mohabbateñ to faqat intihā.eñ māñgtī haiñ

mohabbatoñ meñ bhalā e'tidāl kyā karnā

mohabbaten to faqat intihaen mangti hain

mohabbaton mein bhala e'tidal kya karna

dhaḌaktī qurbatoñ ke ḳhvāb se jaage to jaanā

zarā se vasl ne kitnā akelā kar diyā hai

dhaDakti qurbaton ke KHwab se jage to jaana

zara se wasl ne kitna akela kar diya hai

bachchoñ ke saath aaj use dekhā to dukh huā

un meñ se koī ek bhī maañ par nahīñ gayā

bachchon ke sath aaj use dekha to dukh hua

un mein se koi ek bhi man par nahin gaya

ta.alluq toḌne meñ pahl mushkil marhala thā

chalo ham ne tumhārā bojh halkā kar diyā hai

talluq toDne mein pahl mushkil marhala tha

chalo hum ne tumhaara bojh halka kar diya hai

judā.ī kī rutoñ meñ sūrateñ dhuñdlāne lagtī haiñ

so aise mausamoñ meñ aa.ina dekhā nahīñ karte

judai ki ruton mein suraten dhundlane lagti hain

so aise mausamon mein aaina dekha nahin karte

hamārī jeb meñ ḳhvāboñ kī rezgārī hai

so len-den hamārā dukāñ se bāhar hai

hamari jeb mein KHwabon ki rezgari hai

so len-den hamara dukan se bahar hai

tujh se bichhaḌ ke samt-e-safar bhūlne lage

phir yuuñ huā ham apnā hī ghar bhūlne lage

tujh se bichhaD ke samt-e-safar bhulne lage

phir yun hua hum apna hi ghar bhulne lage

irāda thā ki ab ke rañg-e-duniyā dekhnā hai

ḳhabar kyā thī ki apnā hī tamāshā dekhnā hai

irada tha ki ab ke rang-e-duniya dekhna hai

KHabar kya thi ki apna hi tamasha dekhna hai

maiñ tark-e-ta.alluq pe bhī āmāda huuñ lekin

tū bhī to mirā qarz-e-ġham-e-hijr adā kar

main tark-e-talluq pe bhi aamada hun lekin

tu bhi to mera qarz-e-gham-e-hijr ada kar

kyā shaḳhs thā uḌātā rahā umr bhar mujhe

lekin havā se haath milāne nahīñ diyā

kya shaKHs tha uData raha umr bhar mujhe

lekin hawa se hath milane nahin diya

ye kār-e-ishq to bachchoñ kā khel Thahrā hai

so kār-e-ishq meñ koī kamāl kyā karnā

ye kar-e-ishq to bachchon ka khel Thahra hai

so kar-e-ishq mein koi kamal kya karna

us kā firāq itnā baḌā sāneha na thā

lekin ye dukh pahāḌ barābar lagā hameñ

us ka firaq itna baDa saneha na tha

lekin ye dukh pahaD barabar laga hamein

āñkhoñ se ḳhvāb dil se tamannā tamām-shud

tum kyā ga.e ki shauq-e-nazāra tamām-shud

aankhon se KHwab dil se tamanna tamam-shud

tum kya gae ki shauq-e-nazara tamam-shud

hamesha ik masāfat ghūmtī rahtī hai paañv meñ

safar ke ba.ad bhī kuchh log ghar pahuñchā nahīñ karte

hamesha ek masafat ghumti rahti hai panw mein

safar ke baad bhi kuchh log ghar pahuncha nahin karte

makīñ yahīñ kā hai lekin makāñ se bāhar hai

abhī vo shaḳhs mirī dāstāñ se bāhar hai

makin yahin ka hai lekin makan se bahar hai

abhi wo shaKHs meri dastan se bahar hai

sivā tere har ik shai ko haTā denā hai manzar se

aur is ke ba.ad ḳhud ko be-sar-o-sāmān karnā hai

siwa tere har ek shai ko haTa dena hai manzar se

aur is ke baad KHud ko be-sar-o-saman karna hai

shām-e-vidā.a thī magar us rañg-bāz ne

paañv pe hoñT rakh diye jaane nahīñ diyā

sham-e-widaa thi magar us rang-baz ne

panw pe honT rakh diye jaane nahin diya

maiñ phir ik ḳhat tire āñgan girānā chāhtā huuñ

mujhe phir se tirā rañg-e-burīda dekhnā hai

main phir ek KHat tere aangan girana chahta hun

mujhe phir se tera rang-e-burida dekhna hai

savāl ye nahīñ mujh se hai kyuuñ gurezāñ vo

savāl ye hai ki kyuuñ jism o jaañ se bāhar hai

sawal ye nahin mujh se hai kyun gurezan wo

sawal ye hai ki kyun jism o jaan se bahar hai

kis ko thī ḳhabar is meñ taḌaḳh jā.egā dil bhī

ham ḳhush the bahut sehn meñ dīvār uThā kar

kis ko thi KHabar is mein taDaKH jaega dil bhi

hum KHush the bahut sehn mein diwar uTha kar