Visaal Shayari

We all nurse a desire for union but desires would not to be desires if they were fulfilled. In poetry, a lover lives with the burning desire for union which remains unfulfilled at large. Here, we have collected some verses that narrate the told and untold stories of separation and union. There are certain turns here that will take you by surprise.

aur bhī dukh haiñ zamāne meñ mohabbat ke sivā

rāhateñ aur bhī haiñ vasl rāhat ke sivā

sorrows other than love's longing does this life provide

comforts other than a lover's union too abide

aur bhi dukh hain zamane mein mohabbat ke siwa

rahaten aur bhi hain wasl ki rahat ke siwa

sorrows other than love's longing does this life provide

comforts other than a lover's union too abide

Faiz Ahmad Faiz

nahīñ nigāh meñ manzil to justujū sahī

nahīñ visāl mayassar to aarzū sahī

nahin nigah mein manzil to justuju hi sahi

nahin visal mayassar to aarzu hi sahi

Faiz Ahmad Faiz

ye na thī hamārī qismat ki visāl-e-yār hotā

agar aur jiite rahte yahī intizār hotā

That my love be consummated, fate did not ordain

Living longer had I waited, would have been in vain

ye na thi hamari qismat ki visal-e-yar hota

agar aur jite rahte yahi intizar hota

That my love be consummated, fate did not ordain

Living longer had I waited, would have been in vain

Mirza Ghalib

aaj dekhā hai tujh ko der ke ba.ad

aaj din guzar na jaa.e kahīñ

aaj dekha hai tujh ko der ke baad

aaj ka din guzar na jae kahin

Nasir Kazmi

ye aarzū bhī baḌī chiiz hai magar hamdam

visāl-e-yār faqat aarzū baat nahīñ

ye aarzu bhi baDi chiz hai magar hamdam

visal-e-yar faqat aarzu ki baat nahin

Faiz Ahmad Faiz

jān-levā thiiñ ḳhvāhisheñ varna

vasl se intizār achchhā thā

jaan-lewa thin KHwahishen warna

wasl se intizar achchha tha

Jaun Eliya

bhalā ham mile bhī to kyā mile vahī dūriyāñ vahī fāsle

na kabhī hamāre qadam baḌhe na kabhī tumhārī jhijak ga.ī

bhala hum mile bhi to kya mile wahi duriyan wahi fasle

na kabhi hamare qadam baDhe na kabhi tumhaari jhijak gai

Bashir Badr

chand kaliyāñ nashāt chun kar muddatoñ mahv-e-yās rahtā huuñ

terā milnā ḳhushī baat sahī tujh se mil kar udaas rahtā huuñ

chand kaliyan nashat ki chun kar muddaton mahw-e-yas rahta hun

tera milna KHushi ki baat sahi tujh se mil kar udas rahta hun

Sahir Ludhianvi

vasl din aur itnā muḳhtasar

din gine jaate the is din ke liye

wasl ka din aur itna muKHtasar

din gine jate the is din ke liye

Ameer Minai

shab-e-visāl hai gul kar do in charāġhoñ ko

ḳhushī bazm meñ kyā kaam jalne vāloñ

shab-e-visal hai gul kar do in charaghon ko

KHushi ki bazm mein kya kaam jalne walon ka

Dagh Dehlvi

aarzū vasl rakhtī hai pareshāñ kyā kyā

kyā batā.ūñ ki mere dil meñ hai armāñ kyā kyā

aarzu wasl ki rakhti hai pareshan kya kya

kya bataun ki mere dil mein hai arman kya kya

Akhtar Shirani

sau chāñd bhī chamkeñge to kyā baat banegī

tum aa.e to is raat auqāt banegī

sau chand bhi chamkenge to kya baat banegi

tum aae to is raat ki auqat banegi

Jaan Nisar Akhtar

zarā visāl ke ba.ad aa.ina to dekh ai dost

tire jamāl doshīzgī nikhar aa.ī

zara visal ke baad aaina to dekh ai dost

tere jamal ki doshizgi nikhar aai

Firaq Gorakhpuri

vasl ho firāq ho 'akbar'

jāgnā raat bhar musībat hai

whether in blissful union or in separation

staying up all night, is a botheration

wasl ho ya firaq ho 'akbar'

