ġhaur se dekhte rahne kī sazā paa.ī hai

terī tasvīr in āñkhoñ meñ utar aa.ī hai

ghaur se dekhte rahne ki saza pai hai

teri taswir in aankhon mein utar aai hai

savāl aa ga.e āñkhoñ se chhin ke hoñToñ par

hameñ javāb na dene kā fā.eda to milā

sawal aa gae aankhon se chhin ke honTon par

hamein jawab na dene ka faeda to mila

nasl-e-ādam rafta rafta ḳhud ko kar legī tabāh

itnī saḳhtī se qayāmat pesh aa.egī na pūchh

nasl-e-adam rafta rafta KHud ko kar legi tabah

itni saKHti se qayamat pesh aaegi na puchh

darmiyāñ jo jism kā parda hai kaise hogā chaak

maut kis tarkīb se ham ko milā.egī na pūchh

darmiyan jo jism ka parda hai kaise hoga chaak

maut kis tarkib se hum ko milaegi na puchh

jab yahāñ rahne ke sab asbāb yakjā kar liye

tab khulā mujh par ki maiñ duniyā kā bāshinda na thā

jab yahan rahne ke sab asbab yakja kar liye

tab khula mujh par ki main duniya ka bashinda na tha

ḳhud-kushī kā faisla ye soch kar ham ne kiyā

kaun kartā zindagī kā maut se achchhā ilaaj

KHud-kushi ka faisla ye soch kar hum ne kiya

kaun karta zindagi ka maut se achchha ilaj

khīñch laa.ī jānib-e-dariyā hameñ bhī tishnagī

ab gulū-e-ḳhushk kā ḳhanjar pe ram hone ko hai

khinch lai jaanib-e-dariya hamein bhi tishnagi

ab gulu-e-KHushk ka KHanjar pe ram hone ko hai

chāheñ to is ko teġh-e-ḳhamoshī se kaaT deñ

lekin junūñ se jañg zabānī kareñge ham

chahen to is ko tegh-e-KHamoshi se kaT den

lekin junun se jang zabani karenge hum

us ne to yuuñ hī pūchh liyā thā ki koī hai

mahfil meñ uThā shor ba-yak-laḳht ki ham ham

us ne to yun hi puchh liya tha ki koi hai

mahfil mein uTha shor ba-yak-laKHt ki hum hum

maiñ tire shoḳh laboñ par to abhī aayā huuñ

is se pahle tirī āñkhoñ meñ savālāt sā thā

main tere shoKH labon par to abhi aaya hun

is se pahle teri aankhon mein sawalat sa tha