ab us maqām pe hai mausamoñ kā sard mizāj

ki dil sulagne lage aur dimāġh jalne lage

ab us maqam pe hai mausamon ka sard mizaj

ki dil sulagne lage aur dimagh jalne lage

hai merī āñkhoñ meñ aks-e-navishta-e-dīvār

samajh sako to mirā nutq-e-be-e-zabāñ le lo

hai meri aankhon mein aks-e-nawishta-e-diwar

samajh sako to mera nutq-e-be-e-zaban le lo

hausla sab ne baḌhāyā hai mire munsif kā

tum bhī in.aam koī merī sazā par likh do

hausla sab ne baDhaya hai mere munsif ka

tum bhi inam koi meri saza par likh do

ab mujh se sambhaltī nahīñ ye dard kī sauġhāt

le tujh ko mubārak ho sambhāl apnī ye duniyā

ab mujh se sambhalti nahin ye dard ki saughat

le tujh ko mubarak ho sambhaal apni ye duniya

yuuñ bhī kiyā hai ham ne haq-e-dilbarī adā

apnī hī jiit apne hī hāthoñ se haar dī

yun bhi kiya hai hum ne haq-e-dilbari ada

apni hi jit apne hi hathon se haar di

unheñ gumāñ ki mujhe un se rabt hai 'sālim'

mujhe ye vahm unheñ iltifāt hai shāyad

unhen guman ki mujhe un se rabt hai 'salim'

mujhe ye wahm unhen iltifat hai shayad

huuñ vārdāt kā ainī gavāh maiñ mujh se

ye merī maut se pahle mirā bayāñ le lo

hun wardat ka aini gawah main mujh se

ye meri maut se pahle mera bayan le lo

matā-e-dard ma.āl-e-hayāt hai shāyad

dil-e-shikasta mirī kā.enāt hai shāyad

mata-e-dard maal-e-hayat hai shayad

dil-e-shikasta meri kaenat hai shayad

aks kuchh na badlegā ā.inoñ ko dhone se

āzarī nahīñ aatī pattharoñ pe rone se

aks kuchh na badlega aainon ko dhone se

aazari nahin aati pattharon pe rone se

aam hai izn ki jo chāho havā par likh do

ishq zinda hai zarā dast-e-sabā par likh do

aam hai izn ki jo chaho hawa par likh do

ishq zinda hai zara dast-e-saba par likh do

haiñ in meñ band kisī ahd-e-rast-ḳhez ke aks

ye merī āñkheñ ajā.ib-gharoñ meñ rakh aanā

hain in mein band kisi ahd-e-rast-KHez ke aks

ye meri aankhen ajaib-gharon mein rakh aana

shauq-e-behad ne kisī gaam Thaharne na diyā

varna kis gaam mirā ḳhūn-e-tamannā na huā

shauq-e-behad ne kisi gam Thaharne na diya

warna kis gam mera KHun-e-tamanna na hua

tujhe ḳhabar hī nahīñ hai ye qissa-e-kotāh

jahāñ pe but na gire kab vahāñ haram utrā

tujhe KHabar hi nahin hai ye qissa-e-kotah

jahan pe but na gire kab wahan haram utra