mire haath meñ tire naam kī vo lakīr miTtī chalī ga.ī

mire chāra-gar mire dard kī hī vazāhatoñ meñ lage rahe

mere hath mein tere nam ki wo lakir miTti chali gai

mere chaara-gar mere dard ki hi wazahaton mein lage rahe

dil ko aaj tasallī maiñ ne de Daalī

vo sachchā thā us ke vaade jhūTe the

dil ko aaj tasalli main ne de Dali

wo sachcha tha us ke wade jhuTe the

kabhī na TūTne vaalā hisār ban jā.ūñ

vo merī zaat meñ rahne kā faisla to kare

kabhi na TuTne wala hisar ban jaun

wo meri zat mein rahne ka faisla to kare

badan ko jaañ se judā ho ke zinda rahnā hai

ye faisla hai fanā ho ke zinda rahnā hai

badan ko jaan se juda ho ke zinda rahna hai

ye faisla hai fana ho ke zinda rahna hai

maiñ hī TuuT ke bikhrā aur na royā vo

ab ke hijr ke mausam kitne jhūTe the

main hi TuT ke bikhra aur na roya wo

ab ke hijr ke mausam kitne jhuTe the

use be-numū kisī ḳhvāb ne kahīñ gahrī niiñd sulā diyā

use bhā ga.ī haiñ kahāvateñ use bhī qafas meñ sukūn hai

use be-numu kisi KHwab ne kahin gahri nind sula diya

use bha gai hain kahawaten use bhi qafas mein sukun hai

dukh-bharā shahr kā manzar kabhī tabdīl bhī ho

dard ko had se guzarte koī kab tak dekhe

dukh-bhara shahr ka manzar kabhi tabdil bhi ho

dard ko had se guzarte koi kab tak dekhe

phir ek baar laḌā.ī thī apnī sūraj se

ham ā.īnoñ kī tarah phir yahāñ vahāñ TuuTe

phir ek bar laDai thi apni suraj se

hum aainon ki tarah phir yahan wahan TuTe

hunūz raat hai jalnā paḌegā us ko bhī

ki mere saath pighalnā paḌegā us ko bhī

hunuz raat hai jalna paDega us ko bhi

ki mere sath pighalna paDega us ko bhi

tujh bin ḳhālī rah kar kitne saal bitāne hoñge

mere hāthoñ meñ terī taqdīreñ kab utreñgī

tujh bin KHali rah kar kitne sal bitane honge

mere hathon mein teri taqdiren kab utrengi

kaun hai jo har lamha sūrateñ badaltā hai

maiñ kise samajhne ke marhaloñ meñ zinda huuñ

kaun hai jo har lamha suraten badalta hai

main kise samajhne ke marhalon mein zinda hun

ye jism TuuT ke hissoñ meñ baTne vaalā hai

phir is pe apnī rivāyāt kuchh nahīñ hogā

ye jism TuT ke hisson mein baTne wala hai

phir is pe apni riwayat kuchh nahin hoga

anā kī qaid se nikle muqābla to kare

vo merā saath nibhāne kā hausla to kare

ana ki qaid se nikle muqabla to kare

wo mera sath nibhane ka hausla to kare