مرے ہاتھ میں ترے نام کی وہ لکیر مٹتی چلی گئی

مرے چارہ گر مرے درد کی ہی وضاحتوں میں لگے رہے

دل کو آج تسلی میں نے دے ڈالی

وہ سچا تھا اس کے وعدے جھوٹے تھے

کبھی نہ ٹوٹنے والا حصار بن جاؤں

وہ میری ذات میں رہنے کا فیصلہ تو کرے

بدن کو جاں سے جدا ہو کے زندہ رہنا ہے

یہ فیصلہ ہے فنا ہو کے زندہ رہنا ہے

میں ہی ٹوٹ کے بکھرا اور نہ رویا وہ

اب کے ہجر کے موسم کتنے جھوٹے تھے

اسے بے نمو کسی خواب نے کہیں گہری نیند سلا دیا

اسے بھا گئی ہیں کہاوتیں اسے بھی قفس میں سکون ہے

دکھ بھرا شہر کا منظر کبھی تبدیل بھی ہو

درد کو حد سے گزرتے کوئی کب تک دیکھے

پھر ایک بار لڑائی تھی اپنی سورج سے

ہم آئینوں کی طرح پھر یہاں وہاں ٹوٹے

ہنوز رات ہے جلنا پڑے گا اس کو بھی

کہ میرے ساتھ پگھلنا پڑے گا اس کو بھی

تجھ بن خالی رہ کر کتنے سال بتانے ہوں گے

میرے ہاتھوں میں تیری تقدیریں کب اتریں گی

کون ہے جو ہر لمحہ صورتیں بدلتا ہے

میں کسے سمجھنے کے مرحلوں میں زندہ ہوں

یہ جسم ٹوٹ کے حصوں میں بٹنے والا ہے

پھر اس پہ اپنی روایات کچھ نہیں ہوگا

انا کی قید سے نکلے مقابلہ تو کرے

وہ میرا ساتھ نبھانے کا حوصلہ تو کرے