havas shāmil hai thoḌī sī duā meñ

abhī is lau meñ halkā sā dhuāñ hai

hawas shamil hai thoDi si dua mein

abhi is lau mein halka sa dhuan hai

shaam utrī hai phir ahāte meñ

jism par raushnī ke ghaav liye

sham utri hai phir ahate mein

jism par raushni ke ghaw liye

vahī aañsū vahī maazī ke qisse

jise dekho kaTe ko kāTtā hai

wahi aansu wahi mazi ke qisse

jise dekho kaTe ko kaTta hai

muskurāne kā fan to ba.ad kā hai

pahle saa.at kā intiḳhāb karo

muskurane ka fan to baad ka hai

pahle saat ka intiKHab karo

samundar hai koī āñkhoñ meñ shāyad

kināroñ par chamakte haiñ guhar se

samundar hai koi aankhon mein shayad

kinaron par chamakte hain guhar se

ta.alluq tark to kar leñ sabhī se

bhale lagte haiñ kuchh nuqsān lekin

talluq tark to kar len sabhi se

bhale lagte hain kuchh nuqsan lekin

samt duniyā ke ham ga.e hī nahīñ

us ilāqe se dushmanī sī rahī

samt duniya ke hum gae hi nahin

us ilaqe se dushmani si rahi

maiñ saare fāsle tai kar chukā huuñ

ḳhudī jo darmiyāñ thī darmiyāñ hai

main sare fasle tai kar chuka hun

KHudi jo darmiyan thi darmiyan hai

mile ab ke to ro.e TuuT kar ham

gunāh apnī sazā ke rū-ba-rū thā

mile ab ke to roe TuT kar hum

gunah apni saza ke ru-ba-ru tha

utar jaatā to rusvā.ī bahut hotī

ki sar kā bojh bhī dastār jaisā thā

utar jata to ruswai bahut hoti

ki sar ka bojh bhi dastar jaisa tha

ḳhvāb naddī sā guzar jā.egā

dasht āñkhoñ meñ Thahar jaanā hai

KHwab naddi sa guzar jaega

dasht aankhon mein Thahar jaana hai

ek nashsha hai ḳhud-numā.ī bhī

jo ye utre to phir tujhe dekhūñ

ek nashsha hai KHud-numai bhi

jo ye utre to phir tujhe dekhun

kashish tujh sī na thī tere ġhamoñ meñ

lab-o-lahja magar haañ hū-ba-hū thā

kashish tujh si na thi tere ghamon mein

lab-o-lahja magar han hu-ba-hu tha

ham jo TuuTe haiñ batā haar bhalā kis kī huī

zindagī terī uThā.ī huī saugand the ham

hum jo TuTe hain bata haar bhala kis ki hui

zindagi teri uThai hui saugand the hum

ab ke ta.abīr mas.ala na rahe

ye jo duniyā hai is ko ḳhvāb karo

ab ke tabir masala na rahe

ye jo duniya hai is ko KHwab karo

hameñ is tarah hī honā thā ābād

hamāre saath vīrāne lage haiñ

hamein is tarah hi hona tha aabaad

hamare sath virane lage hain

zer-e-lab rakh chhupā ke naam us kā

lafz hote haiñ kuchh bayāñ se ḳharāb

zer-e-lab rakh chhupa ke nam us ka

lafz hote hain kuchh bayan se KHarab

aa.ine meñ hai phir vahī sūrat

yuuñ hī hotī hai tarjumānī kyā

aaine mein hai phir wahi surat

yun hi hoti hai tarjumani kya

aur kuchh der ġham nazar meñ rakh

kyā ḳhabar mil hī jaa.e thaah kahīñ

aur kuchh der gham nazar mein rakh

kya KHabar mil hi jae thah kahin

ba.ad muddat ye jilā kis ke hunar ne baḳhshī

ba.ad muddat mire ā.īne meñ chehre aa.e

baad muddat ye jila kis ke hunar ne baKHshi

baad muddat mere aaine mein chehre aae