اتنی پی جائے کہ مٹ جائے میں اور تو کی تمیز

یعنی یہ ہوش کی دیوار گرا دی جائے

زندگی کٹ گئی مناتے ہوئے

اب ارادہ ہے روٹھ جانے کا

ہم سے تنہائی کے مارے نہیں دیکھے جاتے

بن ترے چاند ستارے نہیں دیکھے جاتے

ترا وجود گواہی ہے میرے ہونے کی

میں اپنی ذات سے انکار کس طرح کرتا

عزیز مجھ کو ہیں طوفان ساحلوں سے سوا

اسی لیے ہے خفا میرا ناخدا مجھ سے

یہ زمیں خواب ہے آسماں خواب ہے

اک مکاں ہی نہیں لا مکاں خواب ہے

بات اپنی انا کی ہے ورنہ

یوں تو دو ہاتھ پر کنارا ہے

صوت کیا شے ہے خامشی کیا ہے

غم کسے کہتے ہیں خوشی کیا ہے

دیکھ کے جس کو دل دکھتا تھا

وہ تصویر جلا دی ہم نے

میں شاید تیرے دکھ میں مر گیا ہوں

کہ اب سینے میں کچھ دکھتا نہیں ہے

پرستش کی ہے میری دھڑکنوں نے

تجھے میں نے فقط چاہا نہیں ہے

حرف جیسے ہو گئے سارے منافق ایک دم

کون سے لفظوں میں سمجھاؤں تمہیں دل کا پیام

تجھ کو کھو کر مجھ پر وہ بھی دن آئے

چھپ نہ سکا دکھ پیچھے کئی نقابوں کے

مجھ پہ ہو جائے تری چشم کرم گر پل بھر

پھر میں یہ دونوں جہاں ''بات ذرا سی'' لکھوں