jagna raat bhar musibat hai

whether in blissful union or in separation

staying up all night, is a botheration

Akbar Allahabadi

'farāz' ishq duniyā to ḳhūb-sūrat thī

ye kis ne fitna-e-hijr-o-visāl rakkhā hai

'faraaz' ishq ki duniya to KHub-surat thi

ye kis ne fitna-e-hijr-o-visal rakkha hai

Ahmad Faraz

phir baiThe baiThe vāda-e-vasl us ne kar liyā

phir uTh khaḌā huā vahī rog intizār

phir baiThe baiThe wada-e-wasl us ne kar liya

phir uTh khaDa hua wahi rog intizar ka

Ameer Minai

vasl meñ rañg uḌ gayā merā

kyā judā.ī ko muñh dikhā.ūñgā

wasl mein rang uD gaya mera

kya judai ko munh dikhaunga

Meer Taqi Meer

guzarne na vo raat maiñ ne

ghaḌī par rakh diyā thā haath maiñ ne

guzarne hi na di wo raat main ne

ghaDi par rakh diya tha hath main ne

Shahzad Ahmad

armān vasl mirī nazroñ se taaḌ ke

pahle se vo baiTh ga.e muñh bigāḌ ke

arman wasl ka meri nazron se taD ke

pahle hi se wo baiTh gae munh bigaD ke

Lala Madhav Ram Jauhar

tum kahāñ vasl kahāñ vasl ummīd kahāñ

dil ke bahkāne ko ik baat banā rakhī hai

tum kahan wasl kahan wasl ki ummid kahan

dil ke bahkane ko ek baat bana rakhi hai

Agha Shayar Qazalbash

us se milne ḳhushī ba.ad meñ dukh detī hai

jashn ke ba.ad sannāTā bahut khaltā hai

us se milne ki KHushi baad mein dukh deti hai

jashn ke baad ka sannaTa bahut khalta hai

Moin Shadab

kabhī mauj-e-ḳhvāb meñ kho gayā kabhī thak ke ret pe so gayā

yūñhī umr saarī guzār faqat ārzū-e-visāl meñ

kabhi mauj-e-KHwab mein kho gaya kabhi thak ke ret pe so gaya

yunhi umr sari guzar di faqat aarzu-e-visal mein

Asad Badayuni

milne ye kaun ghaḌī thī

bāhar hijr raat khaḌī thī

milne ki ye kaun ghaDi thi

bahar hijr ki raat khaDi thi

Ahmad Mushtaq

āñkheñ batā rahī haiñ ki jaage ho raat ko

in sāġharoñ meñ bū-e-sharāb-e-visāl hai

aankhen bata rahi hain ki jage ho raat ko

in sagharon mein bu-e-sharab-e-visal hai

Jaleel Manikpuri

rakh na aañsū se vasl ummīd

khāre paanī se daal galtī nahīñ

rakh na aansu se wasl ki ummid

khaare pani se dal galti nahin

Shaikh Qudratullah Qudrat

kahāñ ham kahāñ vasl-e-jānāñ 'hasrat'

bahut hai unheñ ik nazar dekh lenā

kahan hum kahan wasl-e-jaanan ki 'hasrat'

