ٹاپ 5 اردو شاعری| ریختہ

کر رہا تھا غم جہاں کا حساب

آج تم یاد بے حساب آئے

فیض احمد فیض

جب آ جاتی ہے دنیا گھوم پھر کر اپنے مرکز پر

تو واپس لوٹ کر گزرے زمانے کیوں نہیں آتے

عبرت مچھلی شہری

کاش دیکھو کبھی ٹوٹے ہوئے آئینوں کو

دل شکستہ ہو تو پھر اپنا پرایا کیا ہے

عبید اللہ علیم

محبت رنگ دے جاتی ہے جب دل دل سے ملتا ہے

مگر مشکل تو یہ ہے دل بڑی مشکل سے ملتا ہے

جلیلؔ مانک پوری

میں تو مسجد سے چلا تھا کسی کعبہ کی طرف

دکھ تو یہ ہے کہ عبادت مری بد نام ہوئی

احمد راہی

آج کے منتخب ۵ شعر