Mother Shayari

Mother is also a beloved in poetry. She has figured abundantly in poetry and in as many ways as one may possibly image. We have made a selection on the figure of the mother who emerges now as an image, now a metaphor, and now a myth. Get into these verses and enjoy the warmth of motherly love and compassion.

aaj phir maañ mujhe māregī bahut rone par

aaj phir gaañv meñ aayā hai khilaune vaalā

aaj phir man mujhe maregi bahut rone par

aaj phir ganw mein aaya hai khilaune wala

Unknown
  • Share this

ab ik rūmāl mere saath hai

jo merī vālida ke haath hai

ab ek rumal mere sath ka hai

jo meri walida ke hath ka hai

Syed Zameer Jafri

abhī zinda hai maañ merī mujhe kuchh bhī nahīñ hogā

maiñ ghar se jab nikaltā huuñ duā bhī saath chaltī hai

abhi zinda hai man meri mujhe kuchh bhi nahin hoga

main ghar se jab nikalta hun dua bhi sath chalti hai

Munawwar Rana
  • Share this

ai raat mujhe maañ tarah god meñ le le

din bhar mashaqqat se badan TuuT rahā hai

ai raat mujhe man ki tarah god mein le le

din bhar ki mashaqqat se badan TuT raha hai

Tanveer Sipra

bachche fareb khā ke chatā.ī pe so ga.e

ik maañ ubāltī rahī pathar tamām raat

bachche fareb kha ke chatai pe so gae

ek man ubaalti rahi pathar tamam raat

Unknown
  • Share this

bahan iltijā maañ mohabbat saath chaltī hai

vafā-e-dostāñ bahr-e-mashaqqat saath chaltī hai

bahan ki iltija man ki mohabbat sath chalti hai

wafa-e-dostan bahr-e-mashaqqat sath chalti hai

Syed Zameer Jafri
  • Share this

barbād kar diyā hameñ pardes ne magar

maañ sab se ki rahī hai ki beTā maze meñ hai

barbaad kar diya hamein pardes ne magar

man sab se ki rahi hai ki beTa maze mein hai

Munawwar Rana
  • Share this

bose biivī ke hañsī bachchoñ āñkheñ maañ

qaid-ḳhāne meñ giraftār samajhiye ham ko

bose biwi ke hansi bachchon ki aankhen man ki

qaid-KHane mein giraftar samajhiye hum ko

Fuzail Jafri

būḌhī maañ shāyad lauT aayā bachpan

guḌiyoñ ambār lagā kar baiTh ga.ī

buDhi man ka shayad lauT aaya bachpan

guDiyon ka ambar laga kar baiTh gai

Irshad Khan ’Sikandar’

chaltī phirtī huī ā.ankhoñ se azaañ dekhī hai

maiñ ne jannat to nahīñ dekhī hai maañ dekhī hai

chalti phirti hui aaankhon se azan dekhi hai

main ne jannat to nahin dekhi hai man dekhi hai

Munawwar Rana
  • Share this

din bhar mashaqqat se badan chuur hai lekin

maañ ne mujhe dekhā to thakan bhuul ga.ī hai

din bhar ki mashaqqat se badan chur hai lekin

man ne mujhe dekha to thakan bhul gai hai

Munawwar Rana
  • Share this

duā ko haat uThāte hue laraztā huuñ

kabhī duā nahīñ māñgī thī maañ ke hote hue

dua ko hat uThate hue larazta hun

kabhi dua nahin mangi thi man ke hote hue

Iftikhar Arif

duur rahtī haiñ sadā un se balā.eñ sāhil

apne maañ baap jo rose duā lete haiñ

dur rahti hain sada un se balaen sahil

apne man bap ki jo rose dua lete hain

Mohammad Ali Sahil
  • Share this

ek laḌkā shahr raunaq meñ sab kuchh bhuul jaa.e

ek buḌhiyā roz chaukhaT par diyā raushan kare

ek laDka shahr ki raunaq mein sab kuchh bhul jae

ek buDhiya roz chaukhaT par diya raushan kare

Irfan Siddiqi

ek muddat se mirī maañ nahīñ soī 'tābish'

maiñ ne ik baar kahā thā mujhe Dar lagtā hai

ek muddat se meri man nahin soi 'tabish'

