Jaun Eliya's Photo'

Jaun Eliya

1931 - 2002 | Karachi, Pakistan

One of the most prominent modern Pakistani poets, popular for his unconventional ways.

aaj bahut din ba.ad maiñ apne kamre tak aa niklā thā

juuñ darvāza kholā hai us ḳhushbū aa.ī hai

aaj bahut din baad main apne kamre tak aa nikla tha

jun hi darwaza khola hai us ki KHushbu aai hai

ab jo rishtoñ meñ bañdhā huuñ to khulā hai mujh par

kab parind uḌ nahīñ paate haiñ paroñ ke hote

ab jo rishton mein bandha hun to khula hai mujh par

kab parind uD nahin pate hain paron ke hote

  • Share this

ab to us ke baare meñ tum jo chāho vo kah Daalo

vo añgḌā.ī mere kamre tak to baḌī rūhānī thī

ab to us ke bare mein tum jo chaho wo kah Dalo

wo angDai mere kamre tak to baDi ruhani thi

bahut nazdīk aatī rahī ho

bichhaḌne irāda kar liyā kyā

bahut nazdik aati ja rahi ho

bichhaDne ka irada kar liya kya

hāsil-e-kun hai ye jahān-e-ḳharāb

yahī mumkin thā itnī ujlat meñ

hasil-e-kun hai ye jahan-e-KHarab

yahi mumkin tha itni ujlat mein

hamla hai chaar dar-o-dīvār-e-shahr

sab jañgaloñ ko shahr ke andar sameT lo

hamla hai chaar su dar-o-diwar-e-shahr ka

sab jangalon ko shahr ke andar sameT lo

har shaḳhs se be-niyāz ho

phir sab se ye kah ki maiñ ḳhudā huuñ

har shaKHs se be-niyaz ho ja

phir sab se ye kah ki main KHuda hun

ik ajab āmad-o-shud hai ki na maazī hai na haal

'jaun' barpā ka.ī nasloñ safar hai mujh meñ

ek ajab aamad-o-shud hai ki na mazi hai na haal

'jaun' barpa kai naslon ka safar hai mujh mein

ilaaj ye hai ki majbūr kar diyā jā.ūñ

vagarna yuuñ to kisī nahīñ sunī maiñ ne

ilaj ye hai ki majbur kar diya jaun

wagarna yun to kisi ki nahin suni main ne

  • Share this

jo guzārī na sakī ham se

ham ne vo zindagī guzārī hai

jo guzari na ja saki hum se

hum ne wo zindagi guzari hai

kaise kaheñ ki tujh ko bhī ham se hai vāsta koī

ne to ham se aaj tak koī gila nahīñ kiyā

kaise kahen ki tujh ko bhi hum se hai wasta koi

tu ne to hum se aaj tak koi gila nahin kiya

kaun is ghar dekh-bhāl kare

roz ik chiiz TuuT jaatī hai

kaun is ghar ki dekh-bhaal kare

roz ek chiz TuT jati hai

kitnī dilkash ho tum kitnā dil-jū huuñ maiñ

kyā sitam hai ki ham log mar jā.eñge

kitni dilkash ho tum kitna dil-ju hun main

kya sitam hai ki hum log mar jaenge

kyā kahā ishq jāvedānī hai!

āḳhirī baar mil rahī ho kyā

kya kaha ishq jawedani hai!

aaKHiri bar mil rahi ho kya

maiñ bhī bahut ajiib huuñ itnā ajiib huuñ ki bas

ḳhud ko tabāh kar liyā aur malāl bhī nahīñ

main bhi bahut ajib hun itna ajib hun ki bas

KHud ko tabah kar liya aur malal bhi nahin

  • Share this

merī bāñhoñ meñ bahakne sazā bhī sun le

ab bahut der meñ āzād karūñgā tujh ko

meri banhon mein bahakne ki saza bhi sun le

ab bahut der mein aazad karunga tujh ko

saarī galī sunsān paḌī thī bād-e-fanā ke pahre meñ

hijr ke dālān aur āñgan meñ bas ik saaya zinda thā

sari gali sunsan paDi thi baad-e-fana ke pahre mein

hijr ke dalan aur aangan mein bas ek saya zinda tha

us galī ne ye sun ke sabr kiyā

jaane vaale yahāñ ke the nahīñ

us gali ne ye sun ke sabr kiya

jaane wale yahan ke the hi nahin

ye mujhe chain kyuuñ nahīñ paḌtā

ek shaḳhs thā jahān meñ kyā

ye mujhe chain kyun nahin paDta

ek hi shaKHs tha jahan mein kya

ye vaar kar gayā hai pahlū se kaun mujh par

thā maiñ daa.eñ baa.eñ aur maiñ darmiyāñ thā

ye war kar gaya hai pahlu se kaun mujh par

tha main hi daen baen aur main hi darmiyan tha

Added to your favorites

Removed from your favorites