Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "daad"

Nazm MATCHES FOR "daad"

Nazm

ai ishq hamein barbaad na kar

yuu.n zulm na kar be-daad na kar
ai ishq hame.n barbaad na kar

Akhtar Shirani
Nazm

KHun phir KHun hai

KHaak-e-sahraa pe jame yaa kaf-e-qaatil pe jame
farq-e-insaaf pe yaa paa-e-salaasil pe jame
teG-e-be-daad pe yaa laasha-e-bismil pe jame
KHuun phir KHuun hai Tapkegaa to jam jaa.egaa

Sahir Ludhianvi
Nazm

ghaalib

ballii-maaraa.n ke mohalle kii vo pechiida daliilo.n kii sii galiyaa.n
saamne Taal kii nukka.D pe baTero.n ke qasiide
gu.Dgu.Daatii hu.ii paan kii piiko.n me.n vo daad vo vaah vaa
chand darvaazo.n pe laTke hu.e bosiida se kuchh TaaT ke parde
ek bakrii ke mimyaane kii aavaaz
aur dhundlaa.ii hu.ii shaam ke be-nuur a.ndhere saa.e
aise diivaaro.n se mu.nh jo.D ke chalte hai.n yahaa.n
chuu.Dii-vaalaan kai kaTre kii ba.Dii-bii jaise
apnii bujhtii hu.ii aa.nkho.n se darvaaze TaTole

Gulzar
Nazm

wasoKHt

kyuu.n daad-e-Gam hamii.n ne talab kii buraa kiyaa
ham se jahaa.n me.n kushta-e-Gam aur kyaa na the

Faiz Ahmad Faiz
Nazm

barahwan khilaDi

KHush-gavaar mausam me.n
an-ginat tamaashaa.ii
apnii apnii teamo.n ko
daad dene aate hai.n
apne apne pyaaro.n kaa
hausla ba.Dhaate hai.n
mai.n alag-thalag sab se
baarahve.n khilaa.Dii ko
hoot kartaa rahtaa huu.n
baarahvaa.n khilaa.Dii bhii
kyaa ajab khilaa.Dii hai
khel hotaa rahtaa hai
shor machtaa rahtaa hai
daad pa.Dtii rahtii hai
aur vo alag sab se
intizaar kartaa hai
ek aisii saa.at kaa
ek aise lamhe kaa
jis me.n saaneha ho jaa.e
phir vo khelne nikle
taaliyo.n ke jhurmuT me.n
ek jumla-e-KHush-kun
ek naara-e-tahsiin
us ke naam par ho jaa.e
sab khilaa.Diyo.n ke saath
vo bhii mo'atabar ho jaa.e
par ye kam hii hotaa hai
phir bhii log kahte hai.n
khel se khilaa.Dii kaa
umr-bhar kaa rishta hai

Iftikhar Arif
Nazm

jugnu

ye shaaKH-saar ke jhuulo.n me.n pe.ng pa.Dte hu.e
ye laakho.n pattiyo.n kaa naachnaa ye raqs-e-nabaat
ye be-KHudii-e-musarrat ye vaalihaana raqs
ye taal-sam ye chhamaa-chham ki kaan bajte hai.n
havaa ke dosh pe kuchh uudii uudii shaklo.n kii
nashe me.n chuur sii parchhaa.iyaa.n thiraktii hu.ii
ufuq pe Duubte din kii jhapaktii hai.n aa.nkhe.n
KHamosh soz-e-daruu.n se sulag rahii hai ye shaam!
mire makaan ke aage hai ek chau.Daa sahn vasii.a
kabhii vo ha.nstaa nazar aataa hai kabhii vo udaas
isii ke biich me.n hai ek pe.D piipal kaa
sunaa hai mai.n ne buzurgo.n se ye ki umr us kii
jo kuchh na hogii to hogii qariib chhiyaanve saal
chhi.Dii thii hind me.n jab pahlii ja.ng-e-aazaadii
jise dabaane ke baa'd us ko Gadr kahne lage
ye ahl-e-hind bhii hote hai.n kis qadar ma.asuum
vo daar-o-giir vo aazaadii-e-vatan kii ja.ng
vatan se thii ki Ganiim-e-vatan se Gaddaarii
biphar ga.e the hamaare vatan ke piir o javaa.n
dayaar-e-hind me.n ran pa.D gayaa thaa chaar taraf
usii zamaane me.n kahte hai.n mere daadaa ne
jab arz-e-hind si.nchii KHuun se ''sapuuto.n'' ke
miyaan-e-sahn lagaayaa thaa laa ke ik paudaa
jo aab-o-aatish-o-KHaak-o-havaa se paltaa hu.aa
KHud apne qad se ba-josh-e-numuu nikaltaa hu.aa
fusuun-e-ruuh banaatii rago.n me.n chaltaa hu.aa
nigaah-e-shauq ke saa.ncho.n me.n roz Dhaltaa hu.aa
sunaa hai raaviyo.n se diidanii thii us kii uThaan
har ik ke dekhte hii dekhte cha.Dhaa parvaan
vahii hai aaj ye chhitnaar pe.D piipal kaa
vo Tahniyo.n ke kamanDal liye jaTaadhaarii
zamaana dekhe hu.e hai ye pe.D bachpan se
rahii hai is ke liye daaKHlii kashish mujh me.n
rahaa huu.n dekhtaa chup-chaap der tak us ko
mai.n kho gayaa huu.n ka.ii baar is nazaare me.n
vo us kii gahrii ja.De.n thii.n ki zindagii kii ja.De.n?
pas-e-sukuun-e-shajar ko.ii dil dha.Daktaa thaa
mai.n dekhtaa thaa use hastii-e-bashar kii tarah
kabhii udaas kabhii shaadmaa.n kabhii gambhiir
fazaa kaa surma.ii rang aur ho chalaa gahraa
ghulaa ghulaa saa falak hai dhu.aa.n dhu.aa.n sii hai shaam
hai jhuTpuTaa ki ko.ii azhdahaa hai maa.il-e-KHvaab
sukuut-e-shaam me.n darmaandagii kaa aalam hai
rukii rukii sii kisii soch me.n hai mauj-e-sabaa

