ZAFAR IQBAL

  • 1933
  • Okara, Pakistan

One of the most prominent and trend-setter poet of new Urdu ghazal having a vast following.

One of the most prominent and trend-setter poet of new Urdu ghazal having a vast following.

info iconClick on any word for its meaning

aañkh ke ek ishāre se kiyā gul us ne


jal rahā thā jo diyā itnī havā hote hue

aaj kal us tarah ham bhī haiñ ḳhālī ḳhālī


ek do din use kahiyo ki yahāñ rah jaa.e

ab ke is bazm meñ kuchh apnā pata bhī denā


paañv par paañv jo rakhnā to dabā bhī denā

abhī merī apnī samajh meñ bhī nahīñ aa rahī


maiñ jabhī to baat ko muḳhtasar nahīñ kar rahā

apne sāmne dīvār banā baiThā huuñ


hai ye anjām use raste se haTā dene

badan saarā lahū khiñch ke aa gayā ruḳh par


vo ek bosa hameñ de ke surḳh-rū hai bahut

chehre se jhaaḌ pichhle baras kudūrateñ


dīvār se purānā calender utaar de

dil se bāhar nikal aanā mirī majbūrī hai


maiñ to is shor-e-qayāmat meñ nahīñ rah saktā

is baar milī hai jo natīje meñ burā.ī


kaam aa.ī hai apnī koī achchhā.ī hamāre

jhuuT bolā hai to qaa.em bhī raho us par 'zafar'


aadmī ko sāhab-e-kirdār honā chāhiye

ḳharābī ho rahī hai to faqat mujh meñ saarī


mire chāroñ taraf to ḳhuub achchhā ho rahā hai

ḳhudā ko maan ki tujh lab ke chūmne ke sivā


koī ilaaj nahīñ aaj udāsī

ḳhushī milī to ye aalam thā bad-havāsī


ki dhyān na rahā ġham be-libāsī

mujh se chhuḌvā.e mire saare usuul us ne 'zafar'


kitnā chālāk thā maarā mujhe tanhā kar ke

muskurāte hue miltā huuñ kisī se jo 'zafar'


saaf pahchān liyā jāatā huuñ royā huā maiñ

puurī āvāz se ik roz pukārūñ tujh ko


aur phir merī zabāñ par tirā taalā lag jaa.e

rok rakhnā thā abhī aur ye āvāz ras


bech lenā thā ye saudā zarā mahñgā kar ke

TakTakī bāñdh ke maiñ dekh rahā huuñ jis ko


ye bhī ho saktā hai vo sāmne baiThā na ho

us ko aanā thā ki vo mujh ko bulātā thā kahīñ


raat bhar bārish thī us raat bhar paiġhām thā

vahāñ maqām to rone thā magar ai dost


tire firāq meñ ham ko hañsī bahut aa.ī

comments powered by Disqus