kuchh lutf is tarah hai musalsal safar ke saath

manzil bhī sāmne ho to rasta na paa.e dil

kuchh lutf is tarah hai musalsal safar ke sath

manzil bhi samne ho to rasta na pae dil

nazar to pher mire kāġhazī badan kī taraf

abhī ye zarb-e-musalsal se tār-tār nahīñ

nazar to pher mere kaghazi badan ki taraf

abhi ye zarb-e-musalsal se tar-tar nahin

talḳhiyāñ ḳhūn-e-jigar kī shā'irī meñ ghol kar

chand misre' laa.eñ haiñ ham bhī sunāne ke liye

talKHiyan KHun-e-jigar ki sha'iri mein ghol kar

chand misre' laen hain hum bhi sunane ke liye

jangal meñ udāsī ke rahoge bhalā kab tak

kuchh raah banā kar ke nikal kyoñ nahīñ jaate

jangal mein udasi ke rahoge bhala kab tak

kuchh rah bana kar ke nikal kyon nahin jate

sar qalam kar de sitamgar dast-o-bāzū kaaT de

be-takalluf haq-ba-jānib baat honī chāhiye

sar qalam kar de sitamgar dast-o-bazu kaT de

be-takalluf haq-ba-jaanib baat honi chahiye

na.e mizāj ke logoñ ko kis liye āḳhir

qadīm taur-tarīqoñ ke bas meñ rahnā paḌā

nae mizaj ke logon ko kis liye aaKHir

qadim taur-tariqon ke bas mein rahna paDa