aaj ik aur baras biit gayā us ke baġhair

jis ke hote hue hote the zamāne mere

aaj ek aur baras bit gaya us ke baghair

jis ke hote hue hote the zamane mere

ik saal gayā ik saal nayā hai aane ko

par vaqt kā ab bhī hosh nahīñ dīvāne ko

ek sal gaya ek sal naya hai aane ko

par waqt ka ab bhi hosh nahin diwane ko

na shab o roz hī badle haiñ na haal achchhā hai

kis barhaman ne kahā thā ki ye saal achchhā hai

na shab o roz hi badle hain na haal achchha hai

kis barhaman ne kaha tha ki ye sal achchha hai

kisī ko sāl-e-nau kī kyā mubārakbād dī jaa.e

calender ke badalne se muqaddar kab badaltā hai

kisi ko sal-e-nau ki kya mubarakbaad di jae

calender ke badalne se muqaddar kab badalta hai

yakum january hai nayā saal hai

december meñ pūchhūñgā kyā haal hai

yakum january hai naya sal hai

december mein puchhunga kya haal hai

kuchh ḳhushiyāñ kuchh aañsū de kar Taal gayā

jīvan kā ik aur sunahrā saal gayā

kuchh KHushiyan kuchh aansu de kar Tal gaya

jiwan ka ek aur sunahra sal gaya

na koī rañj kā lamha kisī ke paas aa.e

ḳhudā kare ki nayā saal sab ko raas aa.e

na koi ranj ka lamha kisi ke pas aae

KHuda kare ki naya sal sab ko ras aae

dekhiye paate haiñ ushshāq butoñ se kyā faiz

ik barahman ne kahā hai ki ye saal achchhā hai

dekhiye pate hain ushshaq buton se kya faiz

ek barahman ne kaha hai ki ye sal achchha hai

phir na.e saal kī sarhad pe khaḌe haiñ ham log

raakh ho jā.egā ye saal bhī hairat kaisī

phir nae sal ki sarhad pe khaDe hain hum log

rakh ho jaega ye sal bhi hairat kaisi

ik ajnabī ke haath meñ de kar hamārā haath

lo saath chhoḌne lagā āḳhir ye saal bhī

ek ajnabi ke hath mein de kar hamara hath

lo sath chhoDne laga aaKHir ye sal bhi

ek baras aur biit gayā

kab tak ḳhaak uḌānī hai

ek baras aur bit gaya

kab tak KHak uDani hai

purāne saal kī ThiThurī huī parchhā.iyāñ simTīñ

na.e din kā nayā sūraj ufuq par uThtā aatā hai

purane sal ki ThiThuri hui parchhaiyan simTin

nae din ka naya suraj ufuq par uThta aata hai

ye kis ne phone pe dī sāl-e-nau kī tahniyat mujh ko

tamannā raqs kartī hai taḳhayyul gungunātā hai

ye kis ne phone pe di sal-e-nau ki tahniyat mujh ko

tamanna raqs karti hai taKHayyul gungunata hai

na.e saal meñ pichhlī nafrat bhulā deñ

chalo apnī duniyā ko jannat banā deñ

nae sal mein pichhli nafrat bhula den

chalo apni duniya ko jannat bana den

ye saal bhī udāsiyāñ de kar chalā gayā

tum se mile baġhair december chalā gayā

ye sal bhi udasiyan de kar chala gaya

tum se mile baghair december chala gaya

irāda thā jī lūñgā tujh se bichhaḌ kar

guzartā nahīñ ik december akele

irada tha ji lunga tujh se bichhaD kar

guzarta nahin ek december akele

phir aa gayā hai ek nayā saal dosto

is baar bhī kisī se december nahīñ rukā

phir aa gaya hai ek naya sal dosto

is bar bhi kisi se december nahin ruka

safar kā ek nayā silsila banānā hai

ab āsmān talak rāsta banānā hai

safar ka ek naya silsila banana hai

ab aasman talak rasta banana hai

dulhan banī huī haiñ rāheñ

jashn manāo sāl-e-nau ke

dulhan bani hui hain rahen

jashn manao sal-e-nau ke

nayā saal dīvār par Taañg de

purāne baras kā calendar girā

naya sal diwar par Tang de

purane baras ka calendar gira

december kī shab-e-āḳhir na pūchho kis tarah guzrī

yahī lagtā thā har dam vo hameñ kuchh phuul bhejegā

december ki shab-e-aKHir na puchho kis tarah guzri

yahi lagta tha har dam wo hamein kuchh phul bhejega

ab ke baar mil ke yuuñ sāl-e-nau manāeñge

ranjisheñ bhulā kar ham nafrateñ miTā.eñge

ab ke bar mil ke yun sal-e-nau manaenge

ranjishen bhula kar hum nafraten miTaenge

mubārak mubārak nayā saal aayā

ḳhushī kā samāñ saarī duniyā pe chhāyā

mubarak mubarak naya sal aaya

KHushi ka saman sari duniya pe chhaya

har december isī vahshat meñ guzārā ki kahīñ

phir se āñkhoñ meñ tire ḳhvāb na aane lag jaa.eñ

har december isi wahshat mein guzara ki kahin

phir se aankhon mein tere KHwab na aane lag jaen

palaT sī ga.ī hai zamāne kī kaayā

nayā saal aayā nayā saal aayā

palaT si gai hai zamane ki kaya

naya sal aaya naya sal aaya

nayā saal aayā hai ḳhushiyāñ manāo

na.e āsmānoñ se āñkheñ milāo

naya sal aaya hai KHushiyan manao

nae aasmanon se aankhen milao

sāl-e-nau aatā hai to mahfūz kar letā huuñ maiñ

kuchh purāne se calender zehn kī dīvār par

sal-e-nau aata hai to mahfuz kar leta hun main

kuchh purane se calender zehn ki diwar par

is na.e saal ke svāgat ke liye pahle se

ham ne poshāk udāsī kī silā ke rakh lī

is nae sal ke swagat ke liye pahle se

hum ne poshak udasi ki sila ke rakh li

ai jaate baras tujh ko sauñpā ḳhudā ko

mubārak mubārak nayā saal sab ko

ai jate baras tujh ko saunpa KHuda ko

mubarak mubarak naya sal sab ko

ye ek lamha jise ham nayā samajhte haiñ

ḳhudā kare ki na.e mausamoñ ke saath aa.e

ye ek lamha jise hum naya samajhte hain

KHuda kare ki nae mausamon ke sath aae

ham lakīreñ kured kar dekheñ

rañg lā.egā kyā ye saal nayā

hum lakiren kured kar dekhen

rang laega kya ye sal naya

mirā haath dekh barahmana mirā yaar mujh ko milegā kab

tire muñh se nikle ḳhudā kare is saal meñ isī maah meñ

mera hath dekh barahmana mera yar mujh ko milega kab

tere munh se nikle KHuda kare is sal mein isi mah mein

bahār-e-husn ye do din kī chāñdnī hai huzūr

jo baat ab kī baras hai vo paar saal nahīñ

bahaar-e-husn ye do din ki chandni hai huzur

jo baat ab ki baras hai wo par sal nahin