is pe hairāñ haiñ ḳharīdār ki qīmat hai bahut

mere gauhar kī tab-o-tāb nahīñ dekhte haiñ

is pe hairan hain KHaridar ki qimat hai bahut

mere gauhar ki tab-o-tab nahin dekhte hain

ye ḳhāna hamesha se vīrān hai

kahāñ koī dil ke makāñ meñ rahā

ye KHana hamesha se viran hai

kahan koi dil ke makan mein raha

dekhā hai kisī āhū-e-ḳhush-chashm ko us ne

āñkhoñ meñ bahut us kī chamak aa.ī huī hai

dekha hai kisi aahu-e-KHush-chashm ko us ne

aankhon mein bahut us ki chamak aai hui hai

ham tere āsmān meñ ai harf-e-e'tibār

uḌnā to chāhte haiñ magar par kahāñ se laa.eñ

hum tere aasman mein ai harf-e-e'tibar

uDna to chahte hain magar par kahan se laen

dastak pe ab gharoñ se koī boltā nahīñ

pahle ye shahr shahr-e-'adam-raftagāñ na thā

dastak pe ab gharon se koi bolta nahin

pahle ye shahr shahr-e-'adam-raftagan na tha

kyuuñ nahīñ hote munājātoñ ke ma.anī munkashif

ramz ban jaatā hai kyuuñ harf-e-duā ham se suno

kyun nahin hote munajaton ke mani munkashif

ramz ban jata hai kyun harf-e-dua hum se suno

na mere haath se chhuTnā hai mere neze ko

na tere tiir ko terī kamāñ meñ rahnā hai

na mere hath se chhuTna hai mere neze ko

na tere tir ko teri kaman mein rahna hai

us kī muTThī meñ javāhir the nazar merī taraf

aur mujhe pairāya-e-arz-e-hunar aatā na thā

us ki muTThi mein jawahir the nazar meri taraf

aur mujhe pairaya-e-arz-e-hunar aata na tha

jauhar baġhair qīmat-e-ā.īna kuchh nahīñ

ā.īna le bhī aa.eñ to jauhar kahāñ se laa.eñ

jauhar baghair qimat-e-aina kuchh nahin

aaina le bhi aaen to jauhar kahan se laen

har taraf gahrī siyāhī hai muhīt-e-'ishq meñ

ek sham'-e-dil ke bujhne se dhuāñ kitnā huā

har taraf gahri siyahi hai muhit-e-'ishq mein

ek sham'-e-dil ke bujhne se dhuan kitna hua

to kyā huā jo galā ye rasan meñ rahne lagā

maza to dāna-e-haq kā dahan meñ rahne lagā

to kya hua jo gala ye rasan mein rahne laga

maza to dana-e-haq ka dahan mein rahne laga

jo sā'at-e-numūd vahī vaqt-e-raft-o-būd

dariyā meñ kitnī der safar hai hubāb kā

jo sa'at-e-numud wahi waqt-e-raft-o-bud

dariya mein kitni der safar hai hubab ka