bahut hai unhen ek nazar dekh lena

Hasrat Mohani

aap to muñh pher kar kahte haiñ aane ke liye

vasl va.ada zarā āñkheñ milā kar kījiye

aap to munh pher kar kahte hain aane ke liye

wasl ka wada zara aankhen mila kar kijiye

Lala Madhav Ram Jauhar

tirā vasl hai mujhe be-ḳhudī tirā hijr hai mujhe āgahī

tirā vasl mujh ko firāq hai tirā hijr mujh ko visāl hai

tera wasl hai mujhe be-KHudi tera hijr hai mujhe aagahi

tera wasl mujh ko firaq hai tera hijr mujh ko visal hai

Jalaluddin Akbar

shab-e-vasl kyā kahūñ dāstāñ

zabāñ thak ga.ī guftugū rah ga.ī

shab-e-wasl ki kya kahun dastan

zaban thak gai guftugu rah gai

Dagh Dehlvi

jab zikr kiyā maiñ ne kabhī vasl un se

vo kahne lage paak mohabbat hai baḌī chiiz

jab zikr kiya main ne kabhi wasl ka un se

wo kahne lage pak mohabbat hai baDi chiz

Nooh Narvi

ik raat dil-jaloñ ko ye aish-e-visāl de

phir chāhe āsmān jahannam meñ Daal de

just one night give these deprived the joy of company

thereafter if you wish merge paradise and purgatory

ek raat dil-jalon ko ye aish-e-visal de

phir chahe aasman jahannam mein Dal de

just one night give these deprived the joy of company

thereafter if you wish merge paradise and purgatory

Jalal Lakhnavi

vo gale se lipaT ke sote haiñ

āj-kal garmiyāñ haiñ jāḌoñ meñ

wo gale se lipaT ke sote hain

aaj-kal garmiyan hain jaDon mein

Muztar Khairabadi

dost dil rakhne ko karte haiñ bahāne kyā kyā

roz jhūTī ḳhabar-e-vasl sunā jaate haiñ

dost dil rakhne ko karte hain bahane kya kya

roz jhuTi KHabar-e-wasl suna jate hain

Lala Madhav Ram Jauhar

maiñ samajhtā huuñ ki hai jannat o dozaḳh kyā chiiz

ek hai vasl tirā ek hai furqat terī

main samajhta hun ki hai jannat o dozaKH kya chiz

ek hai wasl tera ek hai furqat teri

Jaleel Manikpuri

ḳhair se dil ko tirī yaad se kuchh kaam to hai

vasl shab na sahī hijr hañgām to hai

KHair se dil ko teri yaad se kuchh kaam to hai

wasl ki shab na sahi hijr ka hangam to hai

Hasan Naim

kahāñ vasl tanhā.ī ne shāyad bhes badlā hai

tire dam bhar ke mil jaane ko ham bhī kyā samajhte haiñ

kahan ka wasl tanhai ne shayad bhes badla hai

tere dam bhar ke mil jaane ko hum bhi kya samajhte hain

Firaq Gorakhpuri

har ishq ke manzar meñ thā ik hijr manzar

ik vasl manzar kisī manzar meñ nahīñ thā

har ishq ke manzar mein tha ek hijr ka manzar

ek wasl ka manzar kisi manzar mein nahin tha

Aqeel Abbas Jafri

dekh le bulbul o parvāna betābī ko

hijr achchhā na hasīnoñ visāl achchhā hai

dekh le bulbul o parwana ki betabi ko

hijr achchha na hasinon ka visal achchha hai

Ameer Minai

vasl ho jaa.e yahīñ hashr meñ kyā rakkhā hai

aaj baat ko kyuuñ kal pe uThā rakkhā hai

wasl ho jae yahin hashr mein kya rakkha hai

aaj ki baat ko kyun kal pe uTha rakkha hai

Ameer Minai

vasl bantī haiñ in bātoñ se tadbīreñ kahīñ

ārzūoñ se phirā kartī haiñ taqdīreñ kahīñ

wasl ki banti hain in baaton se tadbiren kahin

aarzuon se phira karti hain taqdiren kahin

Hasrat Mohani

o vasl meñ muñh chhupāne vaale

ye bhī koī vaqt hai hayā

o wasl mein munh chhupane wale

ye bhi koi waqt hai haya ka

Hasan Barelvi

use ḳhabar thī ki ham visāl aur hijr ik saath chāhte haiñ

to us ne aadhā ujaaḌ rakkhā hai aur aadhā banā diyā hai

use KHabar thi ki hum visal aur hijr ek sath chahte hain

to us ne aadha ujaD rakkha hai aur aadha bana diya hai

Farhat Ehsas

use ḳhabar hai ki anjām-e-vasl kyā hogā

vo qurbatoñ tapish fāsle meñ rakhtī hai

use KHabar hai ki anjam-e-wasl kya hoga

wo qurbaton ki tapish fasle mein rakhti hai

Khalid Yusuf

hijr ik vaqfa-e-bedār hai do nīñdoñ meñ

vasl ik ḳhvāb hai jis koī ta.abīr nahīñ

hijr ek waqfa-e-bedar hai do nindon mein

wasl ek KHwab hai jis ki koi tabir nahin

Ahmad Mushtaq

shab-e-vasl thī chāndnī samāñ thā

baġhal meñ sanam thā ḳhudā mehrbāñ thā

shab-e-wasl thi chandni ka saman tha

baghal mein sanam tha KHuda mehrban tha

Haidar Ali Aatish

vasl shab thī aur ujāle kar rakkhe the

jism o jaañ sab us ke havāle kar rakkhe the

wasl ki shab thi aur ujale kar rakkhe the

jism o jaan sab us ke hawale kar rakkhe the

Haidar Qureshi

dekh kar tūl-e-shab-e-hijr duā kartā huuñ

vasl ke roz se bhī umr mirī kam ho jaa.e

dekh kar tul-e-shab-e-hijr dua karta hun

wasl ke roz se bhi umr meri kam ho jae

Mirza Raza Barq

rahā ḳhvāb meñ un se shab bhar visāl

mire baḳht jaage maiñ soyā kiyā

raha KHwab mein un se shab bhar visal

mere baKHt jage main soya kiya

Ameer Minai

kal vasl meñ bhī niiñd na aa.ī tamām shab

ek ek baat par thī laḌā.ī tamām shab

kal wasl mein bhi nind na aai tamam shab

ek ek baat par thi laDai tamam shab

Mamnoon Nizamuddin

us qurbat nasha kyā chiiz hai

haath phir jalte tave par rakh diyā

us ki qurbat ka nasha kya chiz hai

hath phir jalte tawe par rakh diya

Faza Ibn e Faizi

Added to your favorites

Removed from your favorites