sabz tane par ik sūkhī sī Daalī thī

'arsh' bahaaron mein bhi aaya ek nazara patjhaD ka

sabz shajar ke sabz tane par ek sukhi si Dali thi

kyuuñ na tashbīh phuul ho us kī

vo jo ḳhushbū sā dāstān meñ hai

kyun na tashbih phul ho us ki

wo jo KHushbu sa dastan mein hai

dasht kī nā-tamām rāhoñ par

koī sāthī hai to shajar tanhā

dasht ki na-tamam rahon par

koi sathi hai to shajar tanha

maiñ bahut duur se aaya huuñ ik ummīd liye

baiThne mat do magar naam to batlāne do

main bahut dur se aaya hun ek ummid liye

baiThne mat do magar nam to batlane do

nayā nayā hai so kah lo ise akelā-pan

phir is maraz ke ka.ī aur naam ā.eñge

naya naya hai so kah lo ise akela-pan

phir is maraz ke kai aur nam aaenge