Farewell Shayari

Meeting, or union, is one condition of life while separation, or bidding farewell, is another. It instills strange feelings in us—it leaves us sad but sometimes even happy at the prospect of yet another meeting. Have a look at the various moods of farewell here in this section.

ābdīda ho ke vo aapas meñ kahnā alvidā.a

us kam merī sivā āvāz bharrā.ī huī

aabdida ho ke wo aapas mein kahna alwidaa

us ki kam meri siwa aawaz bharrai hui

Parveen Umm-e-Mushtaq

aa.ī hogī to maut aa.egī

tum to jaao mirā ḳhudā hāfiz

aai hogi to maut aaegi

tum to jao mera KHuda hafiz

Natiq Gulavthi

aañkh se duur sahī dil se kahāñ jā.egā

jaane vaale hameñ yaad bahut aa.egā

aankh se dur sahi dil se kahan jaega

jaane wale tu hamein yaad bahut aaega

Obaidullah Aleem
  • Share this

ab ke jaate hue is tarah kiyā us ne salām

Dūbne vaalā koī haath uThā.e jaise

ab ke jate hue is tarah kiya us ne salam

Dubne wala koi hath uThae jaise

Unknown
  • Share this

ab mujh ko ruḳhsat honā hai ab merā hār-siñghār karo

kyuuñ der lagātī ho sakhiyo jaldī se mujhe tayyār karo

ab mujh ko ruKHsat hona hai ab mera haar-singhaar karo

kyun der lagati ho sakhiyo jaldi se mujhe tayyar karo

Shabnam Shakeel
  • Share this

ab to jaate haiñ but-kade se 'mīr'

phir mileñge agar ḳhudā laayā

ab to jate hain but-kade se 'mir'

