Sher of Asad Ali Khan Qalaq
kotāh umr ho ga.ī aur ye na kam huī
ai jaan aa ke tūl-e-shab-e-intizār dekh
kotah umr ho gai aur ye na kam hui
ai jaan aa ke tul-e-shab-e-intizar dekh
-
Share this
- See Ghazal
- Critique
- Comments
- Download
ai be-ḳhudi-e-dil mujhe ye bhī ḳhabar nahīñ
kis din bahār aa.ī maiñ dīvāna kab huā
ai be-KHudi-e-dil mujhe ye bhi KHabar nahin
kis din bahaar aai main diwana kab hua
-
Tag : Bekhudi
-
Share this
- See Ghazal
- Critique
- Comments
- Download
'qalaq' ġhazleñ paḌheñge jā-e-qur.āñ sab pas-e-murdan
hamārī qabr par jab majma-e-ahl-e-suḳhan hogā
'qalaq' ghazlen paDhenge ja-e-quran sab pas-e-murdan
hamari qabr par jab majma-e-ahl-e-suKHan hoga
chalā hai chhoḌ ke tanhā kidhar tasavvur-e-yār
shab-e-firāq meñ thā tujh se mashġhala dil kā
chala hai chhoD ke tanha kidhar tasawwur-e-yar
shab-e-firaq mein tha tujh se mashghala dil ka
-
Share this
- See Ghazal
- Critique
- Comments
- Download
rāh-e-haq meñ khel jāñ-bāzī hai o zāhir-parast
kyā tamāshā daar par mansūr ne naT kā kiyā
rah-e-haq mein khel jaan-bazi hai o zahir-parast
kya tamasha dar par mansur ne naT ka kiya
phir mujh se is tarah kī na kījegā dil-lagī
ḳhair is ghaḌī to aap kā maiñ kar gayā lihāz
phir mujh se is tarah ki na kijega dil-lagi
KHair is ghaDi to aap ka main kar gaya lihaz
ka.abe se khīñch laayā ham ko sanam-kade meñ
ban kar kamand-e-ulfat zunnār barhaman kā
kabe se khinch laya hum ko sanam-kade mein
ban kar kamand-e-ulfat zunnar barhaman ka
said ḳhā.if vo hoñ is said-gah-e-ālam meñ
apne saa.e ko samajhtā huuñ ki sayyād aayā
said KHaif wo hon is said-gah-e-alam mein
apne sae ko samajhta hun ki sayyaad aaya
ḳhafā ho gāliyāñ do chāhe aane do na aane do
maiñ bose lūñgā sote meñ mujhe lapkā hai chorī kā
KHafa ho galiyan do chahe aane do na aane do
main bose lunga sote mein mujhe lapka hai chori ka
adā se dekh lo jaatā rahe gila dil kā
bas ik nigāh pe Thahrā hai faisla dil kā
ada se dekh lo jata rahe gila dil ka
bas ek nigah pe Thahra hai faisla dil ka
-
Share this
- See Ghazal
- Critique
- Comments
- Download
karo tum mujh se bāteñ aur maiñ bāteñ karūñ tum se
kalīm-ullāh ho jā.ūñ maiñ ejāz-e-takallum se
karo tum mujh se baaten aur main baaten karun tum se
kalim-ullah ho jaun main ejaz-e-takallum se
-
Share this
- See Ghazal
- Critique
- Comments
- Download
yahī insāf tire ahd meñ hai ai shah-e-husn
vājib-ul-qatl mohabbat ke gunahgār haiñ sab
yahi insaf tere ahd mein hai ai shah-e-husn
wajib-ul-qatl mohabbat ke gunahgar hain sab
-
Share this
- See Ghazal
- Critique
- Comments
- Download
apne begāne se ab mujh ko shikāyat na rahī
dushmanī kar ke mire dost ne maarā mujh ko
apne begane se ab mujh ko shikayat na rahi
dushmani kar ke mere dost ne mara mujh ko
phir gayā āñkhoñ meñ us kaan ke motī kā ḳhayāl
gosh-e-gul tak na koī qatra-e-shabnam aayā
phir gaya aankhon mein us kan ke moti ka KHayal
gosh-e-gul tak na koi qatra-e-shabnam aaya
-
Share this
- See Ghazal
- Critique
- Comments
- Download
yaad dilvā.iye un ko jo kabhī va.ada-e-vasl
to vo kis naaz se farmāte haiñ ham bhuul ga.e
yaad dilwaiye un ko jo kabhi wada-e-wasl
to wo kis naz se farmate hain hum bhul gae
huā maiñ riñd-mashrab ḳhaak mar kar is tamannā meñ
namāz āḳhir paḌheñge vo kisī din to tayammum se
hua main rind-mashrab KHak mar kar is tamanna mein
