Angdaai Shayari

Stretching of limbs is a normal human act. It acquires many more postures in poetry, especially Urdu poetry that associates stretching of limbs with the enticing beloved. It adds beauty to her gesture and posture and makes her more romantic, sometimes even tantalizing. You would like this selection on its visual representation by the poets.

ab bhī barsāt rātoñ meñ badan TūTtā hai

jaag uThtī haiñ ajab ḳhvāhisheñ añgḌā.ī

Till even now in rainy climes, my limbs are aching, sore

The yen to stretch out languidly then comes to the fore

ab bhi barsat ki raaton mein badan TuTta hai

jag uThti hain ajab KHwahishen angDai ki

Till even now in rainy climes, my limbs are aching, sore

The yen to stretch out languidly then comes to the fore

Parveen Shakir

ab to us ke baare meñ tum jo chāho vo kah Daalo

vo añgḌā.ī mere kamre tak to baḌī rūhānī thī

ab to us ke bare mein tum jo chaho wo kah Dalo

wo angDai mere kamre tak to baDi ruhani thi

Jaun Eliya

añgḌā.ī bhī vo lene na paa.e uThā ke haath

dekhā jo mujh ko chhoḌ diye muskurā ke haath

she couldn't even stretch out with her arms upraised

seeing me she smiled and composed herself all fazed

angDai bhi wo lene na pae uTha ke hath

dekha jo mujh ko chhoD diye muskura ke hath

she couldn't even stretch out with her arms upraised

seeing me she smiled and composed herself all fazed

Nizam Rampuri

apne markaz taraf mā.il-e-parvāz thā husn

bhūltā nahīñ aalam tirī añgḌā.ī

apne markaz ki taraf mail-e-parwaz tha husn

bhulta hi nahin aalam teri angDai ka

Aziz Lakhnavi

be-sāḳhta bikhar ga.ī jalvoñ kā.enāt

ā.īna TuuT kar tirī añgḌā.ī ban gayā

be-saKHta bikhar gai jalwon ki kaenat

aaina TuT kar teri angDai ban gaya

Saghar Siddiqui

dariyā-e-husn aur bhī do haath baḌh gayā

añgḌā.ī us ne nashshe meñ jab uThā ke haath

dariya-e-husn aur bhi do hath baDh gaya

angDai us ne nashshe mein li jab uTha ke hath

Imam Bakhsh Nasikh

dil kyā haal kahūñ sub.h ko jab us but ne

le ke añgḌā.ī kahā naaz se ham jaate haiñ

how to describe my state when at the crack of dawn

she stretched in lagour and said it was time to be gone

dil ka kya haal kahun subh ko jab us but ne

le ke angDai kaha naz se hum jate hain

how to describe my state when at the crack of dawn

she stretched in lagour and said it was time to be gone

Dagh Dehlvi

donoñ hāthoñ se lūTtī hai hameñ

kitnī zālim hai terī añgḌā.ī

donon hathon se luTti hai hamein

kitni zalim hai teri angDai

Jigar Moradabadi

had-e-takmīl ko pahuñchī tirī ra.anā.ī-e-husn

jo kasar thī vo miTā tirī añgḌā.ī ne

had-e-takmil ko pahunchi teri ranai-e-husn

jo kasar thi wo miTa di teri angDai ne

Anand Narayan Mulla

ilāhī kyā ilāqa hai vo jab letā hai añgḌā.ī

mire siine meñ sab zaḳhmoñ ke Tāñke TuuT jaate haiñ

ilahi kya ilaqa hai wo jab leta hai angDai

mere sine mein sab zaKHmon ke Tanke TuT jate hain

Jurat Qalandar Bakhsh

kaun añgḌā.ī le rahā hai 'adam'

do jahāñ laḌkhaḌā.e jaate haiñ

kaun angDai le raha hai 'adam'

do jahan laDkhaDae jate hain

Abdul Hamid Adam

kaun ye le rahā hai añgḌā.ī

āsmānoñ ko niiñd aatī hai

kaun ye le raha hai angDai

aasmanon ko nind aati hai

Firaq Gorakhpuri

kyā kyā dil-e-muztar ke armān machalte haiñ

tasvīr-e-qayāmat hai zālim tirī añgḌā.ī

kya kya dil-e-muztar ke arman machalte hain

taswir-e-qayamat hai zalim teri angDai

Ram Krishn Muztar

kyuuñ chamak uThtī hai bijlī baar baar

ai sitamgar le na añgḌā.ī bahut

kyun chamak uThti hai bijli bar bar

ai sitamgar le na angDai bahut

Sahil Ahmad

luT ga.e ek añgḌā.ī meñ aisā bhī huā

umr-bhar phirte rahe ban ke jo hoshiyār bahut

luT gae ek hi angDai mein aisa bhi hua

umr-bhar phirte rahe ban ke jo hoshiyar bahut

Qais Rampuri

payām-e-zer-e-lab aisā ki kuchh sunā na gayā

ishāra paate añgḌā.ī rahā na gayā

payam-e-zer-e-lab aisa ki kuchh suna na gaya

ishaara pate hi angDai li raha na gaya

Yagana Changezi

shāḳh-e-gul jhuum ke gulzār meñ sīdhī jo huī

phir gayā aañkh meñ naqsha tirī añgḌā.ī

shaKH-e-gul jhum ke gulzar mein sidhi jo hui

phir gaya aankh mein naqsha teri angDai ka

Agha Hajju Sharaf

shāyad vo din pahlā din thā palkeñ bojhal hone

mujh ko dekhte jab us añgḌā.ī sharmā.ī hai

shayad wo din pahla din tha palken bojhal hone ka

mujh ko dekhte hi jab us ki angDai sharmai hai

Jaun Eliya

sun chuke jab haal merā le ke añgḌā.ī kahā

kis ġhazab dard zālim tere afsāne meñ thā

sun chuke jab haal mera le ke angDai kaha

kis ghazab ka dard zalim tere afsane mein tha

Shad Azimabadi

tum phir usī adā se añgḌā.ī le ke hañs do

aa jā.egā palaT kar guzrā huā zamāna

tum phir usi ada se angDai le ke hans do

aa jaega palaT kar guzra hua zamana

Shakeel Badayuni

Added to your favorites

Removed from your favorites