aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Chehra

A face is an index of

human personality but a beloved’s face is something that the lovers and the poets have valued the most and the best. They see their universe in that and love it like nothing else in the world. Here, we have collected some examples for you to see that face and appreciate its beauty.

kyā sitam hai ki ab tirī sūrat

ġhaur karne pe yaad aatī hai

kya sitam hai ki ab teri surat

ghaur karne pe yaad aati hai

Jaun Eliya

terī sūrat se kisī nahīñ miltī sūrat

ham jahāñ meñ tirī tasvīr liye phirte haiñ

teri surat se kisi ki nahin milti surat

hum jahan mein teri taswir liye phirte hain

Imam Bakhsh Nasikh

ai sanam jis ne tujhe chāñd sūrat hai

usī allāh ne mujh ko bhī mohabbat hai

ai sanam jis ne tujhe chand si surat di hai

usi allah ne mujh ko bhi mohabbat di hai

Haidar Ali Aatish

vo ek chehra to nahīñ saare jahāñ meñ

jo duur hai vo dil se utar kyuuñ nahīñ jaatā

wo ek hi chehra to nahin sare jahan mein

jo dur hai wo dil se utar kyun nahin jata

Nida Fazli

vo chehra kitābī rahā sāmne

baḌī ḳhūbsūrat paḌhā.ī huī

wo chehra kitabi raha samne

baDi KHubsurat paDhai hui

Bashir Badr

ajab terī hai ai mahbūb sūrat

nazar se gir ga.e sab ḳhūbsūrat

ajab teri hai ai mahbub surat

nazar se gir gae sab KHubsurat

Haidar Ali Aatish

terā chehra kitnā suhānā lagtā hai

tere aage chāñd purānā lagtā hai

tera chehra kitna suhana lagta hai

tere aage chand purana lagta hai

Kaif Bhopali

shabnam ke aañsū phuul par ye to vahī qissa huā

āñkheñ mirī bhīgī huī chehra tirā utrā huā

shabnam ke aansu phul par ye to wahi qissa hua

aankhen meri bhigi hui chehra tera utra hua

Bashir Badr

koī bhūlā huā chehra nazar aa.e shāyad

ā.īna ġhaur se ne kabhī dekhā nahīñ

koi bhula hua chehra nazar aae shayad

aaina ghaur se tu ne kabhi dekha hi nahin

Shakeb Jalali

achchhī sūrat bhī kyā burī shai hai

jis ne Daalī burī nazar Daalī

achchhi surat bhi kya buri shai hai

jis ne Dali buri nazar Dali

Alamgir Khan Kaif

ab us shakl bhī mushkil se yaad aatī hai

vo jis ke naam se hote na the judā mire lab

ab us ki shakl bhi mushkil se yaad aati hai

wo jis ke nam se hote na the juda mere lab

Ahmad Mushtaq

maiñ to 'munīr' ā.īne meñ ḳhud ko tak kar hairān huā

ye chehra kuchh aur tarah thā pahle kisī zamāne meñ

main to 'munir' aaine mein KHud ko tak kar hairan hua

ye chehra kuchh aur tarah tha pahle kisi zamane mein

Muneer Niyazi

bhuul ga.ī vo shakl bhī āḳhir

kab tak yaad koī rahtā hai

bhul gai wo shakl bhi aaKHir

kab tak yaad koi rahta hai

Ahmad Mushtaq

un sūrat dekh ḳhush ho ga.e

un sīrat se hameñ kyā kaam hai

un ki surat dekh li KHush ho gae

un ki sirat se hamein kya kaam hai

Jaleel Manikpuri

rahtā thā sāmne tirā chehra khulā huā

paḌhtā thā maiñ kitāb yahī har class meñ

rahta tha samne tera chehra khula hua

paDhta tha main kitab yahi har class mein

Shakeb Jalali

ik raat chāñdnī mire bistar pe aa.ī thī

maiñ ne tarāsh kar tirā chehra banā diyā

ek raat chandni mere bistar pe aai thi

main ne tarash kar tera chehra bana diya

Ahmad Mushtaq

chehra khulī kitāb hai unvān jo bhī do

jis ruḳh se bhī paḌhoge mujhe jaan jāoge

chehra khuli kitab hai unwan jo bhi do

jis ruKH se bhi paDhoge mujhe jaan jaoge

Unknown

kyuuñ jal gayā na tāb-e-ruḳh-e-yār dekh kar

jaltā huuñ apnī tāqat-e-dīdār dekh kar

why didn't I turn to ashes seeing her face so glowing, bright

by envy now I am inflamed, at strength of my own sight

kyun jal gaya na tab-e-ruKH-e-yar dekh kar

jalta hun apni taqat-e-didar dekh kar

why didn't I turn to ashes seeing her face so glowing, bright

by envy now I am inflamed, at strength of my own sight

Mirza Ghalib

baḌe sīdhe-sādhe baḌe bhole-bhāle

koī dekhe is vaqt chehrā tumhārā

baDe sidhe-sadhe baDe bhole-bhaale

koi dekhe is waqt chehra tumhaara

Agha Shayar Qazalbash

