mujh meñ thoḌī sī jagah bhī nahīñ nafrat ke liye

maiñ to har vaqt mohabbat se bharā rahtā huuñ

mujh mein thoDi si jagah bhi nahin nafrat ke liye

main to har waqt mohabbat se bhara rahta hun

terī dahlīz pe iqrār kī ummīd liye

phir khaḌe haiñ tire inkār ke maare hue log

teri dahliz pe iqrar ki ummid liye

phir khaDe hain tere inkar ke mare hue log

dekhte rahte haiñ ḳhud apnā tamāshā din raat

ham haiñ ḳhud apne hī kirdār ke maare hue log

dekhte rahte hain KHud apna tamasha din raat

hum hain KHud apne hi kirdar ke mare hue log

ḳhud apne qatl kā ilzām Dho rahā huuñ abhī

maiñ apnī laash pe sar rakh ke ro rahā huuñ abhī

KHud apne qatl ka ilzam Dho raha hun abhi

main apni lash pe sar rakh ke ro raha hun abhi

na intizār karo kal kā aaj darj karo

ḳhamoshī toḌ do aur ehtijāj darj karo

na intizar karo kal ka aaj darj karo

KHamoshi toD do aur ehtijaj darj karo

maiñ adhūrā sā huuñ us ke andar

aur vo shaḳhs mukammal mujh meñ

main adhura sa hun us ke andar

aur wo shaKHs mukammal mujh mein

tū ne ai vaqt palaT kar bhī kabhī dekhā hai

kaise haiñ sab tirī raftār ke maare hue log

tu ne ai waqt palaT kar bhi kabhi dekha hai

kaise hain sab teri raftar ke mare hue log

ek dariyā ko dikhā.ī thī kabhī pyaas apnī

phir nahīñ māñgā kabhī maiñ ne dobārā paanī

ek dariya ko dikhai thi kabhi pyas apni

phir nahin manga kabhi main ne dobara pani

kyā patā jaane kahāñ aag lagī

har taraf sirf dhuāñ hai mujh meñ

kya pata jaane kahan aag lagi

har taraf sirf dhuan hai mujh mein

maiñ ne kaise kaise motī DhūñDe haiñ

lekin tere aage sab kuchh patthar hai

main ne kaise kaise moti DhunDe hain

lekin tere aage sab kuchh patthar hai

jashn hotā hai vahāñ raat Dhale

vo jo ik ḳhālī makāñ hai mujh meñ

jashn hota hai wahan raat Dhale

wo jo ek KHali makan hai mujh mein

tamām shahr meñ bikhrā paḌā hai merā vajūd

koī batā.e bhalā kis tarah chunūñ ḳhud ko

tamam shahr mein bikhra paDa hai mera wajud

koi batae bhala kis tarah chunun KHud ko

harīm-e-dil meñ Thahar yā sarā-e-jān meñ ruk

ye sab makān haiñ tere kisī makān meñ ruk

harim-e-dil mein Thahar ya sara-e-jaan mein ruk

ye sab makan hain tere kisi makan mein ruk

maiñ hī ā.īna-e-duniyā meñ chalā aayā huuñ

yā chalī aa.ī hai duniyā mire ā.īne meñ

main hi aaina-e-duniya mein chala aaya hun

ya chali aai hai duniya mere aaine mein

merī āñkhoñ se bhī ik baar nikal

dekhūñ maiñ terī ravānī paanī

meri aankhon se bhi ek bar nikal

dekhun main teri rawani pani