main ne ek bar kaha tha mujhe Dar lagta hai

Abbas Tabish

ghar lauT ke ro.eñge maañ baap akele meñ

miTTī ke khilaune bhī saste na the mele meñ

ghar lauT ke roenge man bap akele mein

miTTi ke khilaune bhi saste na the mele mein

Qaisar-ul-Jafri
  • Share this

ghar se nikle hue beToñ muqaddar ma.alūm

maañ ke qadmoñ meñ bhī jannat nahīñ milne vaalī

ghar se nikle hue beTon ka muqaddar malum

man ke qadmon mein bhi jannat nahin milne wali

Iftikhar Arif

havā dukhoñ jab aa.ī kabhī ḳhizāñ tarah

mujhe chhupā liyā miTTī ne merī maañ tarah

hawa dukhon ki jab aai kabhi KHizan ki tarah

mujhe chhupa liya miTTi ne meri man ki tarah

Unknown
  • Share this

is liye chal na sakā koī bhī ḳhanjar mujh par

merī shah-rag pe mirī maañ duā rakkhī thī

is liye chal na saka koi bhi KHanjar mujh par

meri shah-rag pe meri man ki dua rakkhi thi

Nazeer Baaqri

is tarah mere gunāhoñ ko vo dho detī hai

maañ bahut ġhusse meñ hotī hai to ro detī hai

is tarah mere gunahon ko wo dho deti hai

man bahut ghusse mein hoti hai to ro deti hai

Munawwar Rana
  • Share this

jab bhī kashtī mirī sailāb meñ aa jaatī hai

maañ duā kartī huī ḳhvāb meñ aa jaatī hai

jab bhi kashti meri sailab mein aa jati hai

man dua karti hui KHwab mein aa jati hai

Munawwar Rana
  • Share this

jab chalī ThanDī havā bachcha ThiThur kar rah gayā

maañ ne apne la.al taḳhtī jalā raat ko

jab chali ThanDi hawa bachcha ThiThur kar rah gaya

man ne apne lal ki taKHti jala di raat ko

Sibt Ali Saba

kal apne-āp ko dekhā thā maañ āñkhoñ meñ

ye ā.īna hameñ būḌhā nahīñ batātā hai

kal apne-ap ko dekha tha man ki aankhon mein

ye aaina hamein buDha nahin batata hai

Munawwar Rana
  • Share this

kis shafqat meñ guñdhe hue maulā maañ baap diye

kaisī pyārī rūhoñ ko merī aulād kiyā

kis shafqat mein gundhe hue maula man bap diye

kaisi pyari ruhon ko meri aulad kiya

Anjum Saleemi

kisī ko ghar milā hisse meñ koī dukāñ aa.ī

maiñ ghar meñ sab se chhoTā thā mire hisse meñ maañ aa.ī

kisi ko ghar mila hisse mein ya koi dukan aai

main ghar mein sab se chhoTa tha mere hisse mein man aai

Munawwar Rana

kitāboñ se nikal kar titliyāñ ġhazleñ sunātī haiñ

tiffin rakhtī hai merī maañ to basta muskurātā hai

kitabon se nikal kar titliyan ghazlen sunati hain

tiffin rakhti hai meri man to basta muskuraata hai

Siraj Faisal Khan
  • Share this

maañ baap aur ustād sab haiñ ḳhudā rahmat

hai rok-Tok un haq meñ tumhāre ne.amat

man bap aur ustad sab hain KHuda ki rahmat

hai rok-Tok un ki haq mein tumhaare neamat

Altaf Hussain Hali
  • Share this

maañ ḳhvāb meñ aa kar ye batā jaatī hai har roz

bosīda oḌhī huī is shaal meñ ham haiñ

man KHwab mein aa kar ye bata jati hai har roz

bosida si oDhi hui is shaal mein hum hain

Munawwar Rana
  • Share this

maañ āġhosh meñ kal maut āġhosh meñ aaj

ham ko duniyā meñ ye do vaqt suhāne se mile

man ki aaghosh mein kal maut ki aaghosh mein aaj

hum ko duniya mein ye do waqt suhane se mile

Kaif Bhopali

maañ duā na baap shafqat saayā hai

aaj apne saath apnā janam din manāyā hai

man ki dua na bap ki shafqat ka saya hai

aaj apne sath apna janam din manaya hai

Anjum Saleemi
  • Share this

maañ mujhe dekh ke nārāz na ho jaa.e kahīñ

sar pe āñchal nahīñ hotā hai to Dar hotā hai

man mujhe dekh ke naraaz na ho jae kahin

sar pe aanchal nahin hota hai to Dar hota hai

