raat din phir rahā huuñ galiyoñ meñ

merā ik shaḳhs kho gayā hai yahāñ

raat din phir raha hun galiyon mein

mera ek shaKHs kho gaya hai yahan

hū-ba-hū aap hī kī mūrat hai

zindagī kitnī ḳhūb-sūrat hai

hu-ba-hu aap hi ki murat hai

zindagi kitni KHub-surat hai

jal kar girā huuñ sūkhe shajar se uḌā nahīñ

maiñ ne vahī kiyā jo taqāzā vafā kā thā

jal kar gira hun sukhe shajar se uDa nahin

main ne wahi kiya jo taqaza wafa ka tha

havā sahlā rahī hai us ke tan ko

vo sho.ala ab sharāre de rahā hai

hawa sahla rahi hai us ke tan ko

wo shoala ab sharare de raha hai

ka.ī harfoñ se mil kar ban rahā huuñ

bajā.e lafz ke alfāz huuñ maiñ

kai harfon se mil kar ban raha hun

bajae lafz ke alfaz hun main

koī nādīda uñglī uTh rahī hai

mirī jānib ishāra ho rahā hai

koi nadida ungli uTh rahi hai

meri jaanib ishaara ho raha hai

go rāhzan kā vaar bhī kuchh kam na thā magar

jo vaar kārgar huā vo rahnumā kā thā

go rahzan ka war bhi kuchh kam na tha magar

jo war kargar hua wo rahnuma ka tha

fankār ba-zid hai ki lagā.egā numā.ish

maiñ huuñ ki har ik zaḳhm chhupāne meñ lagā huuñ

fankar ba-zid hai ki lagaega numaish

main hun ki har ek zaKHm chhupane mein laga hun

kitnā maan gumān hai dene vaale ko

dard diyā hai aur mudāvā rok liyā

kitna man guman hai dene wale ko

dard diya hai aur mudawa rok liya

abhī zamīn ko haft āsmāñ banānā hai

isī jahāñ ko mujhe do-jahāñ banānā hai

abhi zamin ko haft aasman banana hai

isi jahan ko mujhe do-jahan banana hai

aise hālāt meñ ik roz na jī sakte the

ham ko zinda tire paimān-e-vafā ne rakkhā

aise haalat mein ek roz na ji sakte the

hum ko zinda tere paiman-e-wafa ne rakkha

libās meñ hai vo tarz-e-tapāk-e-ārā.ish

jo añg chāhe chhupānā jhalak jhalak jaa.e

libas mein hai wo tarz-e-tapak-e-araish

jo ang chahe chhupana jhalak jhalak jae

kahīñ to harf-e-āḳhir huuñ maiñ 'akbar'

kisī kā nuqta-e-āġhāz huuñ maiñ

kahin to harf-e-aKHir hun main 'akbar'

kisi ka nuqta-e-aghaz hun main

nafas nafas ho sabā kī tarah bahār-añgez

ufuq ufuq gul-e-hastī mahak mahak jaa.e

nafas nafas ho saba ki tarah bahaar-angez

ufuq ufuq gul-e-hasti mahak mahak jae

kabhī jo vaqt zamāne ko detā hai gardish

mire makāñ se bhī kuchh lā-makāñ guzarte haiñ

kabhi jo waqt zamane ko deta hai gardish

mere makan se bhi kuchh la-makan guzarte hain

vo bhī din thā ki tire aane kā paiġhām aayā

tab mire ghar meñ qadam bād-e-sabā ne rakkhā

wo bhi din tha ki tere aane ka paigham aaya

tab mere ghar mein qadam baad-e-saba ne rakkha

kisī ko apne sivā kuchh nazar nahīñ aatā

jo dīda-var hai tilism-e-nazar se niklegā

kisi ko apne siwa kuchh nazar nahin aata

jo dida-war hai tilism-e-nazar se niklega

ye aks-e-āb hai yā is kā dāman-e-rañgīñ

ajiib tarah kī surḳhī sī bādbān meñ hai

ye aks-e-ab hai ya is ka daman-e-rangin

ajib tarah ki surKHi si baadban mein hai