abr meñ chāñd gar na dekhā ho

ruḳh pe zulfoñ ko Daal kar dekho

abr mein chand gar na dekha ho

ruKH pe zulfon ko Dal kar dekho

Josh Lakhnavi

ḳhvāboñ ke ufuq par tirā chehra ho hamesha

aur maiñ usī chehre se na.e ḳhvāb sajā.ūñ

KHwabon ke ufuq par tera chehra ho hamesha

aur main usi chehre se nae KHwab sajaun

Athar Nafees

bhulā diiñ ham ne kitābeñ ki us parī-rū ke

kitābī chehre ke aage kitāb hai kyā chiiz

bhula din hum ne kitaben ki us pari-ru ke

kitabi chehre ke aage kitab hai kya chiz

Nazeer Akbarabadi

chāñdnī rātoñ meñ chillātā phirā

chāñd jis ne vo sūrat dekh

chandni raaton mein chillata phira

chand si jis ne wo surat dekh li

Rind Lakhnavi

ne sūrat na dikhā.ī to ye sūrat hogī

log dekheñge tamāshā tire dīvāne

tu ne surat na dikhai to ye surat hogi

log dekhenge tamasha tere diwane ka

Jaleel Manikpuri

aa ki maiñ dekh luuñ khoyā huā chehra apnā

mujh se chhup kar mirī tasvīr banāne vaale

aa ki main dekh lun khoya hua chehra apna

mujh se chhup kar meri taswir banane wale

Akhtar Saeed Khan

us ek chehre meñ ābād the ka.ī chehre

us ek shaḳhs meñ kis kis ko dekhtā thā maiñ

us ek chehre mein aabaad the kai chehre

us ek shaKHs mein kis kis ko dekhta tha main

Saleem Ahmed

tashbīh tire chehre ko kyā duuñ gul-e-tar se

hotā hai shagufta magar itnā nahīñ hotā

tashbih tere chehre ko kya dun gul-e-tar se

hota hai shagufta magar itna nahin hota

Akbar Allahabadi

kitāb khol ke dekhūñ to aañkh rotī hai

varaq varaq tirā chehrā dikhā.ī detā hai

kitab khol ke dekhun to aankh roti hai

waraq waraq tera chehra dikhai deta hai

Ahmad Aqeel Rubi

jise paḌhte to yaad aatā thā terā phuul chehra

hamārī sab kitāboñ meñ ik aisā baab rahtā thā

jise paDhte to yaad aata tha tera phul sa chehra

hamari sab kitabon mein ek aisa bab rahta tha

Asad Badayuni

ishq hai to ishq iz.hār honā chāhiye

aap ko chehre se bhī bīmār honā chāhiye

ishq hai to ishq ka izhaar hona chahiye

aap ko chehre se bhi bimar hona chahiye

Munawwar Rana

lamha lamha mujhe vīrān kiye detā hai

bas gayā mere tasavvur meñ ye chehra kis

lamha lamha mujhe viran kiye deta hai

bas gaya mere tasawwur mein ye chehra kis ka

Dil Ayubi

ā.īna chhoḌ ke dekhā kiye sūrat merī

dil-e-muztar ne mire un ko sañvarne na diyā

aaina chhoD ke dekha kiye surat meri

dil-e-muztar ne mere un ko sanwarne na diya

Mirza Mohammad Hadi Aziz Lakhnavi

us ek chehre ke pīchhe hazār chehre haiñ

hazār chehroñ vo qāfila lagtā hai

us ek chehre ke pichhe hazar chehre hain

hazar chehron ka wo qafila sa lagta hai

Shabab Merthi

abhī to aur bhī chehre tumheñ pukāreñge

abhī vo aur bhī chehroñ meñ muntaqil hogā

abhi to aur bhi chehre tumhein pukarenge

abhi wo aur bhi chehron mein muntaqil hoga

Ameer Imam

ham kisī bahrūpiye ko jaan leñ mushkil nahīñ

us ko kyā pahchāniye jis koī chehrā na ho

hum kisi bahrupiye ko jaan len mushkil nahin

us ko kya pahchaniye jis ka koi chehra na ho

Hakeem Manzoor

banātā huuñ maiñ tasavvur meñ us chehra magar

har ek baar na.ī kā.enāt bantī hai

banata hun main tasawwur mein us ka chehra magar

har ek bar nai kaenat banti hai

Tarkash Pradeep

abhī to aur bhī chehre tumheñ pukāreñge

abhī vo aur bhī chehroñ meñ muntaqil hogā

abhi to aur bhi chehre tumhein pukarenge

abhi wo aur bhi chehron mein muntaqil hoga

Ameer Imam

chuum luuñ maiñ varaq varaq us

tere chehre se jo kitāb mile

chum lun main waraq waraq us ka

tere chehre se jo kitab mile

Sada Ambalvi

malūñ hoñ ḳhaak juuñ ā.īna muñh par

tirī sūrat mujhe aatī hai jab yaad

malun hon KHak jun aaina munh par

teri surat mujhe aati hai jab yaad

Taban Abdul Hai

kuchh saaf us chehra matlab nahīñ batātā

yuuñ thā ki jaise maiñ ne qur.āñ meñ faal dekhā

kuchh saf us ka chehra matlab nahin batata

yun tha ki jaise main ne quran mein fal dekha

Mohammad Aazam

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now