hai ḳhushī intizār kī har dam

maiñ ye kyuuñ pūchhūñ kab mileñge aap

hai KHushi intizar ki har dam

main ye kyun puchhun kab milenge aap

dekh kar ġhair ko shoḳhī dekho

mujh se kahte haiñ ki dekhā tū ne

dekh kar ghair ko shoKHi dekho

mujh se kahte hain ki dekha tu ne

ab kis ko yaañ bulā.eñ kis kī talab kareñ ham

āñkhoñ meñ raah niklī dil meñ maqām niklā

ab kis ko yan bulaen kis ki talab karen hum

aankhon mein rah nikli dil mein maqam nikla

jo jo maze kiye haiñ zabāñ se maiñ kyā kahūñ

paas apne aaj tak tire muñh kā ugaal hai

jo jo maze kiye hain zaban se main kya kahun

pas apne aaj tak tere munh ka ugal hai

andāz apnā dekhte haiñ aa.ine meñ vo

aur ye bhī dekhte haiñ koī dekhtā na ho

andaz apna dekhte hain aaine mein wo

aur ye bhi dekhte hain koi dekhta na ho

kyā duā roz-e-hashr kī māñgeñ

vahāñ par bhī yahī ḳhudā hogā

kya dua roz-e-hashr ki mangen

wahan par bhi yahi KHuda hoga

ḳhushbū vo pasīne kī tirī yaad na aa jaa.e

gul kaisā kabhī itr bhī sūñghā na kareñge

KHushbu wo pasine ki teri yaad na aa jae

gul kaisa kabhi itr bhi sungha na karenge

ye havā sard chalī aur ye bādal aa.e

kaho saaqī se ki sāġhar chale botal aa.e

ye hawa sard chali aur ye baadal aae

kaho saqi se ki saghar chale botal aae

mere milne se jo yuuñ haath uThā-baiThā tū

nahīñ ma.alūm ki dil meñ tire kyā baiTh gayā

mere milne se jo yun hath uTha-baiTha tu

nahin malum ki dil mein tere kya baiTh gaya

jo ki nādāñ hai vo kyā jaane tirī chāhat kī qadr

ai parī dīvāna banñā kaam hai hoshiyār kā

jo ki nadan hai wo kya jaane teri chahat ki qadr

ai pari diwana banna kaam hai hoshiyar ka

terā milnā to hai mushkil magar itnā to huā

apnā marnā mujhe āsāñ na huā thā so huā

tera milna to hai mushkil magar itna to hua

apna marna mujhe aasan na hua tha so hua

kis kā hai intizār kahāñ dhyān hai lagā

kyuuñ chauñk chauñk jaate ho āvāz-e-pā ke saath

kis ka hai intizar kahan dhyan hai laga

kyun chaunk chaunk jate ho aawaz-e-pa ke sath

darbāñ se aap kahte the kuchh mere baab meñ

suntā thā maiñ bhī paas hī dar ke khaḌā huā

darban se aap kahte the kuchh mere bab mein

sunta tha main bhi pas hi dar ke khaDa hua

chheḌ har vaqt kī nahīñ jaatī

roz kā rūThnā nahīñ jaatā

chheD har waqt ki nahin jati

roz ka ruThna nahin jata

ye din to sarf aap ke va.adoñ meñ ho ga.e

ab din nayā nikāliye iqrār ke liye

ye din to sarf aap ke wadon mein ho gae

ab din naya nikaliye iqrar ke liye

jo kuchh ishāre hote haiñ sab dekhtā huuñ maiñ

saarī sharārat aap kī merī nazar meñ hai

jo kuchh ishaare hote hain sab dekhta hun main

sari shararat aap ki meri nazar mein hai

ab kyā mileñ kisī se kahāñ jaa.eñ ham'nizām'

ham vo nahīñ rahe vo mohabbat nahīñ rahī

ab kya milen kisi se kahan jaen ham'nizam'

hum wo nahin rahe wo mohabbat nahin rahi

apnī andāz ke kah sher na kah ye tū 'nizām'

ki chunāñ baiTh gayā aur chunīñ baiTh ga.ī

apni andaz ke kah sher na kah ye tu 'nizam'