namaz aaKHir paDhenge wo kisi din to tayammum se
yuuñ ruuh thī adam meñ mirī bahr-e-tan udaas
ġhurbat meñ jis tarah ho ġharīb-ul-vatan udaas
yun ruh thi adam mein meri bahr-e-tan udas
ghurbat mein jis tarah ho gharib-ul-watan udas
manzil hai apnī apnī 'qalaq' apnī apnī gor
koī nahīñ sharīk kisī ke gunāh meñ
manzil hai apni apni 'qalaq' apni apni gor
koi nahin sharik kisi ke gunah mein
-
Share this
- See Ghazal
- Critique
- Comments
- Download
kareñge ham se vo kyūñkar nibāh dekhte haiñ
ham un kī thoḌe dinoñ aur chaah dekhte haiñ
karenge hum se wo kyunkar nibah dekhte hain
hum un ki thoDe dinon aur chah dekhte hain
maiñ vo mai-kash huuñ milī hai mujh ko ghuTTī meñ sharāb
shiir ke badle piyā hai maiñ ne shīra taak kā
main wo mai-kash hun mili hai mujh ko ghuTTi mein sharab
shir ke badle piya hai main ne shira tak ka
agar na jāma-e-hastī mirā nikal jaatā
to aur thoḌe dinoñ ye libās chal jaatā
agar na jama-e-hasti mera nikal jata
to aur thoDe dinon ye libas chal jata
be-sabab ġhunche chaTakte nahīñ gulzāroñ meñ
phir rahā hai ye DhiñDhorā tirī ra.anā.ī kā
be-sabab ghunche chaTakte nahin gulzaron mein
phir raha hai ye DhinDhora teri ranai ka
jab huā garm-e-kalām-e-muḳhtasar mahkā diyā
itr khīñchā yaar ke lab ne gul-e-taqrīr kā
jab hua garm-e-kalam-e-muKHtasar mahka diya
itr khincha yar ke lab ne gul-e-taqrir ka
vo riñd huuñ ki mujhe hathkaḌī se bai.at hai
milā hai gesū-e-jānāñ se silsila dil kā
wo rind hun ki mujhe hathkaDi se baiat hai
mila hai gesu-e-jaanan se silsila dil ka
umr to apnī huī sab but-parastī meñ basar
naam ko duniyā meñ haiñ ab sāhib-e-islām ham
umr to apni hui sab but-parasti mein basar
nam ko duniya mein hain ab sahib-e-islam hum
tilā.ī rañg jānāñ kā agar mazmūn likhūñ ḳhat meñ
to haala gird harfoñ ke bane sone ke paanī kā
tilai rang jaanan ka agar mazmun likhun KHat mein
to haala gird harfon ke bane sone ke pani ka
pūchhā sabā se us ne patā kū-e-yār kā
dekho zarā shu.ūr hamāre ġhubār kā
puchha saba se us ne pata ku-e-yar ka
dekho zara shuur hamare ghubar ka
but-parastī meñ bhī bhūlī na mujhe yād-e-ḳhudā
haath meñ sub.ha gale meñ mire zunnār rahā
but-parasti mein bhi bhuli na mujhe yaad-e-KHuda
hath mein subha gale mein mere zunnar raha
-
Share this
- See Ghazal
- Critique
- Comments
- Download
gardish meñ saath un āñkhoñ kā koī na de sakā
din rah gayā kabhī to kabhī raat rah ga.ī
gardish mein sath un aankhon ka koi na de saka
din rah gaya kabhi to kabhi raat rah gai
-
Share this
- See Ghazal
- Critique
- Comments
- Download
himmat kā zāhidoñ kī sarāsar qusūr thā
mai-ḳhāna ḳhānqāh se aisā na duur thā
himmat ka zahidon ki sarasar qusur tha
mai-KHana KHanqah se aisa na dur tha
yuuñ rāhī-e-adam huī bā-vasf-e-uzr-e-lañg
mahsūs aaj tak na hue naqsh-e-pā-e-sham.a
yun rahi-e-adam hui ba-wasf-e-uzr-e-lang
mahsus aaj tak na hue naqsh-e-pa-e-shama
kufr-o-islām ke jhagḌoñ se chhuḌāyā sad-shukr
qaid-e-maz.hab se junūñ ne mujhe āzād kiyā
kufr-o-islam ke jhagDon se chhuDaya sad-shukr
qaid-e-mazhab se junun ne mujhe aazad kiya
ḳhat meñ likkhī hai haqīqat dasht-gardī kī agar
nāma-bar jañgalī kabūtar ko banānā chāhiye
KHat mein likkhi hai haqiqat dasht-gardi ki agar
nama-bar jangali kabutar ko banana chahiye
-
Share this
- See Ghazal
- Critique
- Comments
- Download
