رات بھر خواب میں جلنا بھی اک بیماری ہے

عشق کی آگ سے بچنے میں سمجھ داری ہے

اک طرف پیار ہے رشتہ ہے وفاداری ہے

اور ان سب میں ہی اس غم کی طرف داری ہے

غلط فہمیاں میتؔ رکھو نہ دل میں

وہی سچ نہیں جتنا تم نے سنا ہے

شور شرابہ رہتا تھا جس آنگن میں

آج وہاں سے بس خاموشی نکلی ہے

ہمارا ہجر بھی اب مسئلہ بن

زمانہ میں اچھلتا جا رہا ہے

دل ٹوٹا تو میتؔ سمجھ میں یہ آیا

عشق وفا سب ایک پہیلی نکلی ہے

رات بے چین سی سردی میں ٹھٹھرتی ہے بہت

دن بھی ہر روز سلگتا ہے تری یادوں سے

یوں ملاقات کا یہ دور بنائے رکھیے

موت کب ساتھ نبھا جائے بھروسہ کیا ہے

راتیں ساری کروٹ میں ہی بیت رہیں

یادیں بھی کتنی بے چینی دیتی ہیں

کل میرے سائے میں اس کی شکل دکھی

منظر ایسے پس منظر میں آتا ہے

دسمبر کی سردی ہے اس کے ہی جیسی

ذرا سا جو چھو لے بدن کانپتا ہے

خواب میں اس سے روز ملا کرتا تھا میتؔ

لیکن سچ میں نہیں ملا سو زندہ ہوں

پرانی دیکھ کر تصویر تیری

نیا ہر دن گزرتا جا رہا ہے

تیری صورت تیری چاہت یادیں سب

چھوٹے سے اس دل میں کیا کیا رکھوں گا

سچ کہنے کا آخر یہ انجام ہوا

ساری بستی میں میں ہی بدنام ہوا

ہجر کے غم نے مجھے مار دیا تھا تو کیا

مر کے جینا بھی تو سیکھا ہے تری یادوں سے

ہجر کے بعد یہ سوچو کہ کہاں جاؤ گے

ہم تو مر جائیں گے ویسے بھی ہمارا کیا ہے

زندگی کا یہ مری کون ہے قاتل جانے

میں ہوں مشکل میں سزا دوں تو سزا دوں کس کو

سوچ رہا ہوں میں اس کا سودا کر دوں

اس کی یادوں کا جو دل میں ملبہ ہے

دکھا تھا خواب میں روتا ہوا دل

کہوں کیا اب تلک دہشت میں ہوں میں

میں کہانی میں نیا موڑ بھی لا سکتا تھا

میں نے کردار کو آنسو میں بھگویا ہی نہیں

لگایا ہے دل بھی تو پتھر سے میں نے

مری زندگی کی یہی اک خطا ہے

میں جتنی اور پیتا جا رہا ہوں

نشہ اتنا اترتا جا رہا ہے

کئی دن سے شرارت ہی نہیں کی

مرے اندر کا بچہ لاپتہ ہے