din kisī tarah se kaT jā.egā saḌkoñ pe 'shafaq'

shaam phir aa.egī ham shaam se ghabrā.eñge

din kisi tarah se kaT jaega saDkon pe 'shafaq'

sham phir aaegi hum sham se ghabraenge

hone vaalā thā ik hādsa rah gayā

kal kā sab se baḌā vāqi.a rah gayā

hone wala tha ek hadsa rah gaya

kal ka sab se baDa waqia rah gaya

apnī laġhzish ko to ilzām na degā koī

log thak-hār ke mujrim hameñ Thahrā.eñge

apni laghzish ko to ilzam na dega koi

log thak-haar ke mujrim hamein Thahraenge

āñdhiyoñ kā ḳhvāb adhūrā rah gayā

haath meñ ik sūkhā pattā rah gayā

aandhiyon ka KHwab adhura rah gaya

hath mein ek sukha patta rah gaya

shahr meñ jiinā hai chalnā do-ruḳhī talvār par

aadmī kis se bache kis kī taraf-dārī kare

shahr mein jina hai chalna do-ruKHi talwar par

aadmi kis se bache kis ki taraf-dari kare

sāmne jhiil hai jhiil meñ āsmāñ

āsmāñ meñ ye uḌtā huā kaun hai

samne jhil hai jhil mein aasman

aasman mein ye uDta hua kaun hai

zehn kī āvārgī ko bhī panāheñ chāhiye

yuuñ na sham.oñ ko kisī dahlīz par rakh kar bujhā

zehn ki aawargi ko bhi panahen chahiye

yun na shamon ko kisi dahliz par rakh kar bujha

shahr kā manzar hamāre ghar ke pas-e-manzar meñ hai

ab udhar bhī ajnabī chehre nazar aane lage

shahr ka manzar hamare ghar ke pas-e-manzar mein hai

ab udhar bhi ajnabi chehre nazar aane lage

aaj sochā hai jāgūñgā maiñ raat meñ

kachche phal sā mujhe toḌtā kaun hai

aaj socha hai jagunga main raat mein

kachche phal sa mujhe toDta kaun hai

is siyah-ḳhāne meñ tujh ko jāgnā hai raat bhar

in sitāroñ ko na be-maqsad hathelī par bujhā

is siyah-KHane mein tujh ko jagna hai raat bhar

in sitaron ko na be-maqsad hatheli par bujha

sunā hai har ghaḌī tū muskurātā rahtā hai

mujhe bhī jazb zarā kar ke jism-o-jāñ meñ milā

suna hai har ghaDi tu muskuraata rahta hai

mujhe bhi jazb zara kar ke jism-o-jaan mein mila