ā.īna chupke se manzar vo churā letā hai

tū sajātā hai badan jab kabhī uryānī se

aaina chupke se manzar wo chura leta hai

tu sajata hai badan jab kabhi uryani se

ham apne shahr se ho kar udaas aa.e the

tumhāre shahr se ho kar udaas jaanā thā

hum apne shahr se ho kar udas aae the

tumhaare shahr se ho kar udas jaana tha

be-sadā sī kisī āvāz ke pīchhe pīchhe

chalte chalte maiñ bahut duur nikal jaatā huuñ

be-sada si kisi aawaz ke pichhe pichhe

chalte chalte main bahut dur nikal jata hun

vo koī aam sā hī jumla thā

tere muñh se burā lagā mujh ko

wo koi aam sa hi jumla tha

tere munh se bura laga mujh ko

baap ziina hai jo le jaatā hai ūñchā.ī tak

maañ duā hai jo sadā sāya-figan rahtī hai

bap zina hai jo le jata hai unchai tak

man dua hai jo sada saya-figan rahti hai

is ga.e saal baḌe zulm hue haiñ mujh par

ai na.e saal masīhā kī tarah mil mujh se

is gae sal baDe zulm hue hain mujh par

ai nae sal masiha ki tarah mil mujh se

tumhāre sach kī hifāzat meñ yuuñ huā akasr

ki apne-āp ko jhūTā banā liyā maiñ ne

tumhaare sach ki hifazat mein yun hua akasr

ki apne-ap ko jhuTa bana liya main ne

badan-sarā.e meñ Thahrā huā musāfir huuñ

chukā rahā huuñ kirāya maiñ chand sāñsoñ kā

badan-sarae mein Thahra hua musafir hun

chuka raha hun kiraya main chand sanson ka

kitnā dushvār hai ik lamha bhī apnā honā

us ko zid hai ki maiñ har haal meñ us kā ho jā.ūñ

kitna dushwar hai ek lamha bhi apna hona

us ko zid hai ki main har haal mein us ka ho jaun

mire baġhair koī tum ko DhūñDtā kaise

tumheñ pata hai tumhārā pata rahā huuñ maiñ

mere baghair koi tum ko DhunDta kaise

tumhein pata hai tumhaara pata raha hun main

safar kahāñ se kahāñ tak pahuñch gayā merā

ruke jo paañv to kāñdhoñ pe jā rahā huuñ maiñ

safar kahan se kahan tak pahunch gaya mera

ruke jo panw to kandhon pe ja raha hun main

ḳhudā kare ki vahī baat us ke dil meñ ho

jo baat kahne kī himmat juTā rahā huuñ maiñ

KHuda kare ki wahi baat us ke dil mein ho

jo baat kahne ki himmat juTa raha hun main

ishq adab hai to apne aap aa.e

gar sabaq hai to phir paḌhā mujh ko

ishq adab hai to apne aap aae

gar sabaq hai to phir paDha mujh ko