Anjum Rehbar

maañ ne likhā hai ḳhat meñ jahāñ jaao ḳhush raho

mujh ko bhale na yaad karo ghar na bhūlnā

man ne likha hai KHat mein jahan jao KHush raho

mujh ko bhale na yaad karo ghar na bhulna

Ajmal Ajmali

maiñ ne kal shab chāhatoñ sab kitābeñ phaaḌ deñ

sirf ik kāġhaz pe likkhā lafz-e-māñ rahne diyā

main ne kal shab chahaton ki sab kitaben phaD den

sirf ek kaghaz pe likkha lafz-e-man rahne diya

Munawwar Rana
  • Share this

maiñ ne maañ libās jab pahnā

mujh ko titlī ne apne rañg diye

main ne man ka libas jab pahna

mujh ko titli ne apne rang diye

Fatima Hasan

muddatoñ ba.ad mayassar huā maañ āñchal

muddatoñ ba.ad hameñ niiñd suhānī aa.ī

muddaton baad mayassar hua man ka aanchal

muddaton baad hamein nind suhani aai

Iqbal Ashhar

munavvar maañ ke aage yuuñ kabhī khul kar nahīñ ronā

jahāñ buniyād ho itnī namī achchhī nahīñ hotī

munawwar man ke aage yun kabhi khul kar nahin rona

jahan buniyaad ho itni nami achchhi nahin hoti

Munawwar Rana
  • Share this

raushnī bhī nahīñ havā bhī nahīñ

maañ nemul-badal ḳhudā bhī nahīñ

raushni bhi nahin hawa bhi nahin

man ka nemul-badal KHuda bhi nahin

Anjum Saleemi
  • Share this

sāmne maañ ke jo hotā huuñ to allāh allāh

mujh ko mahsūs ye hotā hai ki bachcha huuñ abhī

samne man ke jo hota hun to allah allah

mujh ko mahsus ye hota hai ki bachcha hun abhi

Mahfuzur Rahman Adil
  • Share this

sab ne maanā marne vaalā dahshat-gard aur qātil thā

maañ ne phir bhī qabr pe us rāj-dulārā likkhā thā

sab ne mana marne wala dahshat-gard aur qatil tha

man ne phir bhi qabr pe us ki raj-dulara likkha tha

Ahmad Salman

shāyad yūñhī simaT sakeñ ghar zarūrateñ

'tanvīr' maañ ke haath meñ apnī kamā.ī de

shayad yunhi simaT saken ghar ki zaruraten

'tanwir' man ke hath mein apni kamai de

Tanveer Sipra
  • Share this

shahr ke raste hoñ chāhe gaañv pagDañDiyāñ

maañ uñglī thaam kar chalnā bahut achchhā lagā

shahr ke raste hon chahe ganw ki pagDanDiyan

man ki ungli tham kar chalna bahut achchha laga

Munawwar Rana
  • Share this

shahr meñ aa kar paḌhne vaale bhuul ga.e

kis maañ ne kitnā zevar bechā thā

shahr mein aa kar paDhne wale bhul gae

kis ki man ne kitna zewar becha tha

Aslam Kolsarii

surūr-e-jāñ-fazā detī hai āġhosh-e-vatan sab ko

ki jaise bhī hoñ bachche maañ ko pyāre ek jaise haiñ

surur-e-jaan-faza deti hai aaghosh-e-watan sab ko

ki jaise bhi hon bachche man ko pyare ek jaise hain

Sarfaraz Shahid

tere dāman meñ sitāre haiñ to hoñge ai falak

mujh ko apnī maañ mailī oḌhnī achchhī lagī

tere daman mein sitare hain to honge ai falak

mujh ko apni man ki maili oDhni achchhi lagi

Munawwar Rana
  • Share this

tifl meñ aa.e kyā maañ baap ke atvār

duudh to Dibbe hai ta.alīm hai sarkār

tifl mein bu aae kya man bap ke atwar ki

dudh to Dibbe ka hai talim hai sarkar ki

Akbar Allahabadi
  • Share this

vo lamha jab mire bachche ne maañ pukārā mujhe

maiñ ek shāḳh se kitnā ghanā daraḳht huī

wo lamha jab mere bachche ne man pukara mujhe

main ek shaKH se kitna ghana daraKHt hui

Humaira Rahman

ye aisā qarz hai jo maiñ adā kar nahīñ saktā

meñ jab tak ghar na lauTūñ merī maañ sajde meñ rahtī hai

ye aisa qarz hai jo main ada kar hi nahin sakta

mein jab tak ghar na lauTun meri man sajde mein rahti hai

Munawwar Rana
  • Share this

Added to your favorites

Removed from your favorites