Firaq Gorakhpuri
Nazm

hindi islam

hai zinda faqat vahdat-e-afkaar se millat
vahdat ho fanaa jis se vo ilhaam bhii ilhaad
vahdat kii hifaazat nahii.n be-quvvat-e-baazuu
aatii nahii.n kuchh kaam yahaa.n 'aql-e-KHudaa-daad
ai mard-e-KHudaa tujh ko vo quvvat nahii.n haasil
jaa baiTh kisii Gaar me.n allaah ko kar yaad
miskiinii-o-mahkuumii-o-naumiidii-e-jaaved
jis kaa ye tasavvuf ho vo islaam kar iijaad
mullaa ko jo hai hind me.n sajde kii ijaazat
naadaa.n ye samajhtaa hai ki islaam hai aazaad

Allama Iqbal
Nazm

mujhe jaana hai ek din

mujhe jaanaa hai ik din terii bazm-e-naaz se aaKHir
abhii phir dard Tapkegaa mirii aavaaz se aaKHir
abhii phir aag uTThegii shikasta saaz se aaKHir
mujhe jaanaa hai ik din terii bazm-e-naaz se aaKHir

Asrarul Haq Majaz
Nazm

asrar-e-paida

us qaum ko shamshiir kii haajat nahii.n rahtii
ho jis ke javaano.n kii KHudii suurat-e-faulaad
naachiiz jahaan-e-mah-o-parvii.n tire aage
vo 'aalam-e-majbuur hai tuu aalam-e-aazaad
maujo.n kii tapish kyaa hai faqat zauq-e-talab hai
pinhaa.n jo sadaf me.n hai vo daulat hai KHudaa-daad
shaahii.n kabhii parvaaz se thak kar nahii.n girtaa
pur-dam hai agar tuu to nahii.n KHatra-e-uftaad

Allama Iqbal
Nazm

mahatma-gandhi ka qatl

har saa.ns se dars-e-aman diyaa har jabr pe daad-e-ulfat dii
qaatil ko bhii gar lab hil na sake aa.nkho.n se du.aa-e-rahmat dii

