bharī duniyā meñ jī nahīñ lagtā

jaane kis chiiz kī kamī hai abhī

bhari duniya mein ji nahin lagta

jaane kis chiz ki kami hai abhi

kaun achchhā hai is zamāne meñ

kyuuñ kisī ko burā kahe koī

kaun achchha hai is zamane mein

kyun kisi ko bura kahe koi

ga.e dinoñ kā surāġh le kar kidhar se aayā kidhar gayā vo

ajiib mānūs ajnabī thā mujhe to hairān kar gayā vo

gae dinon ka suragh le kar kidhar se aaya kidhar gaya wo

ajib manus ajnabi tha mujhe to hairan kar gaya wo

dil to merā udaas hai 'nāsir'

shahr kyuuñ saa.eñ saa.eñ kartā hai

dil to mera udas hai 'nasir'

shahr kyun saen saen karta hai

is qadar royā huuñ terī yaad meñ

ā.īne āñkhoñ ke dhundle ho ga.e

is qadar roya hun teri yaad mein

aaine aankhon ke dhundle ho gae

din guzārā thā baḌī mushkil se

phir tirā va.ada-e-shab yaad aayā

din guzara tha baDi mushkil se

phir tera wada-e-shab yaad aaya

maiñ sote sote ka.ī baar chauñk chauñk paḌā

tamām raat tire pahluoñ se aañch aa.ī

main sote sote kai bar chaunk chaunk paDa

tamam raat tere pahluon se aanch aai

terī majbūriyāñ durust magar

tū ne va.ada kiyā thā yaad to kar

teri majburiyan durust magar

tu ne wada kiya tha yaad to kar

na.e kapḌe badal kar jā.ūñ kahāñ aur baal banā.ūñ kis ke liye

vo shaḳhs to shahr hī chhoḌ gayā maiñ bāhar jā.ūñ kis ke liye

nae kapDe badal kar jaun kahan aur baal banaun kis ke liye

wo shaKHs to shahr hi chhoD gaya main bahar jaun kis ke liye

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya

hamāre ghar kī dīvāroñ pe 'nāsir'

udāsī baal khole so rahī hai

hamare ghar ki diwaron pe 'nasir'

udasi baal khole so rahi hai

raat kitnī guzar ga.ī lekin

itnī himmat nahīñ ki ghar jaa.eñ

raat kitni guzar gai lekin

itni himmat nahin ki ghar jaen

mujhe ye Dar hai tirī aarzū na miT jaa.e

bahut dinoñ se tabī.at mirī udaas nahīñ

mujhe ye Dar hai teri aarzu na miT jae

bahut dinon se tabiat meri udas nahin

tanhā.iyāñ tumhārā pata pūchhtī rahīñ

shab-bhar tumhārī yaad ne sone nahīñ diyā

tanhaiyan tumhaara pata puchhti rahin

shab-bhar tumhaari yaad ne sone nahin diya

is shahr-e-be-charāġh meñ jā.egī tū kahāñ

aa ai shab-e-firāq tujhe ghar hī le chaleñ

is shahr-e-be-charagh mein jaegi tu kahan

aa ai shab-e-firaq tujhe ghar hi le chalen

ai dost ham ne tark-e-mohabbat ke bāvajūd

mahsūs kī hai terī zarūrat kabhī kabhī

ai dost hum ne tark-e-mohabbat ke bawajud

mahsus ki hai teri zarurat kabhi kabhi

kuchh yādgār-e-shahr-e-sitamgar hī le chaleñ

aa.e haiñ is galī meñ to patthar hī le chaleñ

kuchh yaadgar-e-shahr-e-sitamgar hi le chalen

aae hain is gali mein to patthar hi le chalen

dil dhaḌakne kā sabab yaad aayā

vo tirī yaad thī ab yaad aayā

dil dhaDakne ka sabab yaad aaya

wo teri yaad thi ab yaad aaya

yaad hai ab tak tujh se bichhaḌne kī vo añdherī shaam mujhe

tū ḳhāmosh khaḌā thā lekin bāteñ kartā thā kājal

yaad hai ab tak tujh se bichhaDne ki wo andheri sham mujhe

tu KHamosh khaDa tha lekin baaten karta tha kajal

aaj dekhā hai tujh ko der ke ba.ad

aaj kā din guzar na jaa.e kahīñ

aaj dekha hai tujh ko der ke baad

aaj ka din guzar na jae kahin