ḳhvāb, ummīd, tamannā.eñ, ta.alluq, rishte

jaan le lete haiñ āḳhir ye sahāre saare

KHwab, ummid, tamannaen, talluq, rishte

jaan le lete hain aaKHir ye sahaare sare

haar hī jiit hai ā.īn-e-vafā kī rū se

ye vo baazī hai jahāñ jiit ke haare saare

haar hi jit hai aain-e-wafa ki ru se

ye wo bazi hai jahan jit ke haare sare

vaqt har zaḳhm ko bhar detā hai kuchh bhī kiije

yaad rah jaatī hai halkī sī chubhan kī had tak

waqt har zaKHm ko bhar deta hai kuchh bhi kije

yaad rah jati hai halki si chubhan ki had tak

kyā jaane shāḳh-e-vaqt se kis vaqt gir paḌūñ

mānind-e-barg-e-zard abhī Doltā huuñ maiñ

kya jaane shaKH-e-waqt se kis waqt gir paDun

manind-e-barg-e-zard abhi Dolta hun main

rañg ho raushnī ho yā ḳhushbū

sab meñ partav usī hasīñ ke haiñ

rang ho raushni ho ya KHushbu

sab mein partaw usi hasin ke hain

apne lahū meñ zahr bhī ḳhud gholtā huuñ maiñ

soz-e-darūñ kisī pe nahīñ kholtā huuñ maiñ

apne lahu mein zahr bhi KHud gholta hun main

soz-e-darun kisi pe nahin kholta hun main

ajiib ḳhauf kā mausam hai in dinoñ 'imrran'

sugandh le ke havā duur tak nahīñ jaatī

ajib KHauf ka mausam hai in dinon 'imrran'

sugandh le ke hawa dur tak nahin jati