Anand Narayan Mulla
Nazm

mazdur ki bansuri

mazduur hai.n ham, mazduur hai.n ham, majbuur the ham, majbuur hai.n ham
insaaniyat ke siine me.n ristaa hu.aa ik naasuur hai.n ham
daulat kii aa.nkho.n kaa surma bantaa hai hamaarii haDDii se
mandir ke diye bhii jalte hai.n mazduur kii pighlii charbii se
ham se baazaar kii raunaq hai, ham se chehro.n kii laalii hai
jaltaa hai hamaare dil kaa diyaa duniyaa kii sabhaa ujyaalii hai
daulat kii sevaa karte hai.n Thukraa.e hu.e ham daulat ke
mazduur hai.n ham, mazduur hai.n ham sautele beTe qismat ke
sone kii chaTaa.ii tak bhii nahii.n, ham zaat ke itne heTe hai.n
ye sejo.n par sone vaale shaayad bhagvaan ke beTe hai.n
ham me.n nahii.n ko.ii tabdiilii jaa.De kii paalii raato.n me.n
baisaakh ke tapte mausam me.n, saavan kii bharii barsaato.n me.n
kap.De kii zaruurat hii kyaa hai mazduuro.n ko, haivaano.n ko
kyaa bahs hai, sardii garmii se lohe ke bane insaano.n ko
hone do charaaGaa.n mahlo.n me.n, kyaa ham ko agar diivaalii hai
mazduur hai.n ham, mazduur hai.n ham, mazduur kii duniyaa kaalii hai
mazduur ke bachche takte hai.n jab hasrat se duukaano.n ko
mazduur kaa dil detaa hai du.aa devtaa.o.n ko, bhagvaano.n ko
khaayaa miTTii ke bartan me.n, so.e to bichhaune ko tarse
muKHtaaro.n par tanqiide.n hai.n, be-chaargiyaa.n majbuuro.n kii
suukhaa chehra dahqaano.n kaa, zaKHmii piiThe.n mazduuro.n kii
vo bhuuko.n ke an-daataa hai.n, haq un kaa hai be-daad kare.n
ham kis darvaaze par jaa.e.n kis se jaa kar fariyaad kare.n
baazaar-e-tamaddun bhii un kaa duniyaa-e-siyaasat bhii un kii
maz.hab kaa iraada bhii un kaa, duniyaa-e-siyaasat bhii un kii
paaband hame.n karne ke liye sau raahe.n nikaalii jaatii hai.n
qaanuun banaa.e jaate hai.n, zanjiire.n Dhaalii jaatii hai.n
phir bhii aaGaaz kii shoKHii me.n anjaam dikhaa.ii detaa hai
ham chup hai.n lekin fitrat kaa insaaf duhaa.ii detaa hai

Jameel Mazhari
Nazm

chhabbis january

qurbaa.n hu.e jo is par ruuhe.n hai.n shaad un kii
ham jis se bahra-var hai.n vo hai muraad un kii
hai bas-ki sarfaroshii shaayaan-e-daad un kii
bhaarat kii is KHushii me.n shaamil hai yaad un kii
roz-e-sa.iid aayaa chhabbiis january kaa
daur-e-jadiid laayaa bhaarat kii bartarii kaa

Tilok Chand Mahroom
Nazm

parwaz

kahaa daraKHt ne ik roz murG-e-sahraa se
sitam pe Gam-kada-e-rang-o-buu kii hai buniyaad
KHudaa mujhe bhii agar baal-o-par 'ataa kartaa
shagufta aur bhii hotaa ye aalam-e-iijaad
diyaa javaab use KHuub murG-e-sahraa ne
Gazab hai daad ko samjhaa hu.aa hai tuu bedaad
jahaa.n me.n lazzat-e-parvaaz haq nahii.n us kaa
vujuud jis kaa nahii.n jazb-e-KHaak se aazaad

Allama Iqbal
Nazm

hum

nahiif sho.ala jamaal ko.npal
jo dast-e-naazuk kii narm poro.n se dhiire dhiire
dariicha-e-shaaKH khol kar
sub.h kii sapedii me.n jhaa.nktii hai
ye sochtii hai
ki baaG saaraa usii ke dam se mahak rahaa hai
usii ke partav se gosha gosha damak rahaa hai
usii ke diidaar me.n magan
KHushbu.o.n se bojhal havaa.o.n me.n
shoKH titliyaa.n raqs kar rahii hai.n

Zia Jalandhari
Nazm

chal-chalaw

bas dekhaa aur phir bhuul ga.e
jab husn nigaaho.n me.n aayaa
man-saagar me.n tuufaan uThaa
tuufaan ko chanchal dekh Darii aakaash kii ga.ngaa duudh-bharii
aur chaa.nd chhupaa taare so.e tuufaan miTaa har baat ga.ii
dil bhuul gayaa pahlii puujaa man mandir kii muurat TuuTii
din laayaa baate.n anjaanii phir din bhii nayaa aur raat na.ii
piitam bhii na.ii paremii bhii nayaa sukh sej na.ii har baat na.ii
ik pal ko aa.ii nigaaho.n me.n jhilmil kartii pahlii
sundartaa aur phir bhuul ga.e
mat jaano hame.n tum harjaa.ii
harjaa.ii kyuu.n kaise kaise
kyaa daad jo ik lamhe kii ho vo daad nahii.n kahlaa.egii
jo baat ho dil kii aa.nkho.n kii
tum us ko havas kyuu.n kahte ho
jitnii bhii jahaa.n ho jalvagarii us se dil ko garmaane do
jab tak hai zamii.n
jab tak hai zamaa.n
ye husn o numaa.ish jaarii hai
is ek jhalak ko chhichhaltii nazar se dekh ke jii bhar lene do

