haañ samundar meñ utar lekin ubharne kī bhī soch

Dūbne se pahle gahrā.ī kā andāza lagā

han samundar mein utar lekin ubharne ki bhi soch

Dubne se pahle gahrai ka andaza laga

ik terī be-ruḳhī se zamāna ḳhafā huā

ai sañg-dil tujhe bhī ḳhabar hai ki kyā huā

ek teri be-ruKHi se zamana KHafa hua

ai sang-dil tujhe bhi KHabar hai ki kya hua

ham ki māyūs nahīñ haiñ unheñ pā hī leñge

log kahte haiñ ki DhūñDe se ḳhudā miltā hai

hum ki mayus nahin hain unhen pa hi lenge

log kahte hain ki DhunDe se KHuda milta hai

vo ayādat ko to aayā thā magar jaate hue

apnī tasvīreñ bhī kamre se uThā kar le gayā

wo ayaadat ko to aaya tha magar jate hue

apni taswiren bhi kamre se uTha kar le gaya

dekh rah jaa.e na tū ḳhvāhish ke gumbad meñ asiir

ghar banātā hai to sab se pahle darvāza lagā

dekh rah jae na tu KHwahish ke gumbad mein asir

ghar banata hai to sab se pahle darwaza laga

bas yūñhī tanhā rahūñgā is safar meñ umr bhar

jis taraf koī nahīñ jaatā udhar jaatā huuñ maiñ

bas yunhi tanha rahunga is safar mein umr bhar

jis taraf koi nahin jata udhar jata hun main

maiñ pairvi-e-ahl-e-siyāsat nahīñ kartā

ik rāsta in sab se judā chāhiye mujh ko

main pairwi-e-ahl-e-siyasat nahin karta

ek rasta in sab se juda chahiye mujh ko

ek lamhe ko tum mile the magar

umr bhar dil ko ham masalte rahe

ek lamhe ko tum mile the magar

umr bhar dil ko hum masalte rahe

ham ne chāhā thā terī chaal chaleñ

haa.e ham apnī chaal se bhī ga.e

hum ne chaha tha teri chaal chalen

hae hum apni chaal se bhi gae

zamāne bhar ne kahā 'arsh' jo, ḳhushī se sahā

par ek lafz jo us ne kahā sahā na gayā

zamane bhar ne kaha 'arsh' jo, KHushi se saha

par ek lafz jo us ne kaha saha na gaya

uThtī to hai sau baar pe mujh tak nahīñ aatī

is shahr meñ chaltī hai havā sahmī huī sī

uThti to hai sau bar pe mujh tak nahin aati

is shahr mein chalti hai hawa sahmi hui si