phir milenge agar KHuda laya

Meer Taqi Meer

ab tum kabhī na aaoge yaanī kabhī kabhī

ruḳhsat karo mujhe koī va.ada kiye baġhair

ab tum kabhi na aaoge yani kabhi kabhi

ruKHsat karo mujhe koi wada kiye baghair

Jaun Eliya

agar talāsh karūñ koī mil jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

Bashir Badr

ajiib hote haiñ ādāb-e-ruḳhsat-e-mahfil

ki vo bhī uTh ke gayā jis ghar na thā koī

ajib hote hain aadab-e-ruKHsat-e-mahfil

ki wo bhi uTh ke gaya jis ka ghar na tha koi

Sahar Ansari
  • Share this

barq kyā sharāra kyā rañg kyā nazāra kyā

har diye miTTī meñ raushnī tumhārī hai

barq kya sharara kya rang kya nazara kya

har diye ki miTTi mein raushni tumhaari hai

Unknown
  • Share this

chaman se ruḳhsat-e-gul hai na lauTne ke liye

to bulbuloñ taḌapnā yahāñ pe jaa.ez hai

chaman se ruKHsat-e-gul hai na lauTne ke liye

to bulbulon ka taDapna yahan pe jaez hai

Unknown
  • Share this

chhoḌne maiñ nahīñ jaatā use darvāze tak

lauT aatā huuñ ki ab kaun use jaatā dekhe

chhoDne main nahin jata use darwaze tak

lauT aata hun ki ab kaun use jata dekhe

Shahzad Ahmad
  • Share this

dukh ke safar pe dil ko ravāna to kar diyā

ab saarī umr haath hilāte raheñge ham

dukh ke safar pe dil ko rawana to kar diya

ab sari umr hath hilate rahenge hum

Ahmad Mushtaq

ek din kahnā thā ik dūsre ko alvidā.a

āḳhirash 'sālim' judā ik baar to honā thā

ek din kahna hi tha ek dusre ko alwidaa

aaKHirash 'salim' juda ek bar to hona hi tha

Salim Shuja Ansari

gūñjte rahte haiñ alfāz mire kānoñ meñ

to ārām se kah detā hai allāh-hāfiz

gunjte rahte hain alfaz mere kanon mein

tu to aaram se kah deta hai allah-hafiz

Unknown
  • Share this

ham ne maanā ik na ik din lauT ke aa jā.egā

lekin tujh bin umr jo guzrī kaun use lauTā.egā

hum ne mana ek na ek din lauT ke tu aa jaega

lekin tujh bin umr jo guzri kaun use lauTaega

Akhtar Saeed Khan
  • Share this

jaane vaale ḳhudā hāfiz magar ye soch le

kuchh se kuchh ho jā.egī dīvāngī tere baġhair

jaane wale ja KHuda hafiz magar ye soch le

kuchh se kuchh ho jaegi diwangi tere baghair

Manzar Lakhnavi

jaane vaale ko kahāñ rok sakā hai koī

tum chale ho to koī rokne vaalā bhī nahīñ

jaane wale ko kahan rok saka hai koi

tum chale ho to koi rokne wala bhi nahin

Aslam Ansari
  • Share this

jaane vaale se mulāqāt na hone paa.ī

dil dil meñ rahī baat na hone paa.ī

jaane wale se mulaqat na hone pai

dil ki dil mein hi rahi baat na hone pai

Shakeel Badayuni
  • Share this

jaada jaada chhoḌ jaao apnī yādoñ ke nuqūsh

aane vaale kārvāñ ke rahnumā ban kar chalo

jada jada chhoD jao apni yaadon ke nuqush

aane wale karwan ke rahnuma ban kar chalo

Unknown
  • Share this

jaate ho ḳhudā-hāfiz haañ itnī guzārish hai

jab yaad ham aa jaa.eñ milne duā karnā

jate ho KHuda-hafiz han itni guzarish hai

jab yaad hum aa jaen milne ki dua karna

Jaleel Manikpuri
  • Share this

jaate jaate un ruknā aur muḌ kar dekhnā

jaag uTThā aah merā dard-e-tanhā.ī bahut

jate jate un ka rukna aur muD kar dekhna

jag uTTha aah mera dard-e-tanhai bahut

Lutf Harooni
  • Share this

kaleja rah gayā us vaqt phaT kar

kahā jab alvidā us ne palaT kar

kaleja rah gaya us waqt phaT kar

kaha jab alwida us ne palaT kar

Pawan Kumar

kyuuñ girafta-dil nazar aatī hai ai shām-e-firāq

ham jo tere naaz uThāne ke liye maujūd haiñ

kyun girafta-dil nazar aati hai ai sham-e-firaq

hum jo tere naz uThane ke liye maujud hain

Sarvat Husain
  • Share this

lagā jab yuuñ ki uktāne lagā hai dil ujāloñ se

use mahfil se us alvidā.a kah kar nikal aa.e

laga jab yun ki uktane laga hai dil ujalon se

use mahfil se us ki alwidaa kah kar nikal aae

Parvindar shokh

