صبح پر اشعار

رات آ کر گزر بھی جاتی ہے

اک ہماری سحر نہیں ہوتی

نئی صبح پر نظر ہے مگر آہ یہ بھی ڈر ہے

یہ سحر بھی رفتہ رفتہ کہیں شام تک نہ پہنچے

ہم ایسے اہل نظر کو ثبوت حق کے لیے

اگر رسول نہ ہوتے تو صبح کافی تھی

کون سی بات نئی اے دل ناکام ہوئی

شام سے صبح ہوئی صبح سے پھر شام ہوئی

اب آ گئی ہے سحر اپنا گھر سنبھالنے کو

چلوں کہ جاگا ہوا رات بھر کا میں بھی ہوں

روشندان سے دھوپ کا ٹکڑا آ کر میرے پاس گرا

اور پھر سورج نے کوشش کی مجھ سے آنکھ ملانے کی

رونے والے ہوئے چپ ہجر کی دنیا بدلی

شمع بے نور ہوئی صبح کا تارا نکلا

نمود صبح سے شب کی وہ تیرگی تو گئی

یہ اور بات کہ سورج میں روشنی کم ہے

صبح سویرے رن پڑنا ہے اور گھمسان کا رن

راتوں رات چلا جائے جس کو جانا ہے

آ ہی پہنچی اک دریچے سے شعاع آفتاب

میں یہ سمجھا تھا شب غم کی سحر کوئی نہیں

صبح دم صحن گلستاں میں صبا کے جھونکے

آتش درد محبت کو ہوا دیتے ہیں

یہ رات صبح میں تبدیل ہونے والی ہے

سب اپنی اپنی کہانی کا اختتام کریں

ہجر کی شب کو یاں تئیں تڑپا

کہ ہوا صبح ہوتے میرا وصال

سحر کے ساتھ ہوگا چاک میرا دامن ہستی

برنگ شمع بزم دہر میں مہماں ہوں شب بھر کا