New Year Shayari

The arrival of a new year is a cause for celebration. It marks the end of one journey and the beginning of another. This is, however, a momentary pleasure and keeps us oblivious of the times that may not be as welcome as this one. These verses bring the pleasures that the New Year brings to us along with new promises.

aaj ik aur baras biit gayā us ke baġhair

jis ke hote hue hote the zamāne mere

aaj ek aur baras bit gaya us ke baghair

jis ke hote hue hote the zamane mere

Ahmad Faraz

ab ke baar mil ke yuuñ sāl-e-nau manāeñge

ranjisheñ bhulā kar ham nafrateñ miTā.eñge

ab ke bar mil ke yun sal-e-nau manaenge

ranjishen bhula kar hum nafraten miTaenge

Unknown
  • Share this

ai jaate baras tujh ko sauñpā ḳhudā ko

mubārak mubārak nayā saal sab ko

ai jate baras tujh ko saunpa KHuda ko

mubarak mubarak naya sal sab ko

Mohammad Asadullah
  • Share this

bahār-e-husn ye do din chāñdnī hai huzūr

jo baat ab baras hai vo paar saal nahīñ

bahaar-e-husn ye do din ki chandni hai huzur

jo baat ab ki baras hai wo par sal nahin

Lala Madhav Ram Jauhar

december shab-e-āḳhir na pūchho kis tarah guzrī

yahī lagtā thā har dam vo hameñ kuchh phuul bhejegā

december ki shab-e-aKHir na puchho kis tarah guzri

yahi lagta tha har dam wo hamein kuchh phul bhejega

Unknown
  • Share this

dekhiye paate haiñ ushshāq butoñ se kyā faiz

ik barahman ne kahā hai ki ye saal achchhā hai

dekhiye pate hain ushshaq buton se kya faiz

ek barahman ne kaha hai ki ye sal achchha hai

Mirza Ghalib

dulhan banī huī haiñ rāheñ

jashn manāo sāl-e-nau ke

dulhan bani hui hain rahen

jashn manao sal-e-nau ke

Sahir Ludhianvi
  • Share this

ham lakīreñ kured kar dekheñ

rañg lā.egā kyā ye saal nayā

hum lakiren kured kar dekhen

rang laega kya ye sal naya

Aazim Kohli
  • Share this

har december isī vahshat meñ guzārā ki kahīñ

phir se āñkhoñ meñ tire ḳhvāb na aane lag jaa.eñ

har december isi wahshat mein guzara ki kahin

phir se aankhon mein tere KHwab na aane lag jaen

Rehana Roohi

ik ajnabī ke haath meñ de kar hamārā haath

lo saath chhoḌne lagā āḳhir ye saal bhī

ek ajnabi ke hath mein de kar hamara hath

lo sath chhoDne laga aaKHir ye sal bhi

Hafeez Merathi
  • Share this

ik saal gayā ik saal nayā hai aane ko

par vaqt ab bhī hosh nahīñ dīvāne ko

ek sal gaya ek sal naya hai aane ko

par waqt ka ab bhi hosh nahin diwane ko

Ibn e Insha
  • Share this

irāda thā lūñgā tujh se bichhaḌ kar

guzartā nahīñ ik december akele

irada tha ji lunga tujh se bichhaD kar

guzarta nahin ek december akele

Ghulam Mohammad Qasir

is na.e saal ke svāgat ke liye pahle se

ham ne poshāk udāsī silā ke rakh

is nae sal ke swagat ke liye pahle se

hum ne poshak udasi ki sila ke rakh li

Sidra Sahar Imran

kaun jaane ki na.e saal meñ kis ko paḌhe

terā meyār badaltā hai nisāboñ tarah

kaun jaane ki nae sal mein tu kis ko paDhe

tera meyar badalta hai nisabon ki tarah

Parveen Shakir

mirā haath dekh barahmana mirā yaar mujh ko milegā kab

tire muñh se nikle ḳhudā kare is saal meñ isī maah meñ

mera hath dekh barahmana mera yar mujh ko milega kab

tere munh se nikle KHuda kare is sal mein isi mah mein

Unknown
  • Share this

mubārak mubārak nayā saal aayā

ḳhushī samāñ saarī duniyā pe chhāyā

mubarak mubarak naya sal aaya

KHushi ka saman sari duniya pe chhaya

Akhtar Shirani
  • Share this

na koī rañj lamha kisī ke paas aa.e

ḳhudā kare ki nayā saal sab ko raas aa.e

na koi ranj ka lamha kisi ke pas aae

KHuda kare ki naya sal sab ko ras aae

Unknown
  • Share this

na shab o roz badle haiñ na haal achchhā hai

kis barhaman ne kahā thā ki ye saal achchhā hai

na shab o roz hi badle hain na haal achchha hai

kis barhaman ne kaha tha ki ye sal achchha hai

Ahmad Faraz
  • Share this

na.e saal meñ pichhlī nafrat bhulā deñ

chalo apnī duniyā ko jannat banā deñ

nae sal mein pichhli nafrat bhula den

chalo apni duniya ko jannat bana den

Unknown
  • Share this

nayā saal aayā hai ḳhushiyāñ manāo

na.e āsmānoñ se āñkheñ milāo

naya sal aaya hai KHushiyan manao

nae aasmanon se aankhen milao

Unknown
  • Share this

palaT ga.ī hai zamāne kaayā

nayā saal aayā nayā saal aayā

palaT si gai hai zamane ki kaya

naya sal aaya naya sal aaya

Akhtar Shirani
  • Share this

phir aa gayā hai ek nayā saal dosto

is baar bhī kisī se december nahīñ rukā

phir aa gaya hai ek naya sal dosto

is bar bhi kisi se december nahin ruka

Unknown
  • Share this

phir na.e saal sarhad pe khaḌe haiñ ham log

raakh ho jā.egā ye saal bhī hairat kaisī

phir nae sal ki sarhad pe khaDe hain hum log

rakh ho jaega ye sal bhi hairat kaisi

Aziz Nabeel

purāne saal ThiThurī huī parchhā.iyāñ simTīñ

na.e din nayā sūraj ufuq par uThtā aatā hai

purane sal ki ThiThuri hui parchhaiyan simTin

nae din ka naya suraj ufuq par uThta aata hai

Ali Sardar Jafri
  • Share this

safar ek nayā silsila banānā hai

ab āsmān talak rāsta banānā hai

safar ka ek naya silsila banana hai

ab aasman talak rasta banana hai

Shahbaz Khwaja

yakum january hai nayā saal hai

december meñ pūchhūñgā kyā haal hai

yakum january hai naya sal hai

december mein puchhunga kya haal hai

Ameer Qazalbash

ye ek lamha jise ham nayā samajhte haiñ

ḳhudā kare ki na.e mausamoñ ke saath aa.e

ye ek lamha jise hum naya samajhte hain

KHuda kare ki nae mausamon ke sath aae

Unknown
  • Share this

ye kis ne phone pe sāl-e-nau tahniyat mujh ko

tamannā raqs kartī hai taḳhayyul gungunātā hai

ye kis ne phone pe di sal-e-nau ki tahniyat mujh ko

tamanna raqs karti hai taKHayyul gungunata hai

Ali Sardar Jafri
  • Share this

ye saal bhī udāsiyāñ de kar chalā gayā

tum se mile baġhair december chalā gayā

ye sal bhi udasiyan de kar chala gaya

tum se mile baghair december chala gaya

Unknown
  • Share this

Added to your favorites

Removed from your favorites