کن کن کی آتمائیں پہاڑوں میں قید ہیں

آواز دو تو بجتے ہیں پتھر کے دف یہاں

دوستو تم سے گزارش ہے یہاں مت آؤ

اس بڑے شہر میں تنہائی بھی مر جاتی ہے

جنبش مہر ہے ہر لفظ تری باتوں کا

رنگ اڑتا نہیں آنکھوں سے ملاقاتوں کا

کھلتی ہیں آسماں میں سمندر کی کھڑکیاں

بے دین راستوں پہ کہیں اپنا گھر تو ہے

رات آ جائے تو پھر تجھ کو پکاروں یارب

میری آواز اجالے میں بکھر جاتی ہے

دشت کی دھوپ ہے جنگل کی گھنی راتیں ہیں

اس کہانی میں بہر حال کئی باتیں ہیں

کیا کہانی کو اسی موڑ پہ رکنا ہوگا

روشنی ہے نہ سمندر ہے نہ برساتیں ہیں

اٹھ اٹھ کے آسماں کو بتاتی ہے دھول کیوں

مٹی میں دفن ہو گئے کتنے صدف یہاں

آہٹ بھی اگر کی تو تہہ ذات نہیں کی

لفظوں نے کئی دن سے کوئی بات نہیں کی

بہت اداس تھا اس دن مگر ہوا کیا تھا

ہر ایک بات بھلی تھی تو پھر برا کیا تھا

گھڑی جو بیت گئی اس کا بھی شمار کیا

نصاب جاں میں تری خامشی بھی شامل کی

خدا آباد رکھے زندگی کو

ہماری خامشی کو سہہ گئی ہے