Meeraji
Nazm

aadam-e-nau ka tarana-e-safar

fareb khaa.e hai.n ra.ng-o-buu ke saraab ko puujtaa rahaa huu.n
magar nataa.ej kii raushnii me.n KHud apnii manzil pe aa rahaa huu.n
jo dil kii gahraa.iyo.n me.n sub.h zuhuur-e-aadam se so rahii thii.n
mai.n apnii fitrat kii un KHudaa-daad quvvato.n ko jagaa rahaa huu.n
mai.n saa.ns letaa huu.n har qadam par ki bojh bhaarii hai zindagii kaa
Thahar zaraa garm-rau zamaane ki mai.n tire saath aa rahaa huu.n
jahaaz-raano.n ko bhii ta.ajjub hai mere is azm-e-mutma.in par
ki aa.ndhiyaa.n chal rahii hai.n tund aur mai.n apnii kashtii chalaa rahaa huu.n
tilism-e-fitrat bhii muskuraataa hai merii afsuu.n-taraaziyo.n par
bahut se jaaduu jagaa chukaa huu.n bahut se jaaduu jagaa rahaa huu.n
ye mehr-e-taabaa.n se ko.ii kah de ki apnii kirno.n ko gin ke rakh le
mai.n apne sahraa ke zarre zarre ko KHud chamaknaa sikhaa rahaa huu.n
miraa taKHayyul mire iraade kare.nge fitrat pe hukmaraanii
jahaa.n farishto.n ke par hai.n larzaa.n mai.n us bulandii pe jaa rahaa huu.n
ye vo gharau.nde hai.n jin pe ik din pa.Degii buniyaad-e-qasr-e-jannat
na samjhe.n sukkaan-e-bazm-e-ismat ki mai.n gharau.nde banaa rahaa huu.n
ye naaz-parvardagaan-e-saahil Dare.n Dare.n mirii garm rau se
ki mai.n samundar kii tund maujo.n ko rau.ndtaa paas aa rahaa huu.n

Jameel Mazhari
Nazm

aql-o-dil

har KHaakii-o-nuurii pe hukuumat hai KHirad kii
baahar nahii.n kuchh 'aql-e-KHudaa-daad kii zad se
'aalam hai Gulaam is ke jalaal-e-azalii kaa
ik dil hai ki har lahza ulajhtaa hai KHirad se

Allama Iqbal
Nazm

guDDe miyan ki shadi

yahii mehmaano.n me.n hai guftuguu
ki duulhan hai be-shak ba.Dii KHuub-ruu
saliiqe ke sasuraal vaale bhii hai.n
dikhaavaa nahii.n maal vaale bhii hai.n
ye sardii kii sub.h aur sardii kii shaam
magar qaabil-e-daad har intizaam
ye bartan ye kap.De ye kursii ye mez
milaa hai bahut KHuubsuurat jahez
sadaa phir vo 'annuu' kii aane lagii
fazaa.o.n me.n mastii luTaane lagii
na.ii zindagaanii mubaarak rahe
mubaarak ye shaadii mubaarak rahe

Akhgar Mushtaq Raheem Aabadi
Nazm

layal-pur

laayal-puur ik shahr hai jis me.n dil hai miraa aabaad
dha.Dkan dha.Dkan saath rahegii us bastii kii yaad
miiThe bolo.n kii vo nagrii giito.n kaa sansaar
ha.nste-baste haa.e vo raste naGma-rez dayaar
vo galiyaa.n vo phuul vo kaliyaa.n ra.ng-bhare baazaar
mai.n ne un galiyo.n phuulo.n kaliyo.n se kiyaa hai pyaar
barg-e-aavaara me.n bikhrii hai jis kii ruudaad
laayal-puur ik shahr hai jis me.n dil hai miraa aabaad
ko.ii nahii.n thaa kaam mujhe phir bhii thaa kitnaa kaam
un galiyo.n me.n phirte rahnaa din ko karnaa shaam
ghar ghar mere sher ke charche ghar ghar me.n badnaam
raato.n ko dahliizo.n pe hii kar lenaa aaraam
dukh sahne me.n chup rahne me.n dil thaa kitnaa shaad
laayal-puur ik shahr hai jis me.n dil hai miraa aabaad
mai.n ne us nagrii rah kar kyaa kyaa giit likhe
jin ke kaaran logo.n ke man me.n hai merii priit
ek lagan kii baat hai jiivan kaisii haar aur jiit
sab se mujh ko pyaar hai 'jaalib' sab hai.n mere miit
daad to un kii yaad hai mujh ko bhuul gayaa be-daad
laayal puur ik shahr hai jis me.n dil hai miraa aabaad

Habib Jalib
Nazm

adbiyat

'ishq ab pairvii-e-'aql-e-KHudaa-daad kare
aabruu kuucha-e-jaanaa.n me.n na barbaad kare
kohna-paikar me.n na.ii ruuh ko aabaad kare
yaa kuhan ruuh ko taqliid se aazaad kare

Allama Iqbal
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now