mubārak dair-o-ka.aba hoñ 'qalaq' shaiḳh-o-barahman ko
bichhā.eñge musallā chal ke ham mehrāb-e-abrū meñ
mubarak dair-o-kaba hon 'qalaq' shaiKH-o-barahman ko
bichhaenge musalla chal ke hum mehrab-e-abru mein
sitam vo tum ne kiye bhūle ham gila dil kā
huā tumhāre bigaḌne se faisla dil kā
sitam wo tum ne kiye bhule hum gila dil ka
hua tumhaare bigaDne se faisla dil ka
-
Share this
- See Ghazal
- Critique
- Comments
- Download
kuchh ḳhabar detā nahīñ us kī dil-e-āgah mujhe
vahī ke mānind ab mauqūf hai ilhām kā
kuchh KHabar deta nahin us ki dil-e-agah mujhe
wahi ke manind ab mauquf hai ilham ka
nayā mazmūn laanā kāTnā koh-o-jabal kā hai
nahīñ ham sher kahte pesha-e-farhād kahte haiñ
naya mazmun lana kaTna koh-o-jabal ka hai
nahin hum sher kahte pesha-e-farhad kahte hain
dast-e-junūñ ne phaaḌ ke pheñkā idhar-udhar
dāman abad meñ hai to garebāñ azal meñ hai
dast-e-junun ne phaD ke phenka idhar-udhar
daman abad mein hai to gareban azal mein hai
phañs gayā hai dām-e-kākul meñ butān-e-hind ke
tā.ir-e-dil ko hamāre rām-dānā chāhiye
phans gaya hai dam-e-kakul mein butan-e-hind ke
tair-e-dil ko hamare ram-dana chahiye
bahār aate hī zaḳhm-e-dil hare sab ho ga.e mere
udhar chaTkā koī ġhuncha idhar TuuTā har ik Tāñkā
bahaar aate hi zaKHm-e-dil hare sab ho gae mere
udhar chaTka koi ghuncha idhar TuTa har ek Tanka
ai parī-zād jo tū raqs kare mastī meñ
dāna-e-tāk har ik paañv meñ ghuñghrū ho jaa.e
ai pari-zad jo tu raqs kare masti mein
dana-e-tak har ek panw mein ghunghru ho jae
misāl-e-ā.ina ham jab se hairatī haiñ tire
ki jin dinoñ meñ na thā tū siñgār se vāqif
misal-e-aina hum jab se hairati hain tere
ki jin dinon mein na tha tu singar se waqif
sindūr us kī maañg meñ detā hai yuuñ bahār
jaise dhanak nikaltī hai abr-e-siyāh meñ
sindur us ki mang mein deta hai yun bahaar
jaise dhanak nikalti hai abr-e-siyah mein
-
Share this
- See Ghazal
- Critique
- Comments
- Download
tire hoñThoñ se sharmā kar pasīne meñ huā ye tar
ḳhizar ne ḳhud araq poñchhā jabīn-e-āb-e-haivāñ kā
tere honThon se sharma kar pasine mein hua ye tar
KHizar ne KHud araq ponchha jabin-e-ab-e-haiwan ka
barābar ek se misra.a nazar aate haiñ abrū ke
tavārud kahiye yā hai ek meñ mazmūn chorī kā
barabar ek se misra nazar aate hain abru ke
tawarud kahiye ya hai ek mein mazmun chori ka
gulgasht-e-bāġh ko jo gayā vo gul-e-farañg
ġhunche salām karte the Topī utaar ke
gulgasht-e-bagh ko jo gaya wo gul-e-farang
ghunche salam karte the Topi utar ke
banā kar til ruḳh-e-raushan par do shoḳhī se se kahte haiñ
ye kājal ham ne yaarā hai charāġh-e-māh-e-tābāñ par
bana kar til ruKH-e-raushan par do shoKHi se se kahte hain
ye kajal hum ne yara hai charagh-e-mah-e-taban par
dil ḳhasta ho to lutf uThe kuchh apnī ġhazal kā
matlab koī kyā samjhegā mastoñ kī zaTal kā
dil KHasta ho to lutf uThe kuchh apni ghazal ka
matlab koi kya samjhega maston ki zaTal ka
āḳhir insān huuñ patthar kā to rakhtā nahīñ dil
ai buto itnā satāo na ḳhudā-rā mujh ko
aaKHir insan hun patthar ka to rakhta nahin dil
ai buto itna satao na KHuda-ra mujh ko
-
Tag : Insaan
-
Share this
- See Ghazal
- Critique
- Comments
- Download
yaar kī fart-e-nazākat kā huuñ maiñ shukr-guzār
dhyān bhī us kā mire dil se nikalne na diyā
yar ki fart-e-nazakat ka hun main shukr-guzar
dhyan bhi us ka mere dil se nikalne na diya