aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Raasta

Path, journey, and destination

are all inter-related and together they create a complex of meaning. Related with the experience of journey, they unravel the hidden meaning of human existence as human life is itself a journey into the unknown, as much as into the known. You may like to read these verses to discover the pleasures of wayfaring as perceived by Urdu poets.

kyuuñ chalte chalte ruk ga.e vīrān rāsto

tanhā huuñ aaj maiñ zarā ghar tak to saath do

kyun chalte chalte ruk gae viran rasto

tanha hun aaj main zara ghar tak to sath do

Adil Mansuri

'faiz' thī raah sar-ba-sar manzil

ham jahāñ pahuñche kāmyāb aa.e

'faiz' thi rah sar-ba-sar manzil

hum jahan pahunche kaamyab aae

Faiz Ahmad Faiz

yahāñ kisī ko koī rāsta nahīñ detā

mujhe girā ke agar tum sambhal sako to chalo

yahan kisi ko koi rasta nahin deta

mujhe gira ke agar tum sambhal sako to chalo

Nida Fazli

vo kyā manzil jahāñ se rāste aage nikal jaa.eñ

so ab phir ik safar silsila karnā paḌegā

wo kya manzil jahan se raste aage nikal jaen

so ab phir ek safar ka silsila karna paDega

Iftikhar Arif

yuuñ terī rahguzar se dīvāna-vār guzre

kāñdhe pe apne rakh ke apnā mazār guzre

yun teri rahguzar se diwana-war guzre

kandhe pe apne rakh ke apna mazar guzre

Meena Kumari Naz

safar ek nayā silsila banānā hai

ab āsmān talak rāsta banānā hai

safar ka ek naya silsila banana hai

ab aasman talak rasta banana hai

Shahbaz Khwaja

kaash vo rāste meñ mil jaa.e

mujh ko muñh pher kar guzarnā hai

kash wo raste mein mil jae

mujh ko munh pher kar guzarna hai

Fahmi Badayuni

ham aap ko dekhte the pahle

ab aap raah dekhte haiñ

hum aap ko dekhte the pahle

ab aap ki rah dekhte hain

Kaifi Hyderabadi

kaTī huī hai zamīñ koh se samundar tak

milā hai ghaao ye dariyā ko rāsta de kar

kaTi hui hai zamin koh se samundar tak

mila hai ghao ye dariya ko rasta de kar

Adeem Hashmi

kabhī is shahr se ho kar guzar

rāstoñ ke jaal meñ uljhā huuñ maiñ

tu kabhi is shahr se ho kar guzar

raston ke jal mein uljha hun main

Aashufta Changezi

koī rasta kahīñ jaa.e to jāneñ

badalne ke liye raste bahut haiñ

koi rasta kahin jae to jaanen

badalne ke liye raste bahut hain

Mahboob Khizan

jo rukāvaT thī hamārī raah

rāsta niklā usī dīvār se

jo rukawaT thi hamari rah ki

rasta nikla usi diwar se

Azhar Abbas

yaqīnan rahbar-e-manzil kahīñ par rāstā bhūlā

vagarna qāfile ke qāfile gum ho nahīñ sakte

yaqinan rahbar-e-manzil kahin par rasta bhula

wagarna qafile ke qafile gum ho nahin sakte

Nisar Itavi

maiñ ḳhud apne ta.āqub meñ phir rahā huuñ abhī

uThā ke merī rāhoñ se rāstā le

main KHud hi apne taaqub mein phir raha hun abhi

uTha ke tu meri rahon se rasta le ja

Lutf-ur-rahman

phir usī qabr ke barābar se

zinda rahne rāsta niklā

phir usi qabr ke barabar se

zinda rahne ka rasta nikla

Fahmi Badayuni

dilchasp ho ga.ī tire chalne se rahguzar

uTh uTh ke gard-e-rāh lipaTtī hai raah se

dilchasp ho gai tere chalne se rahguzar

uTh uTh ke gard-e-rah lipaTti hai rah se

Jaleel Manikpuri

musāfir tirā zikr karte rahe

mahaktā rahā rāsta der tak

musafir tera zikr karte rahe

mahakta raha rasta der tak

aqeel nomani

ajab nahīñ ki ye dariyā nazar dhokā ho

ajab nahīñ ki koī rāsta nikal aa.e

ajab nahin ki ye dariya nazar ka dhoka ho

ajab nahin ki koi rasta nikal aae

Irfan Siddiqi

jahāñ tak paañv mere sake haiñ

vahīñ tak rāsta Thahrā huā hai

jahan tak panw mere ja sake hain

wahin tak rasta Thahra hua hai

Abdussamad ’Tapish’

vo jis muñDer pe chhoḌ aayā apnī āñkheñ maiñ

charāġh hotā to lau bhuul kar chalā jaatā

wo jis munDer pe chhoD aaya apni aankhen main

charagh hota to lau bhul kar chala jata

Jamal Ehsani

maiñ us dhun meñ na.e rāste pe niklī

dayār-e-jāñ se mirī roz jo guzartā rahā

main us ki dhun mein nae raste pe ja nikli

dayar-e-jaan se meri roz jo guzarta raha

Abida Karamat

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now