مختار تلہری کی شاعری

دل دکھانا مرا نہیں مقصد

حق بیانی مری نہیں جاتی

اک تو ویسے ہی اداسی کی گھٹا چھائی ہے

اور چھیڑوگے تو آنسو بھی نکل سکتے ہیں

موضوعات : آنسو
اور 2 مزید
- بارش
- گھٹا

آپ مظلوم کے اشکوں سے نہ کھلواڑ کریں

یہ وہ دریا ہیں جو شہروں کو نگل سکتے ہیں

موضوعات : آنسو
اور 3 مزید
- دریا
- شہر
- ظلم

روشنی کے لئے مختارؔ جلائے تھے چراغ

کیا خبر تھی کہ مرے ہاتھ بھی جل سکتے ہیں

موضوعات : چراغ
اور 1 مزید
- روشنی

آج ایسی وادیوں سے ہو کے آیا ہوں جہاں

پیڑ تھے نزدیک لیکن دور تک سایہ نہ تھا

تھکا دیا ہے مجھے اس قدر مسافت نے

سفر کے نام سے اب روح کانپ جاتی ہے

جس وقت ہوا کرتی ہے بے چین طبیعت

اس وقت بیابان سے لگتے ہیں چمن بھی

شدت پیاس کے احساس کو بڑھنے دیجے

ایڑیوں سے کبھی چشمے بھی ابل سکتے ہیں

موضوعات : احساس
اور 2 مزید
- تشنگی
- چشمہ

رہا نہ کام اس کی جستجو میں

ادھر میں خود سے بھی گم ہو گیا ہوں

مری ہنسی کو سر بزم سہہ لیا اس نے

پھر اس کے بعد اکیلے میں انتقام لیا

ہمارے ذہن پہ اس کا اثر تو اب بھی ہے

بچھڑنے والا شریک سفر تو اب بھی ہے

ارادے پھر بھی مستحکم بہت ہیں

مری راہوں میں پیچ و خم بہت ہیں

مٹانا چاہوں تو ممکن کہاں مٹا بھی سکوں

وہ ایک بال جو آئینۂ خیال میں ہے

ہماری سمت سے بے رغبتی نہ کر ورنہ

ترے بغیر قرار آ گیا تو کیا ہوگا

ان سے باتیں کرتے کرتے دل میں ٹیس چمک اٹھی تھی

لفظوں پر پھولوں کی ردا تھی معنی میں نشتر پنہاں تھے

وہ آئیں ہم سے دلیل مانگیں

جو کہہ رہے ہیں خدا نہیں ہے

مختار تلہری

تمام

تعارف

ای-کتاب6

شعر16

غزل7

ای-کتاب6

مختار تلہری کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books