Aasman Shayari

Sky is earth’s umbrella, a huge protection spread from end to end like earth itself. It is a visual treat but it is also symbolic of divinity and kindness. Sky, however, has also been used as a symbol of rage and wrath. Poets have used sky in multiple ways. Some examples are here to make this point.

āsmāñ apne irādoñ meñ magan hai lekin

aadmī apne ḳhayālāt liye phirtā hai

aasman apne iradon mein magan hai lekin

aadmi apne KHayalat liye phirta hai

Anwar Masood

āsmāñ ek sulagtā huā sahrā hai jahāñ

DhūñDhtā phirtā hai ḳhud apnā saayā sūraj

aasman ek sulagta hua sahra hai jahan

DhunDhta phirta hai KHud apna hi saya suraj

Azad Gulati

āsmān par pahuñchūñ

allāh terā naam likhūñ

aasman par ja pahunchun

allah tera nam likhun

Mohammad Alvi

agar hai insān muqaddar ḳhud apnī miTTī rizq honā

to phir zamīñ par ye āsmāñ vajūd kis qahr ke liye hai

agar hai insan ka muqaddar KHud apni miTTi ka rizq hona

to phir zamin par ye aasman ka wajud kis qahr ke liye hai

Ghulam Husain Sajid

ai āsmān tere ḳhudā nahīñ hai ḳhauf

Darte haiñ ai zamīn tire aadmī se ham

O heavens I do not fear your God above you know

I am afraid O Earth, of your human beings below

ai aasman tere KHuda ka nahin hai KHauf

Darte hain ai zamin tere aadmi se hum

O heavens I do not fear your God above you know

I am afraid O Earth, of your human beings below

Unknown

badle hue se lagte haiñ ab mausamoñ ke rañg

paḌtā hai āsmān saayā zamīn par

badle hue se lagte hain ab mausamon ke rang

paDta hai aasman ka saya zamin par

Hamdam Kashmiri

Dartā huuñ āsmān se bijlī na gir paḌe

sayyād nigāh sū-e-āshiyāñ nahīñ

Darta hun aasman se bijli na gir paDe

sayyaad ki nigah su-e-ashiyan nahin

Momin Khan Momin
  • Share this

giregī kal bhī yahī dhuup aur yahī shabnam

is āsmāñ se nahīñ aur kuchh utarne

giregi kal bhi yahi dhup aur yahi shabnam

is aasman se nahin aur kuchh utarne ka

Hakeem Manzoor

ham kisī ko gavāh kyā karte

is khule āsmān ke aage

hum kisi ko gawah kya karte

is khule aasman ke aage

Rasa Chughtai

hazār rāste badle hazār svāñg rache

magar hai raqs meñ sar par ik āsmān vahī

hazar raste badle hazar swang rache

magar hai raqs mein sar par ek aasman wahi

Aslam Emadi

jitnī baTnī thī baT chukī ye zamīñ

ab to bas āsmān baaqī hai

jitni baTni thi baT chuki ye zamin

ab to bas aasman baqi hai

Rajesh Reddy

kabhī to āsmāñ se chāñd utre jaam ho jaa.e

tumhāre naam ik ḳhūb-sūrat shaam ho jaa.e

kabhi to aasman se chand utre jam ho jae

tumhaare nam ki ek KHub-surat sham ho jae

Bashir Badr

rafāqatoñ mirī us ko dhyān kitnā thā

zamīn le magar āsmān chhoḌ gayā

rafaqaton ka meri us ko dhyan kitna tha

zamin le li magar aasman chhoD gaya

Parveen Shakir

rut badlī to zamīñ ke chehre ġhāza bhī badlā

rañg magar ḳhud āsmān ne badle kaise kaise

rut badli to zamin ke chehre ka ghaza bhi badla

rang magar KHud aasman ne badle kaise kaise

Akbar Hyderabadi
  • Share this

uqābī ruuh jab bedār hotī hai javānoñ meñ

nazar aatī hai un ko apnī manzil āsmānoñ meñ

uqabi ruh jab bedar hoti hai jawanon mein

nazar aati hai un ko apni manzil aasmanon mein

Allama Iqbal
  • Share this

uTThī haiñ merī ḳhaak se āfāt sab sab

nāzil huī na koī balā āsmān se

uTThi hain meri KHak se aafat sab ki sab

nazil hui na koi bala aasman se

Shahzad Ahmad
  • Share this

vo so rahā hai ḳhudā duur āsmānoñ meñ

farishte loriyāñ gaate haiñ us ke kānoñ meñ

wo so raha hai KHuda dur aasmanon mein

farishte loriyan gate hain us ke kanon mein

Abdur Rahim Nashtar

yuuñ jo taktā hai āsmān ko

koī rahtā hai āsmān meñ kyā

yun jo takta hai aasman ko tu

koi rahta hai aasman mein kya

Jaun Eliya

'zafar' zamīñ-zād the zamīñ se kaam rakkhā

jo āsmānī the āsmānoñ meñ rah ga.e haiñ

'zafar' zamin-zad the zamin se hi kaam rakkha

jo aasmani the aasmanon mein rah gae hain

Zafar Iqbal

zamīn jab bhī huī karbalā hamāre liye

to āsmān se utrā ḳhudā hamāre liye

zamin jab bhi hui karbala hamare liye

to aasman se utra KHuda hamare liye

Obaidullah Aleem

zamīn kokh zaḳhmī nahīñ andheroñ se

hai āsmāñ ke bhī siine pe āftāb zaḳhm

zamin ki kokh hi zaKHmi nahin andheron se

hai aasman ke bhi sine pe aaftab ka zaKHm

Ibn-e-Safi

zarra samajh ke yuuñ na milā mujh ko ḳhaak meñ

ai āsmān maiñ bhī kabhī āftāb thā

zarra samajh ke yun na mila mujh ko KHak mein

ai aasman main bhi kabhi aaftab tha

Lala Madhav Ram Jauhar

Favorite added successfully

Favorite removed successfully