zindagī zinda-dilī kā hai naam

murda-dil ḳhaak jiyā karte haiñ

zindagi zinda-dili ka hai nam

murda-dil KHak jiya karte hain

terī sūrat se kisī kī nahīñ miltī sūrat

ham jahāñ meñ tirī tasvīr liye phirte haiñ

teri surat se kisi ki nahin milti surat

hum jahan mein teri taswir liye phirte hain

vo nahīñ bhūltā jahāñ jā.ūñ

haa.e maiñ kyā karūñ kahāñ jā.ūñ

wo nahin bhulta jahan jaun

hae main kya karun kahan jaun

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se

aane meñ sadā der lagāte hī rahe tum

jaate rahe ham jaan se aate hī rahe tum

aane mein sada der lagate hi rahe tum

jate rahe hum jaan se aate hi rahe tum

justujū karnī har ik amr meñ nādānī hai

jo ki peshānī pe likkhī hai vo pesh aanī hai

justuju karni har ek amr mein nadani hai

jo ki peshani pe likkhi hai wo pesh aani hai

dariyā-e-husn aur bhī do haath baḌh gayā

añgḌā.ī us ne nashshe meñ lī jab uThā ke haath

dariya-e-husn aur bhi do hath baDh gaya

angDai us ne nashshe mein li jab uTha ke hath

māshūqoñ se ummīd-e-vafā rakhte ho 'nāsiḳh'

nādāñ koī duniyā meñ nahīñ tum se ziyāda

mashuqon se ummid-e-wafa rakhte ho 'nasiKH'

nadan koi duniya mein nahin tum se ziyaada

tamām umr yuuñ hī ho ga.ī basar apnī

shab-e-firāq ga.ī roz-e-intizār aayā

tamam umr yun hi ho gai basar apni

shab-e-firaq gai roz-e-intizar aaya

lete lete karvaTeñ tujh bin jo ghabrātā huuñ maiñ

naam le le kar tirā rātoñ ko chillātā huuñ maiñ

lete lete karwaTen tujh bin jo ghabraata hun main

nam le le kar tera raaton ko chillata hun main

zulfoñ meñ kiyā qaid na abrū se kiyā qatl

tū ne to koī baat na maanī mire dil kī

zulfon mein kiya qaid na abru se kiya qatl

tu ne to koi baat na mani mere dil ki

ai ajal ek din āḳhir tujhe aanā hai vale

aaj aatī shab-e-furqat meñ to ehsāñ hotā

ai ajal ek din aaKHir tujhe aana hai wale

aaj aati shab-e-furqat mein to ehsan hota

kis tarah chhoḌūñ yakāyak terī zulfoñ kā ḳhayāl

ek muddat ke ye kaale naag haiñ paale hue

kis tarah chhoDun yakayak teri zulfon ka KHayal

ek muddat ke ye kale nag hain pale hue

jis qadar ham se tum hue nazdīk

us qadar duur kar diyā ham ko

jis qadar hum se tum hue nazdik

us qadar dur kar diya hum ko

furqat-e-yār meñ insān huuñ maiñ yā ki sahāb

har baras aa ke rulā jaatī hai barsāt mujhe

furqat-e-yar mein insan hun main ya ki sahab

har baras aa ke rula jati hai barsat mujhe

gayā vo chhoḌ kar raste meñ mujh ko

ab us kā naqsh-e-pā hai aur maiñ huuñ

gaya wo chhoD kar raste mein mujh ko

ab us ka naqsh-e-pa hai aur main hun

kaam auroñ ke jaarī raheñ nākām raheñ ham

ab aap kī sarkār meñ kyā kaam hamārā

kaam auron ke jari rahen nakaam rahen hum

ab aap ki sarkar mein kya kaam hamara

kartī hai mujhe qatl mire yaar kī talvār

talvār kī talvār hai raftār kī raftār

karti hai mujhe qatl mere yar ki talwar

talwar ki talwar hai raftar ki raftar

muñh aap ko dikhā nahīñ saktā hai sharm se

is vāste hai piiTh idhar āftāb kī

munh aap ko dikha nahin sakta hai sharm se

is waste hai piTh idhar aaftab ki

dekh kar tujh ko qadam uTh nahīñ saktā apnā

ban ga.e sūrat-e-dīvār tire kūche meñ

dekh kar tujh ko qadam uTh nahin sakta apna

ban gae surat-e-diwar tere kuche mein