aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on New Year

The arrival of a new

year is a cause for celebration. It marks the end of one journey and the beginning of another. This is, however, a momentary pleasure and keeps us oblivious of the times that may not be as welcome as this one. These verses bring the pleasures that the New Year brings to us along with new promises.

aaj ik aur baras biit gayā us ke baġhair

jis ke hote hue hote the zamāne mere

aaj ek aur baras bit gaya us ke baghair

jis ke hote hue hote the zamane mere

Ahmad Faraz

ik saal gayā ik saal nayā hai aane ko

par vaqt ab bhī hosh nahīñ dīvāne ko

ek sal gaya ek sal naya hai aane ko

par waqt ka ab bhi hosh nahin diwane ko

Ibn e Insha

nayā hai to dikhā sub.h na.ī shaam na.ī

varna in āñkhoñ ne dekhe haiñ na.e saal ka.ī

tu naya hai to dikha subh nai sham nai

warna in aankhon ne dekhe hain nae sal kai

Faiz Ludhianvi

na shab o roz badle haiñ na haal achchhā hai

kis barhaman ne kahā thā ki ye saal achchhā hai

na shab o roz hi badle hain na haal achchha hai

kis barhaman ne kaha tha ki ye sal achchha hai

Ahmad Faraz

kisī ko sāl-e-nau kyā mubārakbād jaa.e

calender ke badalne se muqaddar kab badaltā hai

kisi ko sal-e-nau ki kya mubarakbaad di jae

calender ke badalne se muqaddar kab badalta hai

Aitbar Sajid

yakum january hai nayā saal hai

december meñ pūchhūñgā kyā haal hai

yakum january hai naya sal hai

december mein puchhunga kya haal hai

Ameer Qazalbash

na koī rañj lamha kisī ke paas aa.e

ḳhudā kare ki nayā saal sab ko raas aa.e

na koi ranj ka lamha kisi ke pas aae

KHuda kare ki naya sal sab ko ras aae

Faryad Aazar

kuchh ḳhushiyāñ kuchh aañsū de kar Taal gayā

jīvan ik aur sunahrā saal gayā

kuchh KHushiyan kuchh aansu de kar Tal gaya

jiwan ka ek aur sunahra sal gaya

Unknown

dekhiye paate haiñ ushshāq butoñ se kyā faiz

ik barahman ne kahā hai ki ye saal achchhā hai

dekhiye pate hain ushshaq buton se kya faiz

ek barahman ne kaha hai ki ye sal achchha hai

Mirza Ghalib

phir na.e saal sarhad pe khaḌe haiñ ham log

raakh ho jā.egā ye saal bhī hairat kaisī

phir nae sal ki sarhad pe khaDe hain hum log

rakh ho jaega ye sal bhi hairat kaisi

Aziz Nabeel

ik ajnabī ke haath meñ de kar hamārā haath

lo saath chhoḌne lagā āḳhir ye saal bhī

ek ajnabi ke hath mein de kar hamara hath

lo sath chhoDne laga aaKHir ye sal bhi

Hafeez Merathi

ek baras aur biit gayā

kab tak ḳhaak uḌānī hai

ek baras aur bit gaya

kab tak KHak uDani hai

Vikas Sharma Raaz

purāne saal ThiThurī huī parchhā.iyāñ simTīñ

na.e din nayā sūraj ufuq par uThtā aatā hai

purane sal ki ThiThuri hui parchhaiyan simTin

nae din ka naya suraj ufuq par uThta aata hai

Ali Sardar Jafri

ye kis ne phone pe sāl-e-nau tahniyat mujh ko

tamannā raqs kartī hai taḳhayyul gungunātā hai

ye kis ne phone pe di sal-e-nau ki tahniyat mujh ko

tamanna raqs karti hai taKHayyul gungunata hai

Ali Sardar Jafri

na.e saal meñ pichhlī nafrat bhulā deñ

chalo apnī duniyā ko jannat banā deñ

nae sal mein pichhli nafrat bhula den

chalo apni duniya ko jannat bana den

Unknown

ek pattā shajar-e-umr se lo aur girā

log kahte haiñ mubārak ho nayā saal tumheñ

ek patta shajar-e-umr se lo aur gira

log kahte hain mubarak ho naya sal tumhein

Unknown

chehre se jhaaḌ pichhle baras kudūrateñ

dīvār se purānā calender utaar de

chehre se jhaD pichhle baras ki kuduraten

diwar se purana calender utar de

Zafar Iqbal

jis barahman ne kahā hai ki ye saal achchhā hai