ki chunan baiTh gaya aur chunin baiTh gai

ab tum se kyā kisī se shikāyat nahīñ mujhe

tum kyā badal ga.e ki zamānā badal gayā

ab tum se kya kisi se shikayat nahin mujhe

tum kya badal gae ki zamana badal gaya

do din bhī us sanam se na apnī nibhī kabhī

jab kuchh banī to fazl-e-ḳhudā se bigaḌ ga.ī

do din bhi us sanam se na apni nibhi kabhi

jab kuchh bani to fazl-e-KHuda se bigaD gai

tere hī ġham meñ mar ga.e sad-shukr

āḳhir ik din to ham ko marnā thā

tere hi gham mein mar gae sad-shukr

aaKHir ek din to hum ko marna tha

ik vo ki raat din raheñ mahfil meñ us kī haa.e

ik ham ki tarseñ sāya-e-dīvār ke liye

ek wo ki raat din rahen mahfil mein us ki hae

ek hum ki tarsen saya-e-diwar ke liye

vo ishāroñ meñ us kā kahnā haa.e

dekho apne parā.e baiThe haiñ

wo ishaaron mein us ka kahna hae

dekho apne parae baiThe hain

kyā kisī se kisī kā haal kaheñ

naam bhī to liyā nahīñ jaatā

kya kisi se kisi ka haal kahen

nam bhi to liya nahin jata

raat thā vasl aaj hijr kā din

kuchh zamāne kā e'tibār nahīñ

raat tha wasl aaj hijr ka din

kuchh zamane ka e'tibar nahin

uThtā huuñ us kī bazm se jab ho ke nā-umīd

phir phir ke dekhtā huuñ koī ab pukār le

uThta hun us ki bazm se jab ho ke na-umid

phir phir ke dekhta hun koi ab pukar le

manzūr kyā hai ye bhī to khultā nahīñ sabab

miltā to hai vo ham se magar kuchh rukā huā

manzur kya hai ye bhi to khulta nahin sabab

milta to hai wo hum se magar kuchh ruka hua

gar koī pūchhe mujhe aap ise jānte haiñ

ho ke anjān vo kahte haiñ kahīñ dekhā hai

gar koi puchhe mujhe aap ise jaante hain

ho ke anjaan wo kahte hain kahin dekha hai

aa.e bhī vo chale bhī ga.e yaañ kise ḳhabar

hairāñ huuñ maiñ ḳhayāl hai ye yā ki ḳhvāb hai

aae bhi wo chale bhi gae yan kise KHabar

hairan hun main KHayal hai ye ya ki KHwab hai

mazmūn sūjhte haiñ hazāroñ na.e na.e

qāsid ye ḳhat nahīñ mire ġham kī kitāb hai

mazmun sujhte hain hazaron nae nae

qasid ye KHat nahin mere gham ki kitab hai

aap dekheñ to mire dil meñ bhī kyā kyā kuchh hai

ye bhī ghar aap kā hai kyuuñ na phir ābād rahe

aap dekhen to mere dil mein bhi kya kya kuchh hai

ye bhi ghar aap ka hai kyun na phir aabaad rahe

tum ho ga.e kuchh aur na kuchh aur ham hue

kuchh to sabab huā hai ki vo rabt kam hue

tum ho gae kuchh aur na kuchh aur hum hue

kuchh to sabab hua hai ki wo rabt kam hue

kū-e-jānāñ meñ gar ab jaa.eñ bhī to kyā dekheñ

koī rauzan na rahā ban ga.ī dīvār na.ī

ku-e-jaanan mein gar ab jaen bhi to kya dekhen

koi rauzan na raha ban gai diwar nai

sach hai 'nizām' yaad bhī us ko na hoñge ham

par kyā kareñ vo ham se bhulāyā na jā.egā

sach hai 'nizam' yaad bhi us ko na honge hum

par kya karen wo hum se bhulaya na jaega

lipTā ke shab-e-vasl vo us shoḳh kā kahnā

kuchh aur havas is se ziyāda to nahīñ hai

lipTa ke shab-e-wasl wo us shoKH ka kahna

kuchh aur hawas is se ziyaada to nahin hai

na ban aayā jab un ko koī javāb

to muñh pher kar muskurāne lage

na ban aaya jab un ko koi jawab

to munh pher kar muskurane lage

abhī to kahā hī nahīñ maiñ ne kuchh

abhī tum jo āñkheñ churāne lage

abhi to kaha hi nahin main ne kuchh

abhi tum jo aankhen churane lage

us kī ulfat meñ jīte-jī marnā

fā.eda ye bhī zindagī se hai

us ki ulfat mein jite-ji marna

faeda ye bhi zindagi se hai

zid hai gar hai to ho sabhī ke saath

yā na milne kī zid mujhī se hai

zid hai gar hai to ho sabhi ke sath

ya na milne ki zid mujhi se hai

āñkheñ phūTeñ jo jhapaktī bhī hoñ

shab-e-tanhā.ī meñ kaisā sonā

aankhen phuTen jo jhapakti bhi hon

shab-e-tanhai mein kaisa sona

kis qadar hijr meñ behoshī hai

jāgnā bhī hai hamārā sonā

kis qadar hijr mein behoshi hai

jagna bhi hai hamara sona

hue numūd jo pistāñ to sharm khā ke kahā

ye kyā balā hai jo uThtī hai mere siine se

hue numud jo pistan to sharm kha ke kaha

ye kya bala hai jo uThti hai mere sine se

ab aao mil ke so raheñ takrār ho chukī

āñkhoñ meñ niiñd bhī hai bahut raat kam bhī hai

ab aao mil ke so rahen takrar ho chuki

aankhon mein nind bhi hai bahut raat kam bhi hai

un ko maiñ is tarah bhulā.ūñ 'nizām'

yaad kis baat par nahīñ aate

un ko main is tarah bhulaun 'nizam'

yaad kis baat par nahin aate

bosa to us lab-e-shīrīñ se kahāñ miltā hai

gāliyāñ bhī milīñ ham ko to milīñ thoḌī sī

bosa to us lab-e-shirin se kahan milta hai

galiyan bhi milin hum ko to milin thoDi si

ab to sab kā tire kūche hī meñ maskan Thahrā

yahī ābād hai duniyā meñ zamīñ thoḌī sī

ab to sab ka tere kuche hi mein maskan Thahra

yahi aabaad hai duniya mein zamin thoDi si

yuuñ to rūThe haiñ magar logoñ se

pūchhte haal haiñ aksar merā

yun to ruThe hain magar logon se

puchhte haal hain aksar mera

raah niklegī na kab tak koī

tirī dīvār hai aur sar merā

rah niklegi na kab tak koi

teri diwar hai aur sar mera

maiñ na kahtā thā ki bahkā.enge tum ko dushman

tum ne kis vāste aanā mire ghar chhoḌ diyā

main na kahta tha ki bahkaenge tum ko dushman

tum ne kis waste aana mere ghar chhoD diya

ik baat likhī hai kyā hī maiñ ne

tujh se to na nāma-bar kahūñgā

ek baat likhi hai kya hi main ne

tujh se to na nama-bar kahunga