rail dekhī hai kabhī siine pe chalne vaalī

yaad to hoñge tujhe haath hilāte hue ham

rail dekhi hai kabhi sine pe chalne wali

yaad to honge tujhe hath hilate hue hum

Nomaan Shauque

ravāna kar to rahā hai vo hañste hañste mujhe

maiñ jāntā huuñ mire ba.ad ḳhuub ro.egā

rawana kar to raha hai wo hanste hanste mujhe

main jaanta hun mere baad KHub roega

Ameen Shaikh
  • Share this

tere paimāne meñ gardish nahīñ baaqī saaqī

aur tirī bazm se ab koī uThā chāhtā hai

tere paimane mein gardish nahin baqi saqi

aur teri bazm se ab koi uTha chahta hai

Parveen Shakir

tum isī moḌ par hameñ milnā

lauT kar ham zarūr ā.eñge

tum isi moD par hamein milna

lauT kar hum zarur aaenge

Unknown
  • Share this

tum suno na suno haath baḌhāo na baḌhāo

Dūbte Dūbte ik baar pukāreñge tumheñ

tum suno ya na suno hath baDhao na baDhao

Dubte Dubte ek bar pukarenge tumhein

Irfan Siddiqi

tumhāre saath ye mausam farishtoñ jaisā hai

tumhāre ba.ad ye mausam bahut satā.egā

tumhaare sath ye mausam farishton jaisa hai

tumhaare baad ye mausam bahut sataega

Bashir Badr

tumheñ zarūr koī chāhatoñ se dekhegā

magar vo āñkheñ hamārī kahāñ se lā.egā

tumhein zarur koi chahaton se dekhega

magar wo aankhen hamari kahan se laega

Bashir Badr

us galī ne ye sun ke sabr kiyā

jaane vaale yahāñ ke the nahīñ

us gali ne ye sun ke sabr kiya

jaane wale yahan ke the hi nahin

Jaun Eliya

us se mile zamāna huā lekin aaj bhī

dil se duā nikaltī hai ḳhush ho jahāñ bhī ho

us se mile zamana hua lekin aaj bhi

dil se dua nikalti hai KHush ho jahan bhi ho

Mohammad Alvi

us se milne ḳhushī ba.ad meñ dukh detī hai

jashn ke ba.ad sannāTā bahut khaltā hai

us se milne ki KHushi baad mein dukh deti hai

jashn ke baad ka sannaTa bahut khalta hai

Moin Shadab
  • Share this

use jaane jaldī thī so maiñ āñkhoñ āñkhoñ meñ

jahāñ tak chhoḌ saktā thā vahāñ tak chhoḌ aayā huuñ

use jaane ki jaldi thi so main aankhon hi aankhon mein

jahan tak chhoD sakta tha wahan tak chhoD aaya hun

Unknown
  • Share this

us ko ruḳhsat to kiyā thā mujhe ma.alūm na thā

saarā ghar le gayā ghar chhoḌ ke jaane vaalā

us ko ruKHsat to kiya tha mujhe malum na tha

sara ghar le gaya ghar chhoD ke jaane wala

Nida Fazli

vaqt-e-ruḳhsat alvidā.a lafz kahne ke liye

vo tire sūkhe laboñ thartharānā yaad hai

waqt-e-ruKHsat alwidaa ka lafz kahne ke liye

wo tere sukhe labon ka thartharana yaad hai

Unknown
  • Share this

vaqt-e-ruḳhsat tirī āñkhoñ vo jhuk jaanā

ik musāfir ke liye zād-e-safar hai ai dost

waqt-e-ruKHsat teri aankhon ka wo jhuk sa jaana

ek musafir ke liye zad-e-safar hai ai dost

Unknown
  • Share this

vo alvidā.a manzar vo bhīgtī palkeñ

pas-e-ġhubār bhī kyā kyā dikhā.ī detā hai

wo alwidaa ka manzar wo bhigti palken

pas-e-ghubar bhi kya kya dikhai deta hai

Shakeb Jalali

yaad hai ab tak tujh se bichhaḌne vo añdherī shaam mujhe

ḳhāmosh khaḌā thā lekin bāteñ kartā thā kājal

yaad hai ab tak tujh se bichhaDne ki wo andheri sham mujhe

tu KHamosh khaDa tha lekin baaten karta tha kajal

Nasir Kazmi

ye ek peḌ hai aa is se mil ke ro leñ ham

yahāñ se tere mire rāste badalte haiñ

ye ek peD hai aa is se mil ke ro len hum

yahan se tere mere raste badalte hain

Bashir Badr

ye ghar mirā gulshan hai gulshan ḳhudā hāfiz

allāh nigahbān nasheman ḳhudā hāfiz

ye ghar mera gulshan hai gulshan ka KHuda hafiz

allah nigahban nasheman ka KHuda hafiz

Unknown
  • Share this

ye ham jānte haiñ judā.ī ke moḌ par

is dil jo bhī haal tujhe dekh kar huā

ye hum hi jaante hain judai ke moD par

is dil ka jo bhi haal tujhe dekh kar hua

Unknown
  • Share this

Added to your favorites

Removed from your favorites