us ko dafnāo mire haath rekhāoñ meñ

jis barahman ne kaha hai ki ye sal achchha hai

us ko dafnao mere hath ki rekhaon mein

Qateel Shifai

ḳhudā kare ki ye din baar baar aatā rahe

aur apne saath ḳhushī ḳhazāna laatā rahe

KHuda kare ki ye din bar bar aata rahe

aur apne sath KHushi ka KHazana lata rahe

Unknown

guzishta saal koī maslahat rahī hogī

guzishta saal ke sukh ab ke saal de maulā

guzishta sal koi maslahat rahi hogi

guzishta sal ke sukh ab ke sal de maula

Liyaqat Ali Aasim

dulhan banī huī haiñ rāheñ

jashn manāo sāl-e-nau ke

dulhan bani hui hain rahen

jashn manao sal-e-nau ke

Sahir Ludhianvi

umr ek aur saal gayā

vaqt phir ham pe ḳhaak Daal gayā

umr ka ek aur sal gaya

waqt phir hum pe KHak Dal gaya

Shakeel Jamali

nayā saal dīvār par Taañg de

purāne baras calendar girā

naya sal diwar par Tang de

purane baras ka calendar gira

Mohammad Alvi

pichhlā baras to ḳhuun rulā kar guzar gayā

kyā gul khilā.egā ye nayā saal dosto

pichhla baras to KHun rula kar guzar gaya

kya gul khilaega ye naya sal dosto

Farooq Engineer

is ga.e saal baḌe zulm hue haiñ mujh par

ai na.e saal masīhā tarah mil mujh se

is gae sal baDe zulm hue hain mujh par

ai nae sal masiha ki tarah mil mujh se

Sarfraz Nawaz

ab ke baar mil ke yuuñ sāl-e-nau manāeñge

ranjisheñ bhulā kar ham nafrateñ miTā.eñge

ab ke bar mil ke yun sal-e-nau manaenge

ranjishen bhula kar hum nafraten miTaenge

Unknown

ik pal qurb ek baras phir intizār

aa.ī hai january to december chalā gayā

ek pal ka qurb ek baras ka phir intizar

aai hai january to december chala gaya

ruKHsaar Nazimabadi

mubārak mubārak nayā saal aayā

ḳhushī samāñ saarī duniyā pe chhāyā

mubarak mubarak naya sal aaya

KHushi ka saman sari duniya pe chhaya

Akhtar Shirani

palaT ga.ī hai zamāne kaayā

nayā saal aayā nayā saal aayā

palaT si gai hai zamane ki kaya

naya sal aaya naya sal aaya

Akhtar Shirani

karne ko kuchh nahīñ hai na.e saal meñ 'yashab'

kyoñ kisī se tark-e-mohabbat kījiye

karne ko kuchh nahin hai nae sal mein 'yashab'

kyon na kisi se tark-e-mohabbat hi kijiye

Yashab Tamanna

nayā saal aayā hai ḳhushiyāñ manāo

na.e āsmānoñ se āñkheñ milāo

naya sal aaya hai KHushiyan manao

nae aasmanon se aankhen milao

Unknown

sāl-e-nau aatā hai to mahfūz kar letā huuñ maiñ

kuchh purāne se calender zehn dīvār par

sal-e-nau aata hai to mahfuz kar leta hun main

kuchh purane se calender zehn ki diwar par

Azad Gulati

aur kam yaad aaogī agle baras tum

ab ke kam yaad aa.ī ho pichhle baras se

aur kam yaad aaogi agle baras tum

ab ke kam yaad aai ho pichhle baras se

Swappnil Tiwari

ai jaate baras tujh ko sauñpā ḳhudā ko

mubārak mubārak nayā saal sab ko

ai jate baras tujh ko saunpa KHuda ko

mubarak mubarak naya sal sab ko

Mohammad Asadullah

munhadim hotā chalā jaatā hai dil sāl-ba-sāl

aisā lagtā hai girah ab ke baras TūTtī hai

munhadim hota chala jata hai dil sal-ba-sal

aisa lagta hai girah ab ke baras TuTti hai

Iftikhar Arif

ek lamha lauT kar aayā nahīñ

ye baras bhī rā.egāñ ruḳhsat huā

ek lamha lauT kar aaya nahin

ye baras bhi raegan ruKHsat hua

Inam Nadeem

saal guzar jaatā hai saarā

aur calender rah jaatā hai

sal guzar jata hai sara

aur calender rah jata hai

Sarfraz Zahid

sitāroñ āsmāñ ko jagmagā do raushnī se

december aaj milne rahā hai january se

sitaron aasman ko jagmaga do raushni se

december aaj milne ja raha hai january se

Bhaskar Shukla

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now