sāhil pe log yūñhī khaḌe dekhte rahe

dariyā meñ ham jo utre to dariyā utar gayā

sahil pe log yunhi khaDe dekhte rahe

dariya mein hum jo utre to dariya utar gaya

phir na.ī hijrat koī darpesh hai

ḳhvāb meñ ghar dekhnā achchhā nahīñ

phir nai hijrat koi darpesh hai

KHwab mein ghar dekhna achchha nahin

karbalā meñ ruḳh-e-asġhar kī taraf

tiir chalte nahīñ dekhe jaate

karbala mein ruKH-e-asghar ki taraf

tir chalte nahin dekhe jate

is hī buniyād par kyuuñ na mil jaa.eñ ham

aap tanhā bahut ham akele bahut

is hi buniyaad par kyun na mil jaen hum

aap tanha bahut hum akele bahut

tum apne aks meñ kyā dekhte ho

tumhārā aks bhī tum sā nahīñ hai

tum apne aks mein kya dekhte ho

tumhaara aks bhi tum sa nahin hai

aap ke jaate hī ham ko lag ga.ī āvārgī

aap ke jaate hī ham se ghar nahīñ dekhā gayā

aap ke jate hi hum ko lag gai aawargi

aap ke jate hi hum se ghar nahin dekha gaya

jab thī manzil nazar meñ to rasta thā ek

gum huī hai jo manzil to raste bahut

jab thi manzil nazar mein to rasta tha ek

gum hui hai jo manzil to raste bahut

sajāte ho badan bekār 'jāved'

tamāshā ruuh ke andar lagegā

sajate ho badan bekar 'jawed'

tamasha ruh ke andar lagega

shā.irī peT kī ḳhātir 'jāved'

biich bāzār ke aa baiThī hai

shairi peT ki KHatir 'jawed'

bich bazar ke aa baiThi hai

yaqīñ kā dā.era dekhā hai kis ne

gumāñ ke dā.ere meñ kyā nahīñ hai

yaqin ka daera dekha hai kis ne

guman ke daere mein kya nahin hai

zamīñ ko aur ūñchā mat uThāo

zamīñ kā āsmāñ se sar lagegā

zamin ko aur uncha mat uThao

zamin ka aasman se sar lagega

ashk Dhalte nahīñ dekhe jaate

dil pighalte nahīñ dekhe jaate

ashk Dhalte nahin dekhe jate

dil pighalte nahin dekhe jate

har ik raste pe chal kar sochte haiñ

ye rasta jā rahā hai apne ghar kyā

har ek raste pe chal kar sochte hain

ye rasta ja raha hai apne ghar kya

dekhte ham bhī haiñ kuchh ḳhvāb magar haa.e re dil

har na.e ḳhvāb kī ta.abīr se Dar jaatā hai

dekhte hum bhi hain kuchh KHwab magar hae re dil

har nae KHwab ki tabir se Dar jata hai

tark karnī thī har ik rasm-e-jahāñ

haañ magar rasm-e-vafā rakhnī hī thī

tark karni thi har ek rasm-e-jahan

han magar rasm-e-wafa rakhni hi thi

kabhī sochā hai miTTī ke alāva

hameñ kahte haiñ ye dīvār-o-dar kyā

kabhi socha hai miTTi ke alawa

hamein kahte hain ye diwar-o-dar kya

manzaroñ ke bhī pare haiñ manzar

aañkh jo ho to nazar jaa.e jī

manzaron ke bhi pare hain manzar

aankh jo ho to nazar jae ji

samundar paar aa baiThe magar kyā

na.e mulkoñ meñ ban jaate haiñ ghar kyā

samundar par aa baiThe magar kya

nae mulkon mein ban jate hain ghar kya