دوام پائے گا اک روز حق زمانے میں

یہ انتظار نہیں انتظار وحشت ہے

کہیں سراغ نہیں ہے کسی بھی قاتل کا

لہولہان مگر شہر کا نظارہ ہے

اسی پہ صبر ہے مجھ کو ہر ایک دور یہاں

بہار آنے سے پہلے خزاں سے گزرا ہے

ملتی ہے خوشی سب کو جیسے ہی کہیں سے بھی

بھولی ہوئی بچپن کی تصویر نکلتی ہے

سجدے کا سبب جان کے شیریں ہے پریشاں

فرہاد نے کہہ ڈالا کے رب ڈھونڈ رہا ہوں

بس رنج کی ہے داستاں عنوان ہزاروں

جینے کے لئے مر گئے انسان ہزاروں

کوئی حیات زمانہ کو ہے عزیز بہت

کوئی حیات ہے کہ روز روز مرتی ہے

مرے وجود کا محور چمکتا رہتا ہے

اسی سند سے مقدر چمکتا رہتا ہے

دیکھا نہیں جس نے مرے طوفاں کو سکوں میں

وہ شخص مری روح کے اندر نہیں اترا

جس خاک سے کہتے ہو وفا ہم نہیں کرتے

سوئے ہیں اسی خاک میں سلطان ہزاروں

یہ تمنا ہے خدا عالم ہستی میں ترے

میں عیاں دیکھنا چاہوں تو نہاں تک دیکھوں

اتنی نہ انتشار کی حدت ہو روبرو

انساں غم حیات میں جلتا دکھائی دے

خدا کی رضا ہے نہ حاصل کسی کو

خدا کے لیے پر لڑائی بہت ہے

گمان کہتا ہے کے میں یقیں کا شاعر ہوں

یقین کہتا ہے کے میں گماں کا شاعر ہوں

یہ جو بے حال سا منظر یہ جو بیمار سے ہم تم

سیاست کی نوازش ہے کسی سے کچھ نہیں بولیں