dard baḌh kar davā na ho jaa.e

zindagī be-mazā na ho jaa.e

dard baDh kar dawa na ho jae

zindagi be-maza na ho jae

merī betābiyoñ se ghabrā kar

koī mujh se ḳhafā na ho jaa.e

meri betabiyon se ghabra kar

koi mujh se KHafa na ho jae

dard kā phir maza hai jab 'aḳhtar'

dard ḳhud chārasāz ho jaa.e

dard ka phir maza hai jab 'aKHtar'

dard KHud chaarasaz ho jae

ye aur baat ki iqrār kar sakeñ na kabhī

mirī vafā kā magar un ko e'tibār to hai

ye aur baat ki iqrar kar saken na kabhi

meri wafa ka magar un ko e'tibar to hai

hameñ duniyā meñ apne ġham se matlab

zamāne kī ḳhushī se vāstā kyā

hamein duniya mein apne gham se matlab

zamane ki KHushi se wasta kya

vo ta.alluq hai tire ġham se ki allāh allāh

ham ko hāsil ho ḳhushī bhī to gavārā na kareñ

wo talluq hai tere gham se ki allah allah

hum ko hasil ho KHushi bhi to gawara na karen

mujhe to kal bhī na thā un par iḳhtiyār koī

aur un ko mujh pe vahī iḳhtiyār aaj bhī hai

mujhe to kal bhi na tha un par iKHtiyar koi

aur un ko mujh pe wahi iKHtiyar aaj bhi hai

mujhe āñkheñ dikhā.egī bhalā kyā gardish-e-daurāñ

mirī nazroñ ne dekhā hai tirā nā-mehrbāñ honā

mujhe aankhen dikhaegi bhala kya gardish-e-dauran

meri nazron ne dekha hai tera na-mehrban hona

mere sukūn-e-qalb ko le kar chale ga.e

aur iztirāb-e-dard-e-jigar de ga.e mujhe

mere sukun-e-qalb ko le kar chale gae

aur iztirab-e-dard-e-jigar de gae mujhe

ma.āl-e-zabt-e-paiham ho ga.ī hai

masarrat hāsil-e-ġham ho ga.ī hai

maal-e-zabt-e-paiham ho gai hai

masarrat hasil-e-gham ho gai hai